بوية بوية 😭بصوت المبدعة ملا خديجة القاسمي وكلمات الشاعرة فاطمة علي صالح الحلفي

ثگيلة بحق الاب (بوية بوية )
بوية بوية // يالحنين وبالمحنة دللتني
بوية بوية //فرگتك يالغالي كلش هاظمتني
ويني ووين اليتم ... ريت كل هذا حلم
بوية بوية. بوية بوية
يالغفيت ابحضنك ايام وليالي
شلون بوية تروح عني هيچ تالي
بوية راح وياك كل عزي ودلالي
وحشة صار البيت من بعدك وخالي
من اطب لغرفتك ...اگعد ابچي لفرگتك
بوية بوية. بوية بوية
غيبتك طالت وباد الحيل مني
اگعد ابيتك اون ماعوف وني
فراگ وجهك يابعد روحي كسرني
ليش هيچي طولت يالغالي عني
يمتة ترجعلي بعد....گلبي يابوية انمرد
بوية بوية. بوية بوية
والله اتمنة حلم وابسرعة اگعد
وهيچ ويانة يبوية ايامك اترد
ترجع اللمة وسمرنة وياك والود
واگطع الونة ونحيبي وگلبي يبرد
ماشفت بعدك فرح... انت يااكبر جرح
بوية بوية. بوية بوية
لوگعدت اتذكر انة ذيچ الايام
هنا گعدنة شگد حچينة لمن انام
اختنگ بالعبرة وابچي واشبع الام
والله ماادري زماني بعد الي شضام
خلص حيلي من القهر ...بعد مابية صبر
بوية بوية. بوية بوية
شلون اتصبر وابوي الراح مني
لاهي سفرة حتة اگولن هم يمرني
غفلة مني الموت اخذاه وهظمني
يتيمة خلاني زماني ابزغر سني
الشوگ يخنگني وانوح ... وگلبي اذتة الجروح
بوية بوية. بوية بوية
بقلم✍خادمة تراب الزهراء(ع) الكربلائية فاطمة علي صالح الحلفي
غير برئ الذمة امام الله والزهراء من يحذف الاسم والرابط او يأخذ من القصائد وينسبها له
t.me/fatimaali...
قناة اليوتيوب / @الشاعرةالملةالكربلائية

[@عباسالبصري-ش7ه]

فدوه صوت جميل كل حنيه

[@OmmohamadMosharaf]

آنه واید احب صوتچ

[@OmmohamadMosharaf]

❤❤❤❤❤❤

[@OmmohamadMosharaf]

اکتبی علیچ الله

[@OmmohamadMosharaf]

کل وکت انشری حته نسمع صوتچ بارک الله فیچ❤❤

[@OmmohamadMosharaf]

الله ایحفضچ

[@امحيدر-ل4ص9ث]

ما اجمل هاذا الصوت بارك الله بيج

[@الزهراءامابيها-ف5ض]

😢الله يرحمك يابه😢

[@user-jn4xz2vj6l]

اوف بويه ماكو أصعب من اليتم بويه المن عفتني ولله تعبت ولله بعازتك اني لشوكت اضل محرومه من كلمه لبويه عطشانه لهاي. اكلمه بويه طك. كلبي عليك

[@alwadisalwadis1653]

😢

[@alichgygjghftfhgh-cw9hu]

اااااااخ بووووويه

[@OmmohamadMosharaf]

ماتنشرین واید لیش