Рет қаралды 24,881
قصيدة البارحة يوم الخلايق نياما هي من كلمات الشاعر محمد بن مسلم الاحسائي من مشاهير شعراء الاحساء ، وقد نسبت هذه القصيدة بالخطأ للشاعر نمر بن عدوان
الكلمات ..
البارحه يوم الخلايق نياما
بيحت من كثر البكا كل مكنون
قمت اتوجد له وانثر علاما
من موق عيني دمعها كان مخزون
ولي ونةً من سمعها مايناما
كني صويبًا بين الاضلاع مطعون
والا كما ونة كسير السلاما
خلوه ربعه للمعادين مديون
ولا في ونة راعبية حماما
غادً ذكرها والقوانيص يرمون
تسمع لها بين الجرايد حطاما
ومن نوحها تدعي المواليف يبكون
مرحوم ياللي مات شهر الصياما
صافي الجبين بليلة العيد مدفون
حطوا عليه من الخرق ثوب خاما
وقاموا عليه من الترايب يهلون
مرحوم ياللي مامشى بالملاما
جيران بيته راح مامنه يشكون
اخذت انا وياه عشرة اعواما
مامثلهن في كيفةً مالها لون
والله كنه ياعرب صرف عاما
وياحيلة الله شغل الايام وشلون
واكبر همومي من بزورًا يتامى
لاجيتهم قدام وجهي يبكون
وان قلت لاتبكون قالوا علاما
نبكي ويبكي مثلنا كل محزون
قلت السبب تبكون قالوا يتامى
قلت اليتيم انا وانتم تسجون
مع البزور وكل جرحًا يلاما
الا جروح بخاطري مايطيبون
قمت اتوجد عند ربعًا حشاما
جوني على فرقى خليلي يعزون
قالوا تزوج وانس لامه بلاما
ترى العذارى عن بعضهم يسلون
قلت انا اخاف من غاديات الذماما
اللي على ضيم الدهر ما يتاقون
تزعل عيالي بالنهر والكلاما
وانا تجرعني من المر بصحون
والله لولا هالصغار اليتامى
واخاف عليهم من السكه يضيعون
لأقول كل البيض عقبه حراما
واصبر كما يصبر على الحبس مسجون
عليه مني كل يومًا سلاما
عدة حجيج البيت واللي يطوفون
واعداد مانبت النفل والخزامى
على النبي ياللي حضرتوا تصلون
كلمات : محمد مسلم الاحسائي
لحن وغناء : بشير حمد شنان
-
ملك العود : بشير حمد شنان
bashir hamad shannan