بوتاجاز كريازي 5 شعلة 60×80 امان كامل حوامل حديد

[@omkhaled5483]

ريفيو جميل جدا فعلا انا اول مره اشوف مواصفات كريازي بالشكل دا انا عندي القديم منه بس شكل السطح بتاعه له جناب بتجمع الاكل فيها أما ده فيه مواصفات حلوه كتير بس ممكن سؤال هو فيه مقاس ٦٠في ٩٠سم

[@محترفالتقنية-خ6ج]

ايوة فيه

[@youmnayossry821]

جزاك الله خيرا بجد احسن قناه عملت ريفيو لشرح المميزات والعيوب كل القنوات كانت بتشرح المواصفات فقط ربنا يطمن قلبك ❤❤❤

[@fan_eltabkh]

ربنا يكرمك اماصرحتك ووضوحك وطريقه إلقائك حقيقي تستحقي التقدير خصوصا كنتي ملمه بكل تفصيله...الف مبروك وتتهني بيه.....

[@محترفالتقنية-خ6ج]

آمين جزاكِ الله خيراً على كلامك الجميل 🌷

[@raghdaabohashem9508]

كلامك ريحنى الله يكرمك لانى جيبته وسمعت عنه ريفيو وحش واتنكدت جداا بس كلامك صح مافيش حاجه كامله وفيها كل مواصفات الله يباركلك

[@محترفالتقنية-خ6ج]

فعلا مصر كلها مفيهاش بوتجاز حالى من العيوب

[@أمصهيبالروبي]

فعلا كريازى معايا بقاله15سنة اللهم بارك بس كتر خيره وعاوزة اجيب واحد تانى الله المستعان

[@ayakhaled9593]

بسم الله ما شاء الله تتهني به انا فعلا برده محتاره زيك كده ان انا اجيب ايه واتفرجت على كذا حاجه وانا فعلا عندي كريازي بس كريازي القديم فبص خلاص ويعني وظهرت مؤخرا مشاكل كثيره فعلا كريازي ما شاء الله كويس جزاك الله خيرا على الفيديو الجميل ده

[@محترفالتقنية-خ6ج]

آمين ٩بيبتى ربنا يوفقك و تجيبى حاحة كويسة لمن عشان تكونى عارفة هو عموماً كويس و سهل التنظيف لكن للأسف الشديد التعليمات حول مفاتيح الشعلات تقريباً إتمسحت و دع حاجة ممكن تخلينى أفكر أبيعه و أجيب غيره لو لقيت حاجة كويسة إن شاء الله

[@مقاطعدينيه-س4ص]

الف مبروك عليك والله احسنت الاختيار انا كان عندي كريازي قعد اكثر من 10 سنين عندي زي الفل و رحت جبته اي كوك سمارت ندمانه ندم عمري😭🥺

[@محترفالتقنية-خ6ج]

الله يبارك فيكِ ربنا يعوض عليكِ بأحسن منه

[@مقاطعدينيه-س4ص]

😘😘

[@محترفالتقنية-خ6ج]

@@مقاطعدينيه-س4ص ❤

[@نسرينجبر-ج5ت]

مبروووك ليكي وعقبال ما اجيب كريازي أن شاء الله قريبا الخمسة شعلة وعليكم السلام ورحمة الله وبركاته

[@محترفالتقنية-خ6ج]

الله يبارك فى حضرتك 🌷🌹

[@so..2020za_]

الله يبارك لك وكل عام وانتم بخير...فيه منه 90

[@محترفالتقنية-خ6ج]

أيوة فيه

[@محترفالتقنية-خ6ج]

و أنتم بخير آمين

[@الفرعونالصغير-ض6ب]

لو سمحت يا فندم ايه اخبار البوتجاز بعد استعماله سنتين من حيث الجوده وشكرا ؟؟؟؟؟

[@gamalalama7332]

شرحك جميل تبارك الله هل بتستخدمي ورق فويل وبتغطي البوتاجاز ولا مكشوف شكرا

[@محترفالتقنية-خ6ج]

لأ بانظفه على طول شكراً جزيلاً

[@user_hanan22]

ربنا يباركلك انا دوخت كتير واحترت وكنت عايزة نفس المواصفات بصراحة افدتيني كتير ربنا يباركلك فيه

[@محترفالتقنية-خ6ج]

آمين و إياكِ حبيبتى

[@rashasalm981]

استخدامك البوتجاز بعد سنه أخباره إيه معاكى

[@محترفالتقنية-خ6ج]

كويس بس الأرقام اتمسحت من على المفاتيح

[@MamaKoko-o3h]

لو حبيت اشترى الآن فى شهر سبتمبر اربعه وعشرين يكون السعر عامل كام

[@nourkareem7859]

ماشاء الله جميل اللهم بارك كنت عاوزه اعرف التعليمات اللى فوق الزراير بتتمسح مع الغسيل ؟

[@محترفالتقنية-خ6ج]

لية شايفة التعليق بتاعك ايوة فعلا التعليمات اتمسحت و ده حاجة سيئة جداً و فعلاً هتخلينى أفكر أغيره إن شاء الله أول ما تجيلى فرصة

[@nourkareem7859]

@@محترفالتقنية-خ6ج ربنا يباركلك والله كنت لسه هكلم الشركه وابدل كريازى القديم بالجديد ربنا يجزيكى خير على مصدقيتك 🌹

[@hebabashir547]

ماشاءالله تبارك الله تتهني بيه انا كمان اشتريتو النهارده ان شاء الله ويارب يكون حلو معايا

[@محترفالتقنية-خ6ج]

آمين يا رب

[@mariamessam8615]

عامل اية معاكى

[@girll_jana]

حلو معاكى وجبتيه بكام

[@محترفالتقنية-خ6ج]

@@mariamessam8615 كويس لكن الاشعال الذاتى فصل و الصيانه جت عملته

[@محترفالتقنية-خ6ج]

@@girll_jana كويس سعره ٦٠٠٠ جنية

[@randaelsherbiny8474]

لو سمحت بعد استخدامك البوتجاز الفتره الطويله ده اه عيبوبه

[@ombasam650]

و سمحتي ممكن اشغله بالولاعه عادي مابحبش الاشعال الذاتي

[@محترفالتقنية-خ6ج]

اه عادى

[@loloahmedahmed4639]

ربنا يفرح قلبك احلي حاجه فرحتك بيه وقناعتك انه حاجه حلوه شبهك يااقمر

[@محترفالتقنية-خ6ج]

آمين و إياكِ حبيبتى و المسلمين ربنا يحفظك و يعزك و يباركِ فيكِ ❤🌷

[@DoinaAwed-nd6kk]

جزاك الله خيرا

[@محترفالتقنية-خ6ج]

آمين و إياكم شوفوا كل التعليقات و الردود

[@habibafarid5238]

اللهم بارك تتهني بيه يارب ممكن تقولي رايك فيه بعد استخدامه مده

[@محترفالتقنية-خ6ج]

آمين هو عموماً كويس و سهل التنظيف لكن للأسف الشديد التعليمات تقريباً إتمسحت كلها من حول المفاتيح و ده حاجة بالنسبة لى وحشه و فعلاً لو جاتلى فرصة و لثيت نفس المواصفات لكن التعليمات و مفاتيخ التشغيل أفضل هابيع ده و أشتريه إن شاء الله

[@hossamreda2142]

يعنى ايه التعليمات اتمسحت

[@monaomar8661]

مبروووك عليكي تتهني بيه ممكن اسالك علي شعله الشوايه كبيره ولا صغيره وعاليه ولا لا وبتغطي الصواني الكبيره كويس ولا بتحمر من النص بس

[@محترفالتقنية-خ6ج]

كبيرة و بتغطى معظم الفرن طبعاً و بتعليها و توطيها على حسب درجة الحرارة إل عاوزاها و على فكرة الجوانب بتسخن لكن سخونة مقبولة نوعاً ما ... الله يبارك فيكِ🌹🌷

[@marwasaeid6099]

عايزة اشترى زية تنصحينى بيه ولا ظهر منه مشاكل

[@محترفالتقنية-خ6ج]

حلو بس الاشعال الذاتى بيعطل كتير و كمان للأسف كل درجات الحرارة اتمسحت الموديل القديم أحسن منه بكثير و لولا المساحة كنت جبته

[@mayada_medicalstudent7356]

ممكن معلش تقوليلي هل بس المشكله كلها ف الإشعال والتعليمات الي اتمسحت ولا ظهر مشاكل تانيه ؟

[@hodamahmoud6868]

ازاى افصل الامان لو سمحتى وسمعت بيقولوا ان لو حاجة فارت لبن او غيره بيفصل غاز وبيفضل فترة على بال ما يشتغل

[@محترفالتقنية-خ6ج]

لا بيشتغل معايا على طول و ممنوع فصل الأمان لأنك لو فصلتيه عند اى حد برة الشركة هيطلع من الضمان

[@hsahzraszc7058]

انا عندي فرن الشواية تحت ماتشتغل وحتى افتحا مافيه ريح غازي

[@محترفالتقنية-خ6ج]

اتصلى بالصيانه هو شعله الفرن عاوزة ضبط بسيط

[@hossamreda2142]

البوتاجاز عامل معاكى ايه لحد دلوقتي

[@محترفالتقنية-خ6ج]

مش كويس الأرقام اتمسحت و العيون اتقشرت

[@محترفالتقنية-خ6ج]

و العيون اتقشرت

[@randaelsherbiny8474]

اخبار البوتجاز معكي اه بعد الاستخدام لك فتره طويله ​@@محترفالتقنية-خ6ج

[@marwafathy1911]

وممكن استغنى عن الاشعال ويشتغل على طول

[@محترفالتقنية-خ6ج]

شيلة الفيشه و اشتغلى بالولاعة عادى

[@marwafathy1911]

شكرا يا حبيبتي ربنا يبارك فيكي

[@EmanAhmed-jv9mu]

هو مفيش فيها حامل القهوة وشكرا

[@محترفالتقنية-خ6ج]

لا مفيش بس انا جبت واحد على حسابى من اى محل قطع غيار

[@abdsamieawad4984]

لوسمحتى انا عندى المكان ضيق وعاوز اشترى بوتاجاز ٥شعله ٨٠ فى ٦٠ وعاوز ك تساعديني فى شراه رجاء من حضرتك

[@محترفالتقنية-خ6ج]

اتفضلى

[@forfun111]

ربنا يبارك ممكن بس أسألك ينفع يشتغل أنبوبة و لا لا ؟

[@محترفالتقنية-خ6ج]

مش عارفة اسألى الصيانة ١٩٠٩١

[@محترفالتقنية-خ6ج]

آمين

[@يامنويزن-ج7ه]

هو الموديل ده موجود حالا ولا موديل قديم وفي منه من غير شاشه ديجيتال

[@محترفالتقنية-خ6ج]

انا جايبة قبل الفيديو بإسبوع و طبعاً لسة موجود

[@محترفالتقنية-خ6ج]

أيوة فى بدون شاشة تقريباً

[@avatar9023]

اشتريتيه منين؟ أرجو سرعة الرد!

[@محترفالتقنية-خ6ج]

معلش لسه شايفة التعليق هو عموماً كويس و سهل التنظيف لكن التعليمات حول مفاتيح التشغيل اتمسحت عشان تكونى عارفة اتصلى بيهم يبعتولك واحد ١٩٠٩١ انة جايباه اون لاين إقرأى التعليقات

[@nourelhoda1425]

السلام عليكم يعد اذنك أرجو الإفادة هل تنصحيني بشراء نفس نوع بوتجازك هل ظهر لك فيه عيوب هل اشتريه ولا ابعد عنه وهل بتشغلي الفرن مع الشواية هل الأمان الكامل تعبك في حاجة هل الامان الكامل لسة شغال هل البوتجاز باظ

[@يامنويزن-ج7ه]

حبيبتي ف منو من غير شاشه ديجيتال وجنتي منين لو سمحت ضرورررري

[@محترفالتقنية-خ6ج]

تقريباً فيه

[@يامنويزن-ج7ه]

ف منو من غير شاشه وبيبقي ف إشعال للفرن كمان شوفتو من يومين

[@محترفالتقنية-خ6ج]

على فكرة انا جبته عشان المساحة لكن ناوية ابيعه عشان الأرقام اتمسحت و العيون قشرت

[@Ma3lomat-i7z]

مبروك عليكى وانا كمان والله عوذ اجيب ومحتاره ومش عارفه اجيب ايه وقررت وجيبت ينوا ير اسمارت وبعد كده من ساعت ما جبته كل يومين اتصل بى الصيانه علشان كان بيسخن جامد لدرجه اني كنت اتحرقت منه لو ولعت الفرن ماقدرش امسك التيش ولا اقدراولعه العيون من فوق اتصلت بى الصيانه قدم الشكوة ورجعت البوتاجاز واسترادا الفلوس ولسه مااشترت ومحتاره اجيب ايه

[@محترفالتقنية-خ6ج]

لما تقررى اعملى إستخارة و ربنا يوفقك

[@amanyahmed8083]

هو عرضة ٨٠ اكيد مش اكتر وسؤال تانى لو سمحتى زرار الفرن منفصل عن زرار الشواية ؟؟

[@محترفالتقنية-خ6ج]

ايوة العرض ٨٠ و الزراير منفصلة زى ما هو فى الفيديو

[@nanaahmed8118]

@@محترفالتقنية-خ6ج ممكن تولعى الفرن والشوايه مع بعض

[@سوزانالجندي-ر9ق]

مبروك عليكي بس لو نور قطع مينفعش يشتغل ولا بيشتغل بالكبريت او الولعه

[@محترفالتقنية-خ6ج]

ايوة لما النور بيقطع بيشتغل بالولاعة عادى

[@muslimandproud1339]

اديله كام سنه عند حضرتك

[@JanNs-d5q]

لوسمحتى اجيبه منين وسعره كام ردر عليا ضروري محتاجه رايك

[@محترفالتقنية-خ6ج]

انا جبته من صادكو اون لاين و عادى اتصلى بكريازى خدمة العملاء و اطلبيه منهم

[@wafaaomar5154]

اولا الامان الكامل مؤرف جدا بياخد وقت علي مايلقط النار غير الفرن مجرد ما افتح الباب يطفئ الفرن او درجه الحراره تقل جامد

[@محترفالتقنية-خ6ج]

مبقاش بياخد وقت لأنى بادوس على المفتاح جامد لجوه فبيلقط على طول و لما بافتح الباب الفرن شغال هادى بنفس الكفاءة مش بتقل كفاءتة و لا بيطفى الحمد لله

[@gamalalama7332]

أنتي جميله اللهم بارك

[@محترفالتقنية-خ6ج]

الله يعزك و يبارك فيكِ

[@نسرينجبر-ج5ت]

الف مليوووون عليكي تتهني بيه أن شاء الله عجيبه قريبا ان شاء الله

[@محترفالتقنية-خ6ج]

🙏🙏

[@هندالقاضي-و6ر]

اخبار البوتجاز معاكى ايه انا محتاره اجيبه ولا لاء بالله عليكى لحسن الاسعار بقت غاليه نار وخايفه ادفع مبلغ وقدرة القى الفلوس راحت فى الارض ارجو الرد وكمان لحظت فى الامان الاستالس واسع من ناحية الامان فمعنى كده مياه تقع جوه وهتفضل جوه مممن تصدى البوتجاز

[@محترفالتقنية-خ6ج]

لا خالص على فكرة عموما هو الاشعال الذاتى بيعطل كثير و درجات الحرارة اتمسحت خالص و الموديل القديم افضل منه

[@يامنويزن-ج7ه]

هو لي اتنين مخرج للانبوبه

[@محترفالتقنية-خ6ج]

اه

[@fatmabadr1745]

هل نفس الموديل دا موجود ف بى تك

[@محترفالتقنية-خ6ج]

ايوة هتلاقية إن شاء الله

[@جناتمحمدكمال-ل4ص]

بالله عليكي لسه قاعده معاكي كويس ولا في عيوب علشان اتا فرحي قرب واجيبو وانا جديده معاكي ده قديم ولا جديد

[@محترفالتقنية-خ6ج]

ايوة كويس لكن براحة على الإشعال لانه فصل منى مرتين و الصيانه جم عملوه و المفاتيح خامتها مش حلوه فى مفتاحين بقوا جامدين شويه و الصيانه جت عملتهم و ضبطتهم بردوا المفاتيح خامتها وحشه و الشبكه الرف بتاعت الفرن لما حطيت صينيه ثقيله نزلت من المنتصف شويه يعنى مش ناشفة كده و متينه

[@نهياحمد-ك4ك]

@@محترفالتقنية-خ6ج طب انا لسه شايفه الريفيو ده دلوقتي وكنت هاجيبه بس تعليقك ده خوفني منه انا محتاره والله اجيب نوع ايه

[@محترفالتقنية-خ6ج]

@@نهياحمد-ك4ك هو عموماً حلو و أنا مرتاحة فيه بس حافظى عليه كويس

[@gamalalama7332]

تبارك الله محتاج بوتاجاز زي ده بالظبط ممكن ارجو الرد الف شكر

[@يامنويزن-ج7ه]

انا شوفتو ف شبرا من غير شاشه ديجيتال السعر كان 8الاف وكسر

[@oumyassen3826]

ياريت اسم موديل بوتاجاز كريازي ايه

[@محترفالتقنية-خ6ج]

بوتاجاز كريازى خمسة شعلة ٦٠×٨٠

[@nagahyacoub4399]

مبروك عليكى تتهنى بيه .ممكن رقم الموديل ؟

[@محترفالتقنية-خ6ج]

كريازى ١٩٠٩١

[@nagahyacoub4399]

من فضلك ده رقم الصيانة فين رقم الموديل ؟​@@محترفالتقنية-خ6ج

[@EmanAhmed-q1i]

انا عندي بوتاجاز كريازي عايزها اصلحه اتصل برقم. ايه انا من المنصورة

[@سارهالشهراني-و8ع]

ماعرفت له من تحت

[@محترفالتقنية-خ6ج]

مش فاهمه !

[@نسرينجبر-ج5ت]

بس قوليلي كريازي استخدام حلو

[@محترفالتقنية-خ6ج]

هو لحد الان كويس الحمد لله

[@يامنويزن-ج7ه]

يعني موجود ف المحلات وهو كان عامل كام

[@محترفالتقنية-خ6ج]

مش عارفة دلوقتى عامل كام لكن هو كويس و سهل التنظيف عموماً لكن للأسف التعليمات حول مفاتيح التشغيل اتمسحت عشان تكونى عارفة

[@mostafaselim7867]

ممكن رقم موديل

[@محترفالتقنية-خ6ج]

الإستنلس ثقيل و محمل و متين و لامع و سهل التنظيف

[@ahlamhany1843]

جميل جدا كنت محتاره اشترى ايه وانتى رستينى ياترى سعره كام

[@محترفالتقنية-خ6ج]

من شهر كان فى التوحيد و النور ٦٠١٠ جنية ممكن تتصلى تجبية من كريازي نفسه

[@محترفالتقنية-خ6ج]

٦٠٠٠ جنية من التوحيد و النور و ممكن تجبية من توكيل كريازى

[@جنهالشيخ-ر5ش]

بكام حاليا

[@marwasaeid6099]

ممكن رقم الموديل وعامل معاك ايه

[@محترفالتقنية-خ6ج]

درجات الحرارة اتمسحت خالص و الاشعال الذاتى بيعطل كثير

[@marwasaeid6099]

@@محترفالتقنية-خ6ج يعنى اشترى القديم

[@youssefmagdy9374]

عندي كريازي king خمسة شعلة أستعمال خفيف وعرضات للبيع وذلك للتنقل والسعر خفيف من الجيزة

[@ايمنباسل-ج5ي]

السعر كام من فضلك

[@محترفالتقنية-خ6ج]

ممكن تعرضيه فى جروبات بيع و كراكيب فيصل و الهرم هيتباع بسرعة إن شاء الله

[@omarelsori8266]

السعر كام

[@omarelsori8266]

السعر كام

[@omarelsori8266]

السعر كام

[@lobanahmed7598]

بكام ‏‪

[@ahlamhany1843]

على فكره رف تسخين دا علشان تشيلى فيه الصيجان او الصوانى

[@محترفالتقنية-خ6ج]

تمام👍👌

[@wafaamohamed6544]

عاوزه موديل البوتجاز

[@محترفالتقنية-خ6ج]

معلش لسة شايفة الرسالة انا اسفة

[@زيناتخليفه]

بكام حاليا اسمه ايه

[@عمروخالدعلىراسخ]

لو سمحتى رقم الموديل ضرورى

[@محترفالتقنية-خ6ج]

مرسلة خمسة شعلة ٦٠×٨٠

[@نسرينجبر-ج5ت]

جزاكي الله كل خير وسعادة بس قوليلي سعره كام بعد اذن حضرتك

[@محترفالتقنية-خ6ج]

آمين و إياكِ و المسلمين سعره ٦٠٠٠ جنية

[@نسرينجبر-ج5ت]

جزاكي الله كل خير وسعادة انا وانتي واولادنا اختي الغالية وأمة الاسلام يارب امين يارب العالمين

[@اياتطارق-ص8س]

معلشي هو دة كريازى القديم ولو كريازى القديم ازاى فى شاشه

[@محترفالتقنية-خ6ج]

لا مش القديم انا قلت ده موديل جديد شوفى الفيديو تانى

[@goodman7084]

عاكل كام دلوقت

[@محترفالتقنية-خ6ج]

بصراخة مش عارفة منكن تدخلى اون لاين و تدورى عليه لو عرفت هاقولك

[@cr7sport999]

مبروك عليكي ليه نوع تاني ولا هو كريازي القديم بس

[@محترفالتقنية-خ6ج]

كريازى منزلة موديلات كتير لكن ده أكثر واحد مناسبنى

[@marwafathy1911]

معلش ممكن توضحى يعنى ايه حساس ارجو الرد شكرا

[@محترفالتقنية-خ6ج]

الحساس ده عبارة عن سن نحاس تخين طالع جنب الاشعال الذاتى طول ما هو سخن من النار يفضل الغاز شغال لكن لو حصل و حاجه فارت مثلا و طفت النار فطبعا الحساس هتقل درجة حرارته فيفصل الغاز من نفسه على طول عشان ميحصلش مصيبة و العياذ بالله

[@sherifnoshey9759]

هو سعره كم حاليا هو كويس معك

[@محترفالتقنية-خ6ج]

كويس لكن الارقام اتمسحت للأسف

[@ahlamhany1843]

ماشاء الله جميل وكويس انه خمسه شعله

[@محترفالتقنية-خ6ج]

👌👍

[@شهداحمد-ث6ر]

بس هو بيسخن من برا اوي ليه

[@محترفالتقنية-خ6ج]

السخونيه عندى عاديه مقبولة و باقف اغسل المواعين جنبه مش باحس بيه على رجلى بيبقى مقبول عن باقى البوتجازات و زى ما قلت لك مفيش بوتاجاز كامل فى مصر كلها كل واحد فيه عيوب و أنا حاولات اجيب واحد يكون فيه الحاجات إل عاوزاها على قدر الإمكان

[@شهداحمد-ث6ر]

@@محترفالتقنية-خ6ج السخونه من ورأى والجوانب

[@محترفالتقنية-خ6ج]

@@شهداحمد-ث6ر سخونه من الجوانب غير مؤثرة

[@شهداحمد-ث6ر]

طيب ليه يسخن من برا اووووي

[@محترفالتقنية-خ6ج]

بيسخن من الجناب سخونية مقبولة مش باحس بيها و انا واقفه جنبه اغسل المواعين

[@شهداحمد-ث6ر]

@@محترفالتقنية-خ6ج اختي انا من اليمن ولسى جبته جديد جربته الشوايه تشتغل وتنطفي فجأة وبعدها سخن كثير خايفه ينفجر واذا عندي معجنات أو كيك بيحرقو من شدة السخونه

[@محترفالتقنية-خ6ج]

@@شهداحمد-ث6ر يبقى اتصلى بالصيانة هييجى يضبطه

[@YoussefHany-j2k]

العيون بتاعته المونيوم ولا نحاس

[@محترفالتقنية-خ6ج]

الوش حديد اسود و القاعدة المونيوم مصرى لكن محمل و كويس

[@HebaMohamed-wi4xq]

معلش ممكن رقم الموديل بالظبط لان هشتريه اون لاين وخايفه

[@محترفالتقنية-خ6ج]

انا جبته اون لاين من صاديكو و اساسا ممكن تجبيه من كريازى نفسة الخط الساخن 19091

[@جناتمحمدكمال-ل4ص]

بكام لو سمحت

[@محترفالتقنية-خ6ج]

٦٠٠٠ جنية

[@mido6013]

السلام عليكم جبت البوتجاز ده ولما بشغل الشوايه لوحدها بتطفي كل شويه ايه السبب

[@شهداحمد-ث6ر]

عرفتي السبب اختي

[@محترفالتقنية-خ6ج]

بتطفى إزاى بالضبط يعنى بعد أما تشيلى إيدك من على المفتاح و لا بعد أما بتشتغل شوية بتطفى من نفسها على الأكل و هو جوه الفرن؟؟

[@mido6013]

بعد متشتغل شويه بتطفي لوحدها علي الاكل

[@محترفالتقنية-خ6ج]

اتصلى بالصيانة بسرعة ليكون عيب فى الشواية أنا مبتعملش عندى كده خالص بالعكس سلسة و جميلة و بتفتح بسرعة و مش بتطفى غير اما باطفيها انا

[@هندالقاضي-و6ر]

ممكن اعرف عيوب البوتجاز ايه

[@girll_jana]

سعرة كام

[@محترفالتقنية-خ6ج]

سعره ٦٠٠٠ جنية فى التوحيد و النور

[@Ma3lomat-i7z]

ممكن تقولى سعره كم

[@محترفالتقنية-خ6ج]

فى التوحيد و النور سعره ٦٠١٠ جنية انا جبته اون لاين من صادكو بسعر ٥٧٩٩ و بيوصله لحد البيت مجاناً

[@wafaaomar5154]

عايزه واحد مفهوش امان كامل

[@محترفالتقنية-خ6ج]

فى موديلات كتيرة منتشرة مفيهاش امان

[@nanoshosho1110]

اسمه كيريازى ٥ شعلة ٨٠ سم هل له اسم آخر او رقم

[@محترفالتقنية-خ6ج]

مش فاكرة رقم الموديل بصراحة بس عموما مفيش ٨٠ سم غير الموديل ده و الموديل التانى من غير مروحه و التايمر مش ديجيتال

[@manamahmod8790]

انا جيباه والعين اللي ف النص تشتغل شويه وتفصل والفرن نفس الحكايه مبتكملمش دقيقتين

[@محترفالتقنية-خ6ج]

اتصلى بالصيانه عشان عندى مش بيعمل كده ممكن يكون عيب فى البوتجاز

[@يامنويزن-ج7ه]

جبتي منين عشان هي مش عايزه تقول

[@ادمويوسف-م3ث]

سعره كام

[@محترفالتقنية-خ6ج]

٦٠٠٠ جنية من التوحيد و النور و ممكن تجبية من توكيل كريازى نفسه

[@يامنويزن-ج7ه]

@@محترفالتقنية-خ6ج اني توحيد والنوع الفرع اللي جبتي منه فين ماهو ف ميت فرع

[@soadnoureldeen9261]

اشتريت فريش بلازا 5650 من شهر وندمت لانه الاستانلس نقر كله والباب مفارق مش محكم وصيانه فريش جت انهار ده وقالى مش هقدر اغير الباب اشتكيت لحمايه المستهلك حسبى الله ونعم الوكيل في شركه فريش والمفاتيح بتسخن جدا لو ولعت الفرن والشوايه ربع ساعه

[@محترفالتقنية-خ6ج]

لا حول ولا قوة إلا بالله ربنا يعوض عليكِ بأحسن منه أنا كمان للأسف رغم إنه ممتاز فى خاجات كثير لكن التعليمات حول مفاتيح الإشعال إتمسحت و لو لقيت حاجة أفضل هابيع و أجيب غيره

[@mariamessam8615]

ده احلى ولا القديم

[@محترفالتقنية-خ6ج]

الإثنين حلوين بس لو المساحه عندى تسمح كنت جبت القديم بصراحة

[@YoussefHany-j2k]

@@محترفالتقنية-خ6ج لو سمحتي هو القديم مقاسه كام محتاره جدا لقيت معظم الآراء زانوسي كول ماكس

[@محترفالتقنية-خ6ج]

@@YoussefHany-j2k القديم ٦٠×٩٠ شوفى إل يريحك و إل انتِ محتاجاه انا شوفت مليون ريفيو قبل ما اجيبه استخيرى ربنا

[@tvbox3577]

انتى فاهمه غلط الامان الكامل المفروض تفضلى دايسه على مفتاح العين نفسها شويه مش على زرار الاشعال انتى كده هتبوظى مكنة الاشعال الذاتى وموضوع الاستانليس و المغناطيس برضه فاهماه غلط ألاستانليس انواع فى منه انواع بتمسك فى المغناطيس و انواع متمسكش فيه المغناطيس طب مين الصحى و ممكن نستعمله فى الحاجات اللى فيها احتكاك مباشر مع الاكل زى الحلل و وش البوتجاز اللى فوق!!! الاستانليس اللى مبيمسكش فيه المغناطيس انما الجناب عندك برضه استانليس انما من النوع التانى لان النوع الامن مع الطعام اغلى من النوع اللى بيمسك فيه المغناطيس وانتى كده كده مبتجبيش اكل على جناب البوتجاز ارجو ان الصوره تكون وضحت

[@محترفالتقنية-خ6ج]

تمام و شكرا على المعلومه لكن لما جه رجل الصيانه هو إل علمنى أشغله بالشكل ده و عموما بادى أخدت عليه و مبقتش استنى

[@tvbox3577]

@@محترفالتقنية-خ6ج الامان الكامل فيه حساس زى بتاع سخان المصانع الحربيه بتاع زمان لما بيحس ان مفيش لهب بيفصل الغاز عن المفتاح نفسه سخان المصانع الحربيه عشان الشعله تفضل شغاله كان لازم تفضلى دايسه على مفتاح الغاز بتاه 10 ثوانى لحد اما الحساس يسخن عشان يفضل فاتح صمام الغاز اللى بيودى غاز للمفتاح نفسه هنا برضه نفس الكلام مكنة الاشعال اللى بتكتك دى دورها انها بس تعمل شراره عشان الغاز يشتعل و اول لما الغاز يشتعل دورها بينتهى تماما و كون اننا نفضل دايسين عليها و نفضل مشغلينها بعد اما الغاز يشتعل فده اهلاك لمكنة الاشعال على الفاضى طيب نخلى النار شغاله ازاى!!! اول لما الغاز يشتعل خلاص مشيل ايدنا من على زرار الاشعال و نفضل دايسين على مفتاح الغاز مفتاح العين نفسه عشان يفضل موصل غاز للعين عشان حساس الامان يسخن و يفضل بعد كده فاتح مسار الغاز واى حد يقول لك كلام غير كده سواء فنى سواء مهندس اعرفى علطول انه مش فاهم هو بيقول ايه دمتم بود

[@شهداحمد-ث6ر]

@@محترفالتقنية-خ6ج هو ليه بيسخن من برا كثير

[@محترفالتقنية-خ6ج]

@@شهداحمد-ث6ر السخونية من الجوانب بس و هى مقبولة مش عالية و زى ما قلت لك مفيش بوتاجاز فى مصر كامل المواصفات كله فيه عيوب

[@tvbox3577]

@@شهداحمد-ث6ر معظم البوتجازات بتسخن من الاجناب عشان مبيحطوش فيها عازل حرارى من الاجناب الفراغ اللى بين جسم البوتجاز الخارجى و بين صاج الفرن الداخلى بيسيبوه فاضى بيحطوا عازل بس فوق الفرن فوق الشوايه و تحت العيون عشان المفاتيح متبوظش بسرعه ولو كاوتشة باب الفرن بايظه او الباب مبيقفلش كويس برضه هيطلع حراره بره و المفاتيح هتبوظ بعد فتره

[@dodomahamed1683]

بس الصيانه وحشه جدا

[@محترفالتقنية-خ6ج]

بصراحه انا باكلمهم الساعه ٩ الصبح بييجوا العصر و الكلام ده حصل كذا مرة لما مكنتش عارفة اشغله و لما الاشعال فصل جم و ضبطوه

[@digadego-de1lz]

كام السعر