إبراهيم عبدالعظيم | ياقلب يامليان (النجع) | Ibrahim Abdelazem | Ya Qalb Ya Malyan (Alnaga')

#ابراهيم_عدالعظيم #يامليان #النجع
كلمات الأغنية |
منين قلتلك رانك علي بركان
ماسمعتني ياقلب يامليان
....
قتلك فيها خاء ونون ويحجّب الله عليها
لعبوا بيها قالبين مافيها علي سافيها
ويامليان وحد المولى وإبعد الشيطان
ويامليان ليام متغطي بها عريان
....
يامعلول نا قلتلك غير ماسمعت القول
اتقول مسلول مانكش في صدري بلاك انجول
اليوم كم حول لاعبين في لبلاد عرض وطول
بدا مشلول اللي كان هو الملجا وهو لحلول
ويامليان ليام متغطي بها عريان
ويامليان وحد المولى وإبعد الشيطان
....
في مافات نصحتك وقتلك ران غدارات
وقلابات ليام ماليهنش ريح اتبات
وبرامات مايرقدن عالدَّين خلاّصات
وهدامات وماطيحن لقصور باشوات
وفلاقات لنجوع كانن عز خرابات
وقزانات كم من يتيم وشردن عايلات
صح حلوات كانهن عطن بالوجه ضحاكات
وبكايات كانهن عطن بالضهر نكاسات
ولايوجعك من مات مايوجعك غير الغَلَب وين بات
ويامليان مايعرفنش فلان لا علان
ويامليان خلن العظمى النايره دخان
....
لا صمام ينفع إن كانه ضاربك دمدام
ولا ضمام يضم حوستك مفتوح لك كم عام
ولا نلتام كان قلتلك عندي معاك اخصام
جتني اجمام منك ونلقاها إنك خمخام
عليك ملام خوذه كما إنت ونعرفك فهام
ويامليان الشمس غطّست سيّورها بتبان
ويامليان كله مراد الله وإمتحان
....
ماتنساش منين قلتلك بركان ماسمعتاش
في سنة احداش ظلّم الليل إسترجل الخفاش
بدا النقاش غير بالكلاشينكوف والرشاش
وجا الجيّاش وشاطت النار و ولّع القشواش
ومافيهاش المتماسكة إنقسمت علي سطاش
بدت لحياش متمزطه تمزيطة المشماش
والفرفاش فيسع انشق الوطن باع بلاش
ومايسواش عارفينه السكار والحشاش
وجابه فلاش يبقبق مع معنز دمرداش
لعبة شاش فيسع خذوها الغرب حاضر باش
انباعت كاش فيها الناتو تم طالع خاش
والبكاش عطانا بظهره وباعنا الغشاش
ملقيناش من قال كلمة خير من لحباش
ومادرناش حساب للخيانة وختل بوكماش
وماتخلاش فيها العماله وحقد سم احناش
الغايب حاش تلاقن وتم الصفق نطح اكباش
رابط جاش عَقَّل ركبته والراس ماواطاش
اغطاء وفراش السوس غمها في غيبة الكرداش
ومايحيداش بترولنا ولا ملح بوكماش
ودار اعشاش تكاثر استوطن قر ماعداش
مع الدباش هناء بلادنا عدى وماولاّش
وطاش من طاش ومات من ضميره حي خلّص كاش
كما الطشاش ملايين طارو سيّبو لقشاش
دخل الإنعاش خطير وطنّا غير حظ كانا عاش
وعظمه اهراش من قبل ليه الدم مايرقاش
بدت هشهاش قصغنا الناتو ب غل مارحمناش
وعام اطناش علق في الثلاث وزاد لربعطاش
وتم ادياش خمسه وسته وزاد سبعطاش
قعدنا اعطاش فلس وظلام النوم ماشبعناش
وما ارتحناش مابين ثمانيه وبين تسعطاش
وزاد لغشاش عليّ الطلاق لليوم مافرحناش
ويامليان الشمس غطست سيورها بتبان
ويامليان سمعنا عياط الحوت في فزان
ويامليان كله بعد غيبة كبير الشان
....
ضنا الفرسان اللي قاوموا الأتراك والطليان
تريش اضنان لا جرذ فيهم لاهم قطط اسمان
قيادة أركان راسمين خط الموت عالحيتان
أحرار شجعان ماهمهم جبروت الأمريكان
اقوا واحنان يعطوك حتى الكبد كيف اصنان
جنينه هان عطاه وين مالامو كبار الشان
وبالبرهان كبير الصغير عدّل الميزان
صبح بريان ورطب كباد النجع كي الدهان
عرب دوزان وماهمش قرعه كابره في جنان
ولا هم زان إن شم الميه ينفخ الحيطان
اعقاد امتان اتكسر اللي يجيهم إن شاء الله جان
ويامليان الموتين مايموتهن إلا الجبان
ويامليان اللي بينّا في السر والكتمان
وشقلبان عارفينها الدنيا ومقلبان
وكنا آمان عيله ب بوها عايشين اخوان
نقز شيطان في بلادنا الله يبعد الشيطان
دخل سرطان وأورام ماتبرا إلا ف عمان
وأردوغان يقول ليبيا هي وتركيا جيران
الصولجان يبيه في السرايا يرد كيف ماكان
ركب حران نقز بيه جا في الروث والريغان
تي ياسبحان مايركبنش حصان فوق حصان
كيف زمان يحلم يكون اليوم سوبرمان
ومصراتان ياسي رجب ماهيش كردستان
ولا الزنتان تحلم بها بتكون شركستان
ولا اليونان يعيدو آثار لبدة وصبراتان
ولا لبنان اطول هانيبال يكون في القضبان
ويامليان طاحت بعد غيبة كبير الشان
ويامليان كفيل ربنا بنهاية الخيان
ـــــــــ
كلمات وألحان | علي الكيلاني
النجع 2020

[@هانداهاندا-خ6ر]

يحميلي هالصوت ربي وشوفك بأعلى مراحل الفن العالمي

[@meftah.Embarek]

انت الثرات يكفي ليبيا فخر انها انجبتك تحية من وادي زمزم ليك.

[@IbrahimAbdelazem]

تحياتي ليك ، ولأهلنا في وادي زمزم

[@salahAli-tl6ty]

ابدعت

[@IbrahimAbdelazem]

تسلم