BUKID BUNDOK

BUKID BUNDOK
Bukid, bundok, pagawaan at parang
Batis ng ating kabuhayan
Hahayaan bang makamkam
Laya’t kasaganaan
Ang dangal ng bayang Pilipinas
Na nais igupo ng dahas
Manggagawa ay magbalikwas
Tutulan mo ang paghamak
Ang lahat ay magkaisang hanay
Isa ma'y walang hihiwalay
Hadlangan ang mga gahaman
Mapaniil na dayuhan
Bawat isa'y tibayan ang loob
Gapiin ang mambubusabos
Mga papet na manghuhuthot
Galamay ng mananakop
Ang damdamin nami’y nagliliyab
Buklurin sa iisang hangad
Umalpas na nang buong dahas
Sukdang dugo ay dumanak
Partido Komunista ang gabay
Bisig ang Bagong Hukbong Bayan
Ang lakas ay ang mamamayan
Sa paglaya ng bayan
Itaas ang bandilang pula
Nang lumaya ang bayan
Nang lumaya ang bayan