Рет қаралды 6,123
Emosional Zəka hər bir insan bilməli olduğu bir psixoloji amildir. Hər birimiz günlük həyatımızda onlarla hislər , emosiyalar yaşayırıq . Əksər insanlar düşünür ki , onların yaşadığı emosiyalara xarici mühitdə baş verən hadisələr səbəb olur . İş yerində vəzifəmiz artır və ya işimizi itiririk , pul qazanırıq və ya pul itiririk ,uğurlu bir iş qururuq , ya biznesimiz uğursuzluğa düçar olur və.s kimi faktorların bizim emosiyalarımızı yaratdığını düşünürük .
Kimsə bizə kompliment deyir , biz özümüzü yaxşı hiss edirik və çoxdandır gözlənilən hansısa bir səyahət yaxınlaşır özümüzü yaxşı mənada həyacanlı hiss edirik .
Başqa tərəfdən hansısa pis bir şey baş verəndə biz qəmgin , əsəbi , stresli hiss edirik . Əslində isə , bizim hisslərimizi və emosiyalarımızı mühit yox da mühitin diktəsi ilə bizim beynimizdəki düşüncələrimiz yaradır . Yəni , həmin təsir faktorları haqda necə düşünməyimiz həmin hisləri yaradır . Bu da , çətin olsa da , bizim kotrolumuzdadır. Əgər istəsək, həmin düşüncələri dəyişdirə bilərik. Hətta ,xarici mühitdə baş verənlər bizə əksdirsə , biz həmin hadisələrə öz reaksiyalarımızı və qavram;m;z; başqa istiqamətdə yönləndirə bilərik . Bunu edərək də , bizim öz emosiyalarımız üzərində ustalaşamaşmağımız mümüküdür.
Yaşadığımız neqativ emosiyalar , hislər , bəlkə də həyatda bizim uğur qazanmağımızın qarşısını alan ən böyük əngəldir .
Siz deyə bilərsiniz ki , axı , mən işimi itirmişəmsə necə özümü yaxşı hiss edə bilərəm ki ?! “ Mənim özümü pis hiss etməyim tam təbii haldır, əgər iş yerimi itirməsəydim özümü belə hiss etməyəcəkdim” deyirsiniz. Məsələni belə izah edən həmin şəxs , onun pis emosiyalar hiss etməyinin səbəbkarı kimi xarici faktoru görür. Əslində isə, o insanın həmin vəziyyətdə özünü pis hiss etmə prosesi belə formalaşır : Birinci , müdirindən onun işini itirdiyi xəbərini alır , daha sonra o düşünməyə başlıyır : “ Necə yeni iş tapacam” “ Kommunal xərcləri necə ödəyəcəm axı” “ Bu işi də çətinliklə tapmışdım” kimi fikirlərlə bütün günü düşünür . Üçüncü mərhələdə isə həmin şəxs başlayır özündə pis emosiyalar hiss etməyə . Yəni xarici faktorların baş verməsi ilə emosiyalar arasında bir düşünmə mərhələsi var ki , həmin o mərhələ bizim hissiyatlarımızı yaradır . Məsələyə fizioloji tərəfdən yanaşsaq , bu drumda , beynimizdə xoşbəxtlik hormonu olan serotoninin miqdarı azalır və stres hormonu sayılan kortizol hormonu artır . Bu da insanın özünü pis hiss etməsinə və sonda da depresiyaya düşməsinə səbəb olur .
Bəs bu misalda adətən növbəti mərhələlərdə nə baş verir ?
Özünü qəmgin hiss edən həmin şəxs , başlıyır özünə zərər verəcək mənfi addımlar atır,məsələn düzgün qidalanmır, sonra mədə ağrıları başlıyır , nəticədə isə yenidən özü üçün daha pis nəticələr yaradır . Bu da yenidən həmin insanı mənfi düşünməyə və daha çox pis emosiyalar hiss etməyə aparır . Əgər həmin şəxs şüurlu şəkildə düşüncələrinə müdaxilə etməsə sonda ən yaxşı halda depresiya xəstəliyi ilə qarşılaşır və dairə sistemi dəfələrlə təkraralanacaq.Bu durum sonda həmin inasanı ola biləcəyi ən uğursuz duruma gətirəcək. Bu yanaşmada öyrənəcəyimiz açar məsələ odur ki , emosiyalarımızı yaradan düşüncələrimizdir . Bu senaridə , işini itirmiş həmin insan düşünsə ki , “ Çox çalışsam yeni iş rahatlıqla tapa bilərəm” “Dostlarımdan yeni iş tapmaqda kömək istəyə bilərəm” “ “Mənim üçün elə xeyrlisi bu imiş” kimi fikirlər düşünsə artıq həmin insan müsbət emosiyalar yaratmış olacaq və bu istiqamətdə dayanmadan hərəkət edəcək . Daha sonra böyük ehtimal bu motivasiya ilə yenidən iş tapacaq . “ Buna nail oldumsa deməli daha çox nailiyyət qazanaram” deyib bu nəticə ilə yenidən o pozitiv düşünəcək ki , bu da sonda onun daha çox çalışması ilə və nəticədə yeni uğurlarla sonlanacaq .
---------------------------------------------------------------------------------------------------------------------------------------------------------------
Animasiyanın hazırlanmasında istifadə etdiyimiz proqram: tidd.ly/2PdkVCV
Bizim animasiya xidmətimiz üçün əlaqə: / businestalks
---------------------------------------------------------------------------------------------------------------------------------------------------------------
Mətn və Səsləndirmə müəllifi : Kamran Tağıyev
Animasiya müəllifi : Ülkər Axundova