بيجو 406 🇨🇵 | رحله ممتعه بالقوة و الرفاهيه - بالتفاصيل الكامله مميزات و عيوب PEUGEOT .

Рет қаралды 12,173

Күн бұрын

فيديو جديد من #سينما_السيارات ل #بيجو 405 الافضل من #سوق_السيارات ك #سيارات_مستعمله و سيارات عائليه وشبابيه في فئاتها سواء #هيونداي #دايو #فيات #كيا #لادا
بعد كلامنا عن بيجو 405 وقد اي العربيه دي كانت ممتازه ونقله تانيه في شركه بيجو خاصه من ناحيه التصميم
هكلمك النهارده بقي عن الافضل من بيجو وال اثبتت نفسها بشكل كبير جدا من وقت اصدارها لحد النهارده وهي بيجو 406
بيجو ٤٠٦ هي التطوير لبيجو 405 في كل حاجه سواء في التصميم او التجهيزات وغيرهم وزي م ال 405 انتشرت بشكل كبير نفس النظام حصل مع البيجو 406 والانتشار دا كان نتيجه للثقه ال العربيه اكتسبتها قبل حتي اصدارها ودا طبعا بسبب سمعه بيجو 405 وشهرتها بالقوه و الاعتماديه
تم انتاج بيجو 406 سنه ١٩٩٥ في فرنسا و اتجمعت في ايران و الصين ومصر واستمر الانتاج لسنه ٢٠٠٤ بتصميم عصري ومميز جدا من بيجو وزي م قولتلك التصميم كان تطوير لبيجو 405 سواء في الشكل الهجومي او الحديه ال بتظهر في الجزئ الخلفي ومع اختلاف التصميم اختلفت المواصفات
فالعربيه كانت بتيجي بطول من 4 متر ٥٠٠ ل ٤ متر ٦٠٠
وعرض من متر ٧٦ لمتر ٧٨
وارتفاع من متر ٣٦ لمتر ٤٠
وارتفاع عن الارض من ١٣ ل ١٥ سم
اما التسارع وال من صفر ل ١٠٠ بيكون تقريبا من ١٠ ل ١٢ ثانيه
والسرعه القصوي من ٢٠٠ ل ٢٢٠ كم في الساعه
دا مع تانك بنزيم بسعه من ٦٥ ل ٧٠ لتر
مع معدل استهلاك بنزين من ٧ ل ١٠ لتر وممكن يزيد ع حسب الموتور
عارف انت لما حاجه جديده تنزل السوق وتتخطق خطف اهو البيجو 406 كانت بتتخطف خطف ودا بسبب تميزها واختلافها في التصميم في الوقت دا مع مميزات تانيه كتير
فبعد التصميم تيجي تاني ميزه وهي الاعتماديه
فال 406 اعتماديه بشكل كبير جدا وتتحمل معاك ومش بتاعه اعطال ودا بيرجع لجوده خامات للتصنيع لكن خلي بالك من اعطال الكهربا وال هكلمك عنها في العيوب
تالت ميزه تجربه القياده فالعربيه ممتازه جدا ع الطريق ومستحيل تمل من سواقتها ودا بسبب العزل العزل فيها جيد ومس هتسمع وش ال طريق ولا صوت الكاوتش دا غير الاستجابه الكبيره من الموتور لداواسه البنزين فالعربيه جرايه ومع كل لمسه لدواسه البنزين هتلاقي سحب ممتاز وضيف علي دا بقي الاتزان القوي جدا والثبات علي الطريق مع السرعات العاليه فمهما ترمي سرعه مع العربيه هتحس انها ع ٨٠ مثلا لكن دا في حاله ان العفشه تمام و مفيش اعطال تأثر عليها
رابع ميزه الاقتصاديه
بيجو 406 اقتصاديه في كل اصداراتها تقريبا لكن بتختلف من موديل للتاني و علي حسب الموتور يعني مثلا موتور 1600 بيستهلك بمعدل ٧ لتر لكل ١٠٠ ك اما ال ١٨٠٠ بيكون بمعدل ٨.٥ و ال ٢٠٠٠cc بيبقي بمعدل استهلاك ١٠ لتر تقريبا لكل ١٠٠ ك و الاقتصاديه في للاستهلاك بيرجع لكفائه الموتور غير اعتماد نظام تشغيل العربيه بشكل اكبر علي الكهربا والتناسق ال بين الموتور و الاجزاء الكهربيه لكن فث ال بيشتكي ان استهلاك البنزين عالي حابب اوضحلك ان الاستهلاك ممكن يزيد في ال 406 بشكل كبير في حاله وجود خلل او عطل في كهربه العربيه او في الموتور وطبعا دا مع الوقت هيأثر علي سحب العربيه و استهلاك البنزين هيزيد
خامس ميزه التجهيزات ووسائل الامان وهنا بقي كانت بدايه الطفره لسيارات بيجو مع بيجو 406 فالعربيه جت بأوبشنز عاليه جدا في وقتها وكانت متطوره عن مناقسيها بشكل كبير ودا ال ظهر في التجهيزات بدايه من الكراسي الجلد في اغلب الموديلات مع طبعا سنتر لوك وازاز كهربا وساوند سيستم و تكييف قوي اما بقي وسائل الامان فكانت بدايه دي البدايه تقريبا لسيارات بيجو لاجيال بعد كدا عشان تتميز الشركه بوسائل الامان ف بيجو 406 جت ب abs و ebd و esp دا غير انك تقدر تحدد المود ال عايز تسوق بيه سواء اقتصادي او رياضي او علي حسب طبيعه الطريق ال هتسوق فيه ودي كانت اضافه قويه في عربسات بيجو دا طبعا مع متانه الشاسيه و الصاج والاتزان القوي .
سادس ميزه المتانه و نظام التعليق فزي م قولتلك مع قوه الشاسيه بتتميز برده بقوه الصاج ومتانته ودا طبعا بييجي في صالح نظام التعليق ال هو العفشه فبرغم متانه العفشه سواء مساعدين او ياي وغيرهم الا انك هتحس براحه كبيره جدا اثناء القياده سواء ع الطرق السريعه او داخل المدينه و الشوارع الضيقه فمع ارتفاع العربيه الممتاز عن الارض وعدم احتكاكها بالمطبات مع الوزن مش هتحس تماما بعيوب الطريق في النقر و المطبات و اي عيوب تانيه ف من الاخر ال 406 مريحه بشكل كبير وعفشتها قويه وتستحمل جدا
سابع ميزه مساحات التخزين فال 406 عائليه بشكل كبير ودا بسبب مساحات الاخزين خاصه مع امكانيه طي المقاعد الخلفيه و ال هيدي مساحه كبيره في الجزئ الخلفي
تامن ميزه السعر فبرغم ان الاسعار مش منضبطه وفي اسعار غريبه الا ان البيجو 406 سعرها نناسب واقل بكتير من عربيات اقل منها في الامكانيات
اخر ميزه اعاده بيعها
فالعربيه اعاده بيعها ممتازه جدا وف حاله اهتمامك بيها هتعرف تبيعها بسهوله
زي مكلمتك عن مميزتت وامكانيات ال 406 ومدي كفائتها
لازم اكلمك بردو عن عيوب العربيه وللعلم اغلب الموديلات تقريبا مبيكنش فيها العيوب دي و العيوب دي لو حصلت فبتحصل نتيجه مشاكل متراكمه في كهربه العربيه او الميكانيكا
فأول عيب الصيانه وقطع الغيار
صيانتها بتحتاج لحد مختص وفاهم ودا الافضل لان اجزائها الميكانيكيه مش متشابهه الي حد كبير لعربيات تانيه وبالنسبه لكهربه العربيه فنصيحه متسبش عطل وتستهتر بيه لان عطل الكهربا في ال 406 هيجيب اعطال تانيه في حاله اهماله اما قطع غيارها فبرغم انتشارها وتوافرها الا ان قطع غيارها غاليه نسبيا .
تاني عيب مشاكل الفرامل ف من وقت للتاني ممكن تلاقي تأكل سواء ف التيل او الطنابير دا غير تسريب الزيت عشان كدا بتحتاج صيانه دوريه من وقت للتاني
تالت عيب البارومه
فهتلاقي تأكل لهيكل العربيه مع الوقت خاصه في الجزئ السفلي ودا برغم متانه الصاج
مع زياده الاسعار زادت الفوضي في سوق السايارات
فلك ان تتخيل ان الممتازه بيجو 406 بأمكانياتها الكبيره سعهرها اقل من ال عربيات كوري زي دايو لانوس مثلا والاتجاه الاكبر في البيع و الشرا

Пікірлер: 29

@محمدجباب-ش3ت 2 ай бұрын

من الأفضل وأقوا 406..............أو405

@muhamedawad8193 2 ай бұрын

@@محمدجباب-ش3ت 406 ❤️

@MoazEissa-wc5rk 8 сағат бұрын

بيجو 406 2003 ولا سكودا a4 2000

@osamasharabosama6637 Ай бұрын

الشورت بلوك بكام

@muhamedawad8193 Ай бұрын

للاسف وبسبب اختلاف السعر من وقت للتاني صعب يتحدد اسعار حاليا #سينما_السيارات ❤️

@mohamedmokhles6730 10 ай бұрын

ممكن ريفيو لاسبرانزا A113

@muhamedawad8193 10 ай бұрын

قريب بأذن الله #سينما_السيارات #بيجو #سبرانزا ❤️

@bestcars3777 9 ай бұрын

العشق في بلادي الجزائر ❤❤❤

@muhamedawad8193 9 ай бұрын

#سينما_السيارات ❤️

@mostafahosame52 11 ай бұрын

ممكن تعمل مقارنة ببن الكيا برايد وفيات اونو وبين الببجو 504 وال فيات 132

@muhamedawad8193 11 ай бұрын

تمام . #سينما_السيارات #كيا #فيات #بيجو ❤️

@Moh-mk3em 10 ай бұрын

أقوى مع فئتها فقط.

@mostafahosame52 11 ай бұрын

وممكن تعمل فيديو عن كورولا الجمل واللانسر بومة وكريستالة وشارك

@muhamedawad8193 11 ай бұрын

بأذن الله في اقرب وقت . #سينما_السيارات #تويوتا #ميتسوبيشي #بيجو ❤️

@3ommr981 11 ай бұрын

ونبي جاوبني اشتري ايه لادا 2107 ولا لادا نيڤا علشان هشتري اخر الشهر .. ملحوظة هسافر برج العرب من البحيرة مرتين ف الشهر بيها 😭

@fadymamdouh4381 8 ай бұрын

شكرا ابونا الشرح فوق الرائع ومبسط ....

@muhamedawad8193 8 ай бұрын

#سينما_السيارات ❤️

@MostafaMohamed-r1v 10 ай бұрын

ممكن تعمل ريفيو عن الاوبل فيكترا a موديل 94 95 😊

@muhamedawad8193 10 ай бұрын

قريب بأذن الله #اوبل #اوبل_فيكترا #بيجو #سينما_السيارات ❤️

@theoctopus856 7 ай бұрын

٤٠٦ الاسد الفرنسي

@muhamedawad8193 7 ай бұрын

#سينما_السيارات #بيجو ❤️❤️

@AhmedAbuhind 11 ай бұрын

ألف شكر على الفيديو ❤

@muhamedawad8193 11 ай бұрын

#سينما_السيارات #بيجو ❤️

@hazemhosam2521 5 ай бұрын

ايه احسن موديلات مفهاش مشاكل منها لوسمحت😊

@muhamedawad8193 5 ай бұрын

الافضل هي الموديلان الاصدار الفرنسي منها #سينما_السيارات ❤️

@hazemhosam2521 5 ай бұрын

@@muhamedawad8193 طب ايه هما الموديلان اصل قدامي ٢٠٠٣ ٢٠٠٠ سي سي مش عارف اشتري ولا لا

@issamamokrane3320 8 ай бұрын

صل الله عليه و سلم

@muhamedawad8193 8 ай бұрын

عليه افضل الصلاه و السلام ❤️❤️

@Midou-uv9rh 9 ай бұрын

ممكن رقم الهاتف