Busturialdeko Zientzia eta Teknologia Eguna 2024

#Talentatu egitasmoaren baitan Busturialdean, DBH4ko ikasleentzat ZIENTZIA ETA TEKNOLOGIA EGUNA ospatzen da. Txoko ezberdinez gozatzeko aukera dute ikasleek: robotika, adimen artifiziala, errealitate areagotua, elektronika, matematika eta elektrizitatea bezalako gaiak jorratzen dituzte. Horrez gain, inguruko kooperatibek ere beraien txokoa jartzen dute enpresak ezagutzera emateko.
Kooperatiben Mahaia Elkarteak, Leartibai Fundazioaren laguntzaz, STEAM (Science, Technology, Engineering, Art, Mathematics) ikasgaiak sustatu, zientzia eta teknologiarako zaletasuna piztu, eskualdea ezagutu, nortasun sentimendua landu, eskualdeko industria-sarea nolakoa den ikusi eta etorkizunean bertoko enpresak beharko dituzten langile profilak ezagutzera emateko asmoz sortutako egitasmo honen izena TALENTATU da.
TALENTUA SORTU, MANTENDU ETA ERAKARTZEA DU HELBURU TALENTATU PROGRAMAK.