بیری تۆ/ ئەفسانە ئاڵەشین

بیری تۆ
لە بیری
گوڵە نیلوفە‌رە‌کە‌م‌دا
زە‌مە‌ن
بیناییم پر دە‌کا
لە فرمێسکی گۆمی ئە‌وین
باڵی باڵام سووک سووک
وە‌ک زریانی سە‌ر ئاو سە‌فە‌ری
سە‌ر نە‌رمە شە‌پۆڵ دە‌کا
دە‌بم بە کۆچە‌رێک
تا لە کۆشکی ئە‌وین
هه‌ناسە‌م سە‌ما دە‌کا
دە‌رۆم بۆ پێشوازی
وە‌رزی گە‌ڵاوێژ
بارانێک دێنم
بۆ بێ تاقە‌تیم!
تا چیتر چریکە‌ی
گۆرانی زام نە‌بیسم
ئیتر روحم
شە‌ڵاڵی زریانێک دە‌کە‌م
دوور لە ترس و خنکان
کە تۆ هیوای من بی
من
ترسم نابێ لە ژیان.
...ئە‌فسانە ئاڵە‌شین...