Рет қаралды 10,216
“BURA VƏTƏNDİR”- ŞƏLALƏLƏR KƏNDİ.. LAZA
Ssenari müəllifi: Lütfi Nəzəroğlu
Rejissor: Nəsimi Əliyev
Laza.. “Şah yaylaq” və Şahdağ zirvəsinin ətəyində,dəniz səviyyəsindən 1300 metr hündürlükdə, Böyük Qafqaz sıra dağlarının aşırımlarından keçən karvan yollarının üzərində yerləşən qədim dağ kəndi..
Adına ləzgicə “Latsar” deyilən bu kəndin ərazi baxımından- taleyi də özü kimi maraqlıdır.
Şahdağ zirvəsinə qalxan yolda-qayalıqlardan axan şəlalələrin göz oxşayan göz oxşayan mənzərəsi- Qusarın gəzməli-görməli yerlərindən olan bu dağ kəndinin gözəlliyinə ayrı bir yaraşıq verir.
Kəndin sakinləri, əcdadları- qədim leqlər olan etnik ləzgilərdən ibarətdir. Ləzgilərin əcdadları sayılan leqlər isə, vaxtilə Azərbaycanın qədim dövlətlərindən olan- Albaniyanın tayfalarından sayılır. Ümumiyyətlə,qeyd etmək lazımdır ki, ləzgilərin müqəddəratı tarixən Azərbaycan və azərbaycanlılarla sıx şəkildə bağlı olub.
Lazanın ən məşhur tarixi abidəsi, kəndin mərkəzində yerləşən 300 yaşlı məsciddir. XVIII əsrin sonuna aid olan bu məsçid və “Hacı seyid baba” piri kənd camaatının tez-tez ziyarət etdiyi yerlərdir.Haqqında söhbət açdığımız pir-100 il bundan əvvəl kəndin mərkəzində yerləşib,sonralar isə- kənd camaatı üçün müqəddəs sayılan qəbirstanlığa- qaya divarının yanına keçirilib.Yerli sakinlərin dediyinə görə,kənddə- Qusar çayın yaxınlığındakı qəbirstanlığın yaşı çox qədimlərdən xəbər verir.Burada, üzərində ərəb əlifbası ilə yazılar olan qəbirlər də deyilənlərin sübutudur.
Lazanın müxtəlif çeşidli yeməklərindən dadanlar yaxşı bilir ki, buranın müxtəlif çeşidli milli mətbəxindən yüksək zövq almamaq mümkün deyil. Süfrələri- təndirə yapılan “xizanfu”, “çaravatfu” kimi çörək növlərilə bəzənən- lazalılar xüsusui məclislərdə “skan” adlanan ət və kartof piroqları bişirirlər.”Afar” dedikləri göyərti, ət və qarın qutabları isə,gündəlik yemək növləri sayılır.
Yay-qış qonaq-qaralı olan bu kəndə- daha çox gələn əcnəbilər- yerli əhalinin öz həyətlərində tikdiyi otaqlarda yaşayır.
Qədım idman oyunlarından olan kəndirbazlıq və güləş yarışları- Lazada bu gün də qorunub saxlanılır və bu yarışlar xüsusi sifarişlərlə təşkil olunur.
/ ictimai.tv
/ ictimaitv.official
itv.az/
#İTV
#Buravətəndir
#ictimaitv #video #televiziya #baku #videolar #itv