حبيب العازمي وصياف الحربي ( مرحبا ترحيب اغلى من المال الكثير ) الرياض 1416 هـ

[@abonaif628]

حبيب : مرحبا ترحيبٍ اغلى من المالَ الكثير فالبنوك اللّي حَرَسها على بِيبانها طِرتِ يا صيّافِ لكنّ وَقّع لا تطِير فالسّما طيّارةٍ تصدِمِك جِنحانها صياف : بارك الله لَلعرب فالكبيرُ وفالصّغير السّيوفِ اِجدادِ والخيلِ في ميدانها انتِ شِفت الغاويَه يومِ قامَت تِستِدير لا مِسَكتِ اِيدَينها نزّلت كِرعانها حبيب : فيكِ خيرُ وشرّ لكنّ فالوقتَ الاخير وش يخَلّي حربِ تسرِق عشا جيرانها ما لِقيتَ الغاويَه شِفتِ لِي سَيفٍ شِطير وانتِ مثل الحيّه اللّي تمِدّ اِلْسانها صياف : اِصبِر اِشوَيّه لا تعجَل مع الوقتَ القِصير الضّعيفه ما سرَقنا عشا وِرعانها القِضاه اِثنَين والثالث العَودَ الكبير يِطلِعُون الثّلثِ لَلبنتِ قبل اخوانها حبيب : عمّتك في خِرجها شايله سمنُ ومِضير اِن مشَيتِ اِخلافها وِان قعَدت اُوزانها عام الاوّل قالوا اِنّك على عِسفانَ امير لين كَثرَت قوم عِسفان في عِسفانها صياف : اِن زِعِل يشرب بحَر وِان رِضِي يشرب غدير لا يشِبّ النّار ويطِيرِ مع دِخّانها لو نِشَدت النّاس قالوا لِك الحربي وزير الاماره ما نِشِيلَ القلم من شانها حبيب : ما تِجَ الجنّه قبِل ما تمِرّ اِبزمهِرير وَاحمِدَ الله كانِ شِفتِك على حِيضانها انتِ حربي مير منته بشَرّ ولا انتِ خير هِزّ راسِك وِاترِكَ الرّوسِ فوق امتانها صياف : يا حبيّب طِحتِ لِك في عبوسٍ قمطرير كِلّ ما عايَرتها يختِلف نَيشانها يومِ زاد الحَرّ نقّصتِ من حِملَ البعير والجِمالَ الطّيّبه ما تطِيحَ اَرسانها

[@aiyedadalbahe3165]

اسال الله ان يغفر لشاعر الكبير صياف الحربي يعلم الله انني احبه حبا لسمواخلاقة وطيبة نفسه وجزالة شعره فهوشاعرعملاق بمعنى عملاق. واسال الله ان يطيل عمر الشاعرالرمز حبيب العازمي ويمده بالصحة والعافية

[@rh2033]

الله يجزاك خير على مشاعرك الصادقة تجاه الشاعر صياف الحربي رحمه الله

[@حربالحربي-ي8و]

اجمل ثنائي مر على الساحه الشعريه صوت ولحن ومعنى ... الله يرحم صياف ويغفرله ويطول عمر حبيب ويحفظه ..

[@عبدالهاديالجدعاني-ن3ع]

حبيب مبدع وبيت صياف يوم يقول : يوم زاد الحر نقصت من حمل البعير … والجمال الطيبه ماتطيح ارسانها …. ختامها ذهب وحكمة

[@عبدالرحمنالعنزي-غ4ض]

بيت المحاوره من وجهة نظري صياف : اِن زِعِل يشرب بحَر وِان رِضِي يشرب غدير لا يشِبّ النّار ويطِيرِ مع دِخّانها الله اكبر يالفكره والتشبيه رحم الله صياف واطال الله بعمر حبيب

[@سلمانالحربي-ت4ب]

صياف مايتكرر على الساحه الله يرحمه ويرحم موتنا وموتى المسلمين

[@واحد-ن3ر]

القضاه اثنين والثالث العود الكبير … يطلعون الثلث للبنت قبل اخوانها والله الابداع الله يغفر لصياف ويرحمه

[@othk8920]

ماشاءالله تبارك الله والله شاعريه مهيب طبيعيه عسا الله يرحمه

[@عبدالهاديالجدعاني-ن3ع]

ثنائية ستبقى في اسطر التاريخ …

[@ghjhfyujgh]

رموز المحاورة رحم الله صياف والله يحفظ حبيب

[@عبدالهاديالجدعاني-ن3ع]

الله الله ي صياف ي كبير الادب والشعر بجزيرة العرب والله يحفظ العملاق حبيب

[@الحياهالجميلهمع]

ترحيبه مجنوووووونه 👍👍 حبيب من بداياته شاعر قوي والله يرحم صياف شاعر علم

[@سالمالبلوي-ج2ج]

والله واكبر ياصياف واليمكن حرب تنسى عملاقها والملاعب فقدو اكبر شاعر عرفه التاريخ في المحاوره والايمكن احد يجاري والله يحفض حبيب افضل متعه الملاعب المحاوره مع صياف وحبيب

[@02MS9]

الله اكبر بدون واو

[@slmanall7966]

صياف آه ياصياف ، عز الله انك فقيدة على الساحة كلها . الله يرحمك ويطول عمر حبيب

[@MishariAlkabiri]

ايام حبيب كأن يجي له نفس يلعب ويطرب متذوقين الشعر 👌

[@فيصل-ص9ز9ع]

انشهد

[@abo-ali874]

حبيب العازمي حبيب الشقر المبدع في انتقاء الكلمات والسجع وهو ملك اللحون بلا منازع .. تاريخ مهيب عظيم .. شروط الشعر في الادب وزن وقاف ومعنى والرابعه اعتبرها حبيّب العازمي.. ومن يعشق المحاوره يعلم ذلك .. والي يشوف الحقّ يعدّه .. الله يطول في عمرك يابو فيصل الله يعزّك صلت وجلت ولا زلت علم ما حولك احد

[@mus.22]

رحمك الله يا ابن عواد وغفرلك وجميع المسلمين

[@اذيبالغداري]

الله يرحم شاعر الخليج وضلع طويق صياف ويطول بعمر ابو فيصل عصرهم ذهبي ومحاوراتهم إبداع

[@سعودالقحطاني-ص1ب4ق]

الله يجعلك في الجنه ياصياف. ويا ابن شايق. شعار دواهي وأفضل ما مر علا المحاوره من غير قصور في باقي الشعار

[@العازميالعازمي-ه3ن]

شكرا جزيلا يافن القلطه كثر لنا من صياف وحبيب😍👌🏻

[@محمدالقرني-ر3غ1ر]

انا ماكنت ادري عن المحاوره الا ايام برنامج الباديه مع بن شلاح المطيري لا كن مع حبيب العازمي وصياف الحربي استهوتني المحاورة فن جميل جداً

[@عبدالهاديالعتيبي-ق9ط]

ياسلام...محاوره من العيار الثقيل

[@AL-OTaibi-511]

ياسلام يابو فيصل

[@عاشقالضلع777]

المحاوره اول لها احترام ولا احد يهرج الكل يستمع للشعار. الان ماتسمع الشاعر ويش يقول من غير اللي يناقزون تخاف يصدمون الشاعر.

[@عبدالعزيزالحربي-غ9ر]

بيض الله وجهك لنا فتره ندورها

[@sauud8_]

المعنى اللي يلعبون عليه كان فيه شاعر عتيبي اسمه بجاد النفيعي لعب مع صياف وعطاه صياف لغز ولا عرفه فقال صياف طيرت بين السماء والارض يالله العقايل & مير ناد العازمي ولا رشيد ابن الزلامي "والغاويه" اللي يقصدها صياف هو الشاعر النفيعي

[@_sultan0]

ياطيب اللحن ذا طيباه يالربع اللي يعرف محاوارت علي اللحن ذا يقولي

[@فهددخيل-خ5ي]

في عملاق الرد ولا قصور بالباقين الشاعر احمد الناصر الشايع الدوسري.الحانه وطواريقه خيال رحمه الله ورحم اموات المسلمين

[@3BDUL16]

ياسلام من زمان ودي اشوف هالمحاوه فيديو شكرا لك ❤️

[@hazzal-mutairi4203]

صح السانك

[@sars2011]

يوم زاد الحر نقصت من حمل البعير والجمال الطيبة ما تطيح ارسانها يبيض وجهك على هالمحاورة

[@WsamAlwsam-ew5vw]

عز ايام الملاعب

[@سعد-ق3ه8غ]

ياسلام ياسلام ياذا الطاروق 👌

[@Alshar.]

المعنى على الشاعر اللي واقف بين حبيب والمكرفون يوم حبيب يقول ( طرت ياصياف لكن وقع لاتطير )

[@alzahraniu582]

يالطيف ياصياف

[@سعد-ب4ظ]

الله الطاروق هذا دوم اسمعه بس موجود بدون صوره عشت

[@j31.aa12]

بيّض الله وجهك يافن القلطة .. من زمان وانا ابحث عنها فديو

[@FUN-ALQALTAH]

@Rahal526 تستاهل الطيب، عطنا رابطها لو سمحت.

[@FUN-ALQALTAH]

@@Rahal526 استلمت رابط القناة ولكن الكلام عن المحاورة هذي، أشكرك جزيل الشكر مع العلم ما أحد نزلها قبلي فيديو.

[@Rahal526]

@@FUN-ALQALTAH اتواصل معك عبر الواتس

[@السليميالمطيري]

الله يعافيك يافن القلطه على هالابداع

[@خالدنايفالحربي-غ7ج]

يافن القلطة. فيه محاورة قديمة وجميلة بين حبيب وصياف. اللي بداها حبيب هلا مرحبا بضيوف من يكرمون الضيف. الآد القثامي مكملين المواجيبي. ليت تجيبها ولو صوتية

[@اذيبالغداري]

ياكثر محاورات حبيب ماشاءالله خاصه مع صياف والرياحي

[@O6XZE]

موجوده في اليوتيوب في قصر سلطانه الحويه

[@wolfnight1984]

شوف شوف الله يفزع لكم الله يرحمه

[@user-pi9sr6mq8t]

مرحبا ترحيبٍ اغلى من المال الكثير فالبنوك اللّي حرسها على بيبانها

[@ابومعاذ-ق7ه]

نبي محاورة صياف وبجاد النفيعي الي قبل ه الطاروق وهي سبب هذا الطاروق

[@uiopuiop9547]

عطنا العلم كامل يا أبا معاذ

[@ابومعاذ-ق7ه]

النفيعي هاجم صياف وصياف عاد عمل الي عمل وهنا حبيب يعاتب صياف

[@alslaimy]

الحفله ذي مشهوره اغلب طواريقها قويه كان معهم بجاد النفيعي شاعر معروف على مستوى منطقة الرياض ولعب مع صياف وحبيب وصياف لعب مع حبيب فوق اربع طواريق منها مواليين واحد منهن مشهور اللي بداه حبيب : الليله الحربي يبي له صواريخ … توصله نجمة عطارد ومريخ … وان كان وقع حط فالمحكمة الشيخ .. هذا الصحيح قولو اللي تقولون .. وطال بينهم الطاروق لين غير صياف بموال : العازمي قام ينقز ويتحاداني … وليا انتهاء الوقت جاب الشاعر الثاني … لكن حربي طرد عشرين عتباني .. يلاح يملاح يالاحي ياليحاني

[@mgmnsk1]

ذكريات قصر العاصمه اللي بحي الخليج بشرق الرياض هدوه وصار مكانه نادي رياضي نص الجماعه اعرسوا فيه

[@BSAMdgtrgg]

زمن المحاورة الذهبي يالطيف

[@shaobsh2532]

نبيها كامله

[@FahadFahad-bx1ig]

لحن ميت

[@ذيبالغدااااري]

الله الله بينهم محاوره ثانيه موال عطناها

[@KSA-n2w]

وش يقصد صياف بالغاوية

[@user-th6nv2xf3p]

القضاه اثنين والثالث العود الكبير يطلعون الثلث للبنت قبل اخوانها 🧐

[@عبدالهاديالجدعاني-ن3ع]

وش تفسيرها ؟

[@camryali322]

ماعرفتها هه

[@ghjhfyujgh]

ترحيبة تخلد في التاريخ

[@عمرالسلمي-ل5ث]

ما تعرف الترحيب من التسليم

[@ghjhfyujgh]

@@عمرالسلمي-ل5ث الا اعرف لكن الخطا وارد

[@z.5732]

هذي الرديه فازع حبيب والزلامي مع شويعر عتيبي غلط على صياف وخزمه صياف لكن صياف دون روحه الحبيب ولا غيره ياقف بوجه صياف الله يرحمه وبالاخير تراد حبيب ونفس الشاعر اللي فزع له وغلط على حبيب وخزمه حبيب

[@Mazin_otb]

يبن الحلال تراها ملعبه وش خزمه ولا غيره ياقف في وجه صياف ومدري وش ، صياف شاعر وياقف في وجهه الشعار الفطاحلة

[@العطاوي-ي8و]

منهو الشاعر

[@mjede]

يمه منكم

[@Saudi20309]

الطاروق الاول فى هذي الحفله بجاد النفيعي وصياف وهذا الطاروق الثاني وبعدها موالين لحبيب وصياف

[@alharbi2000s]

انشهد انها ماتت المحاوره من بعدهم

[@user-QahtanAtf]

شعاركبار

[@MM-iy7ui]

ترحيبة حبيب فيها تمريره ولا مشت على صياف

[@Rahal526]

يا حليلك.

[@mri-g6k]

ايش هي الغاوية ؟؟

[@amsh1013]

الطياره

[@3ainy3ainak]

السيوف جداد والخيل في ميدانها

[@بدرالحربي-ذ3ت]

تاريخ المحاوره خطاء ... المحاوره اتوقع عام ١٤١٣

[@spenuza]

شعار عاديين وين الجلاوي بس

[@abo7rbe]

😅

[@hajjlah]

غير سعيد بن زهره لا تدور مع احترامي للجلاوي

[@ابومعتزالحربي-ك9ع]

الله يحفظ الشاعر عبدالله الاشرم

[@spenuza]

@@ابومعتزالحربي-ك9ع 🤣🤣🤣

[@As5676-h]

@@abo7rbe هههههه