Рет қаралды 165,252
Emisioni "Me zemer te hapur" nga Evis Ahmeti ne News24
25 tetor, 2019
Një nënë me tre fëmijë i është drejtuar emisionit me “Zemër të Hapur” në Neës 24 pasi është braktisur nga bashkëshorti. Gruaja është martuar në moshë të re me të dhe pas një historie të gjatë dashurie, 3 vjet të fejuar dhe 9 vjet të martuar kanë ardhur në jetë tre fëmijë. Lidhja ka nisur kur gruaja ishte vetëm 16 vjeç dhe burri ishte 19 vjeç, njohja ka ardhur rastësisht dhe të rinjtë u dashuruan dhe më pas u martuan. Nga kjo martesë erdhën në jetë tre fëmijë të cilët aktualisht janë 8 vjeç djali i madh i cili vuan nga epilepsia, 4 vjeç i dyti dhe tre vjeç djali i vogël.
Çifti nuk ka pasur një jetë të qetë pasi sipas gruas, bashkëshorti luante bixhoz dhe ishte i dhunshëm, por kjo për hir të fëmijëve shpesh herë e kish toleruar. Ajo që përmbysi kupën ishte tradhtia të cilën gruaja e kuptoi 6 muaj më parë, shkruan Balkanweb.
Nëpërmjet rrjetit social “Facebook” ajo kuptoi se bashkëshorti shkonte me një tjetër grua. Pas debateve të shumta gruaja u largua nga shtëpia dhe vajti te e ëma por me shpresën se bashkëshorti do të reflektonte. Ky i fundit nuk tregoi asnjë shenjë pendese. Më pas, gruaja u rikthye për hir të fëmijëve por aty mori vesh se bashkëshorti kishte futur në shtëpi një grua tjetër, atëherë nëna 30-vjeçare u largua përfundimisht.
Ajo nuk pranon t’i japë divorcin të shoqit pasi thotë se pas largimit të saj edhe ai i ka braktisur fëmijët.