حبوبة قالت شنو؟

حبوبة قالت
عاشر بس ما تتمسك بزول البلقا غيرك بنسى خيرك، والبعمل ليك فيها أطرش ما تصرخ في اضانو..
و البسر العين بسر القلب إلا العين حاسدة و القلب بغران، وما تختار الزول الحلو اختار الزول البخلي حياتك حلوة.. والما بدورك وقت الشمس تلفح لفح ما يدورك وقت الغمام و الجو السمح..اتنين ابقى عليهم عشرة عزة نفسك و عزيز نفسك الاول مقامك والتاني سند...
حبوبة قالت:
الدنيا دي سدااااية ورضاية والبديك عيونو م تجازيهو بالعمي والما بدورك اوعك تفتش دربو، كترت الموية بتقتل النبات وتخربو، وما ضروري تعرفو ااااي حاجة في الدنيا، لانو مرات الضوء الزايد بيعمي.
والريد بالغصب لا بنفعك ولا بفيدك. وزولا ماهو ليك اختاهو وارفع ايدك، والجمرة بتحرق الواطيها، وما تقولي الفكي عشان الله في...