Рет қаралды 256,801
Танымал әзілкеш, 10 мың доллардан кем тойға бармайтын әртіс Тұрсынбек Қабатовтың өзінің де, қызының да үстінен қылмыстық іс қозғалмаған. 13-маусымдағы дауға қатысты Әдемі Аманғали биыл ҰБТ -дан шеттетіліп отыр. Танымал актер мән-жайды түсіндіру үшін инстаграм парақшасына видео жариялаған. Бірақ, мұнда көрсетілген телефон Нұрбек есімді азаматтың емес, Бауыржан Жәдігеровтің номері болып шықты. Ал, Бауыржан Жәдігеров Тұрсынбек Қабатовтың қызы ҰБТ-ға дайындалған орталықтың директоры екен. Танымал шоумен Тұрсынбек Қабатов өзінің инстаграм парақшасына ақталған болып жариялаған жазба осы. Ал аудиода өзін Нұрбек деп таныстырған жігіт Әдемі Аманғалиға ҰБТ-дан жоғарғы балл әперіп, Қабатовтар отбасына тосын сый жасағысы келгенін айтады. Бірақ, жазбадағы байланыс номері Нұрбектің емес, Тұрсынбектің қызы ҰБТ-ға дайындалған орталықтың директоры Бауыржан Жәдігеровтікі болып шықты. Қабатовпен жақсы араласамын деген жігіт, Нұрбек есімді мұғалім біздің орталықта жұмыс істемейді деп түсіндірді. БАУЫРЖАН ЖӘДІГЕРОВ, Білім орталығының директоры:
- Тұрсынбек Қабатовтың қызы бізде көктемде білім алды. Басында ҰБТ-ға дайындалып, кейіннен шетелге түсетін болып, яғни шетелге түсетіндерді біз дайындамаймыз. Менің номерім шықты. Себебі Тұрсынбек Қабатов ол мұғалімді тауып беруді менен сұрады. Ол кісінің телефонын алмай қойған, сондықтан мен телефонымды сол жерде қосып, сол телефонмен сөйлесті ол жерде. Алайда, директордың бұл жауабына тәуелсіз журналист Гүлбану Әбенова сенбейді. Оның айтуынша, бұл былықтың артында Тұрсынбек Қабатовтың өзі тұр. Ал, ҰБТ-ға өзге адамды кіргізу Нұрбек Қанай атты мұғалімнің идеясы дейді.
ГҮЛБАНУ ӘБЕНОВА, тәуелсіз журналист:
- Нұрбек Қанаев деген 140+1 деген білім ол рталығында жұмыс істеген. Ол анық көрініп тұр. Бұрыннан бері соның жарнамасында жүр. Қаншама шәкірттері, қаншама түлектер айтып жатыр жұмыс істеді деп. Математика пәнінен. Әдемі Тұрсынбекқызы дайындалған орталықтың инстаграм парақшасы жабық. Бірақ, Гүлбану Әбенова сол парақшадағы Нұрбек Қанай атты қолданушы салған мына суреттерді жариялады. Әбенованың пайымынша Тұрсынбекпен телефон арқылы сөйлескен Нұрбек атты жігіт осы.
АЙБАР ТӨЛЖАНҰЛЫ, тілші:
- Тұрсынбек Қабатов басқаратын Әзірбайжан Мәмбетов атындағы театрға келдік. Осы жердегі директордың орынбасарының айтуынша Тұрсынбек Қабатов кезекті еңбек демалысына өтініш жазыпты. Біз таңертең де Тұрсынбек Қабатовтың жеке номеріне хабарластық. Дәл қазір тағы да бір қоңырау шалып көрейік. Қоңырауға жауап бермейді. Қазір қылмыстық іс 22 жастағы ер азаматтың үстінен қозғалған. Ол Нұрбек Қанай ма, өзге адам ба әзірге белгісіз. Бір анығы осы апта сот болады, қылмысы дәлелденсе 2 жылға дейін бас бостандығынан айырылуы мүмкін. Бұған дейін шоуменнің биыл мектеп бітірген қызының орнына ҰБТ тапсыруға басқа адамның кіргені айтылған еді. .
.
.
.
Бізді әлеуметтік желіде оқыңыздар: KZbin - / @informburo31kanal Facebook - / informburo31 Instagram - / informburo31 Vkontakte - informburo31 TikTok - www.tiktok.com/@informburo31 WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық #ТұрсынбекҚабатов #ӘдеміАманғали #ҰБТ #дау #алтын_белгі