Рет қаралды 5,294
ASSALOMU ALEYKUM YUTUB KANALI KUZATUVCHILARI SHOHSANAM KANALIMIZGA XUSH KELIBSIZ KANALIMIZDA YANGI YOKI MEXMON BOLSANGIZ OBUNA BOLISHNI UNUTMANG
#sher #dardli#alamli#sherlar
БУ КУНЛАР ҲАМ ЎТИБ КЕТАДИ
Гоҳ синовлар ботиб кетади,
Ғам домига тортиб кетади,
Дўст билганинг сотиб кетади
Бу кунлар ҳам ўтиб кетади!
Мағрур туринг, эгилмасин бош
Кўзингизни намламасин ёш,
Тунни ёриб чиқгайдир қуёш
Бу кунлар ҳам ўтиб кетади!
Маҳкам тутинг чидам, бардошни
Қалбингизда асраманг тошни
Ҳалол ошланг луқма-ю, ошни
Бу кунлар ҳам ўтиб кетади!
Омад ҳар дам, кулмас эканда
Гоҳ гулзор ҳам, чақир тиканда
Асли дунё шундай, бир камда
Бу кунлар ҳам ўтиб кетади!
Йиқилганда тиргак топилмас
Бир далда-ю, юпанч топилмас
Қаддингизни тутинг етар бас,
Бу кунлар ҳам ўтиб кетади!
Паноҳ кутманг ўзга одамдан,
Вафо кутманг чархи оламдан,
Тангри номин унутманг бир дам,
Бу кунлар ҳам ўтиб кетади!
Синов учун берилган ҳаёт,
Умр бир бор берилар, ҳайҳот
Парвоз этинг ёзиб қўшқанот
Бу кунлар ҳам ўтиб кетади!
Умидингиз сўндирманг зинҳор,
Қиш кетидан келади баҳор,
Таслим бўлманг, такрор ва такрор
Бу кунлар ҳам ўтиб кетади!
Дардингизга бўлиб шифоат,
Сийлар, яна бахт ва шафоат
Яна бироз қилсангиз тоқат
Бу кунлар ҳам ўтиб кетади!
Пок этсангиз дилда иймонни,
Йўқотмайин ғурур, виждонни
Ҳақ ҳукмига солинг ёмонни
Бу кунлар ҳам ўтиб кетади!