بيجو 505 🇨🇵 | الاهم في سلسه بيجو و موديلات ابعد عنها PEUGEOT 505

لما شركه بيجو قررت تعمل #بيجو ٥٠٥ لقت نفسها قدام تحدي قوي جدا
بيجو 505 | الاهم في تاريخ بيجو و موديلات ابعد عنها
من سلسله ارخص سيارات في مصر نحب نبتدي ب
اللهم صلي وسلم علي سيدنا محمد
❤️
لا حول ولا قوه الا بالله
لان كان مطلوب منها تعمل موديل مطور من بيجو ٥٠٤ بنفس الكفاءه والاعتماديه
وانا هنا بقول تحدي صعب. لانك لما تشوف فيديو ال ٥٠٤ هتعرف قد ايه هي كانت اعتماديه و ليها شعبيه كبيره جدا
صعب ان اي عربيه من بيجو تنافسها
ومن هنا ظهرت ال ٥٠٥ وال اثبتت مدي كفاءه المقيمين ع شركه بيجو في الوقت دا
لانها نزلت بأفضل نسخه من شركه بيجو ع الاطلاق في الفتره من السبعيات لحد سنه ٩٧
و كانت بيجو ٥٠٥
تم عرض ال ٥٠٥ رسميا في مايو ١٩٧٧
وتم عرضها في معرض جينيف سنه ٨٢
بتصميم فخم جدا وجذاب من بينيفارينا وتعاونها مع شركه بيجو
من دمج بيجو ٣٠٥ و ٥٠٤
وبتصميم داخلي من بول براك المعروف بشكل عام بتصميمه للتحف الالمانيه مرسيدس وبي ان دابليو
العربيه اتصنعت في دول كتير زي مصر ونيجيريا و الارجنين
لحد سنه ٩٥ وفي تشيلي لحد سنه ٩٧
ال 505 نزلت بشكلين سيدان و استيشن
وكانت المفروض تنزل بنسخه كوبيه لكن التنفيذ ع المشروع دا متمش
واستمرت بشكلها التقليدي وال اتسمي في مصر بالعاده لحد سنه ٨٥
ومن سنه ٨٦ نزلت بتعديلات مختلفه وكانت في الكماليات و التجهيزات
يعني نزلت بفتحه سقف وباور ونظام اوتوماتيك من ٣ ل ٥ سرعات وازاز كهربا وسبيلر خلفي. مع اختلاف في تصميم الفوانيس الخلفيه
ومن كم التعديلات المختلفه اتسمت في مصر بالطياره
من الاخر كدا بدايه من ٨٦ واضافه التعديلات
كانت الطفره الحقيقيه لبيجو بسبب شكلها و امكانيتها
ال ٥٠٥ نزلت بنفس موتور ال ٥٠٤ و ال هو ٢٠٠٠ cc مع تعديلات بسيطه ونزلت بموتور تاني وكان ٢٢٠٠ cc
من سنه ١٩٧٧ بيجو ٥٠٥ نزلت بأول موديل ليها وكان جي ار من غير كماليات
وال اس ار وكان بينزل بباور وازاز كهربا وفتحه سقف
ومن سنه ٨٤ ل ٨٥ نزلت بموديل جي ال من غير كماليات و اس ال بكماليات
وبعد كدا نزلت موديلات بالشكل الجديد
وكانت اس ال
اس ار
اس تي اي
جي تي بي
وكانو بكماليات وتجيزات متكامله
دا غير موديلات تانيه خاصه بأوروبا وبلاد تانيه وموجوده في مصر لكن بشكل نادر
ال ٥٠٥ زي م قولتلك كانت جذابه جدا في شكلها وتصميها ودا بيرجع لمواصفاتها
فالعربيه نزلت بأرتفاع متر و٤٢
و طول ٤ متر ٥٨
و العرض متر ٧٤
و التانك بييجي بسعه ٤٠ لتر
والشنطه الخلفيه بسعه ٤٥٠ لتر ودس مساحه ممتازه
اما وزنها ١٢١٠ ك ودا بيديها ثبات اكتر ع الطريق مع السرعات العاليه
العربيه تعتبر واحده من ال اثبتت نفسها جدا ودا بشهاده الناس ال جربتها
ودا بيرجع لمميزات كتير ليها
اول ميزهشكلها
وال يعتبر من اهم مميزاتها فالعربيه بتدي نوع خاص من الفخامه ف كانت تعتبر من ضمن الاختيارات الاولي لاهم الشخصيات في وقتها و لو في اي تعديل بسيط فيها بيخلي شكلها في حته تانيه خالص
تاني ميزه مساحتها الداخليه
وال تعتبر مناسبه جدا انها تكون عائليه دا غير مساحه الشنطه الخلفيه
تالت ميزه
اتزانها وثباتها ع الطريق ودا نتيجه لتناسق وزنها مع ابعادها دا غير انها دفع خلفي
فال 505 هتديك تجربه قياده ممتازه جدا جدا ع الطرق السريعه
رابع ميزه صيانتها
وال تعتبر سهله ومش معقده و اغلب الصنايعيه يقدرو يشتغلو فيها بسهوله
خامس ميزه متانه الصاج
وال يعتبر قوي ومتين بنفس متانه ال ٥٠٤
سادس ميزه نظام التعليق
فعفشتها تعتبر متينه وتتحمل معاك في الطرق المكسره بشكل كبير وبرغم متانتها الي انها مبتأثرش نهائيا علي مستوي الراحه
بسبب ان ال 505 بتجيجي بنظام تعليق امامي منفصل وخلفي شبه منفصل ودا بيديها مرونه كبيره وبيزود قدرتها في التعامل مع النقر و المطبات بشكل انسيابي
سابع ميزه
سعرها و ال يعتبر رخيص بالمقارنه بعربيات تانيه كتير من نفس الفئه
.............
تامن ميزه اعاده بيعها
وخليني اقولك ان تداول العربيه في وقتنا دا واعاده بيعها يعتبر اكتر من قبل كدا ف اعاده بيعها مقبول جدا ودا نتيجه لمميزاتها ال كتير ال ذكرناها
اما اخر ميزه اعتماديتها
بيجو 505 تعتبر اعتماديه جدا جدا سواء في الموتور او باقي اجزاءها ودا ال بيخلي اعطالها قليله لكن طبعا مع متابعه ال العربيه لو فيها اي عطل بسيط
دا بالنسبه للميزات ال بيجو 505
اما عيوبها ف مش كتير وبتتمثل في كذا عيب
اول عيب قطع غيارها
قطع غيارها الاصليه غاليه نسبيا ومش متوفره بشكل كبير
تاتي عيب استهلاكها للبنزين
و ال يعتبر عالي اي حد ما بسبب موتورها ال بييجي بنظام كاربيراتير و وزنها ال بيعدي ال ١٠٠٠ ك
تالت عيب الموتور
الموتور اعتمادي وقوي لكنه غالي في حاله انه محتاج يتغير
اما اخر عيب البارومه و ال بتظهر فيها و بتنتشر مع الوقت
دا كدا بالنسبه ل بيجو 505 لكن في حاجه مهمه جدا في حاله انك خلاص قررت تشتريها
وهو ان المفضل من ال ٥٠٥ الموديلات من اول ٨٦
ودا مش معناه ان الموديلات من ٧٩ ل ٨٥ وحشه لا هي برده اعتماديه لمن كان فيها بعض المشاكل ال بتأدي لسخونه الموتور
وحلها في تنضيف الريدياتير ومتابعه دوره المايه و الاسبيراتير ب استمرار
غير كدا ال 505 من رائي الشخصي واحده من افضل العربيات ال انتجتها بيجو
وتعتبر قيمه جدا جدا مقابل سعرها
متنساش بقي اللايك و السبسكرايب
سلام ي وحش
#ارخص_سيارت_في مصر
#فيات
#فيات127
• لازم تشتري فيات 127 🇮🇹...
#فيات128
• فيات 128 🇮🇹 | الاكثر ش...
#ريتمو
• فيات ريتمو 🇮🇹 | تشتري ...
#فيات131
• فيات 131 🇮🇹 | احسن عر...
#اونو
• فيات اونو 🇮🇹 | افضل سي...
#فيات_ريجاتا
• فيات ريجاتا 🇮🇹 | اول س...
#دوجان_شاهين
• الشاهين و الدوجان 🇮🇹🇹🇷...
#بيجو
• بيجو 504 🇨🇵 | وحش البي...

[@user-gg2dx9sx4t]

الاسد الكبير ❤

[@OSAMA-FAYAD88]

عندى وحده الله اكبر

[@ahmedfawzy8463]

عالمي 😍👏👏👏💖🙏🙏💖

[@muhamedawad8193]

❤️❤️❤️

[@abdelham]

ممكن ترشحلى موديل بيجو 505 الله يباركلك ايه الافضل علشان مرجعش اقول ياريتنى

[@muhamedawad8193]

اي موديل قبل 1986 يستحسن تبعد عنه لان كان فيه مشاكل في التبريد وسخونه العربيه مع اعطال تانيه وارد تحصل ويفضل لو هتشتري يبقي من موديلات التسعينات لانها نزلت بنسخ معدله للعيوب ال كانت موجوده في التمانينات واعتماديه اكتر و يرجع ليك انك تفاضل بين الاسعار ع حسب حاله العربيه ومحتاجه تصرف كام لكن متكنش اسعار مبالغ فيها .. بالتوفيق ❤️

[@mohamedzidane263]

في واحده قدامي موديل ٨٩ GL أول مالك من الزيرو ماشيه اقل من ١٠٠الف ايه رأي حضرتك

[@muhamedawad8193]

ممتازه ونفذ فيها ويستحسن موتورها يكون انجكشن وهي عامه في مل الاحوال اعتماديه جدا بالتوفيق ❤️❤️

[@user-lb1by6fw7m]

نسيت تتكلم عن ٦ سلندر الاسطورى من بيجو مع ٥٠٥ و كان فى نسخ انجيكشن . وزن السيارة فارغة ١٢٠٠ لكن كاملة بيتخطى ١٥٠٠ كجم موديلات ما قبل ١٩٨٦ لم يكن من ضمن عيوبها السخونة الزائدة لكن اشتهر تابلوه الطيارة فأصبح اكثر تميزا عن الكلاسيك بالرغم من متانة خامات الكلاسيك عن موديل الطيارة . و كذلك كان موجود موديلات الديزل و اللى كانت بتبدأ من ١٩٠٠ سى سى مع او بدون تيربو . الفيديو جيد لكن فى احسن من كده و ارجو تقبل اعتذارى لو أخطأت او اسلوبى كان فى خطأ . تحياتى لشخصك و مجهودك

[@muhamedawad8193]

اسلوب حضرتك كويس بس ي ريت قبل م تكتب اي معلومه تجيب مصدرها وتسيب لينك بكلامك من المصدر نفسه . ودا لان قبل م بنتكلم عن اي حاجه بنتأكد من كل المصادر ف لو عندك كلام مختلف ممكن تسيب لينك المصدر اولا انا منستش اتكلم عن ٦ سلندر او غيره انا ذكرت كل انواع بيجو ٥٠٥ من ١٩٧٧ ل اخر انتاج وقلت ان بيجو نزلت ب sr gti و غيرهم اما بالنسبه لوزنها فمعدل وزن اي عربيه بيقاس بالفارغ واوقات من غير تجهيزات ثانيا نسخ الانجكشن مش موجوده في مصر بشكل كبير النسخ دي اوروبي وكانت المفروض تنزل مع النسخه الكوبيه لكن متمش التنفيذ ثالثا الموديلات ال قبل ٨٦ من ضمن مشاكلها السخونه ودا من ناس جربت العربيه فعليا في الموديلات دي دا غير ان في موديل 1985 تم تعديل الاسبيراتير و دوره المايه . فأكيد مش هيعدلوها من فراغ ولكن كان في مشكله وبيعالجوها . رابعا في تعديلات كبيره جدا حصلت من اول موديل ٨٦ منها فتحه سقف ونظام اوتوماتيك وغيره في الفوانيس و الاكصدام مش التابلوه بس اما بالنسبه لموديلات الديزل ل موتور ١٩٠٠ مفيش معلومه مؤكده بحجم انتشار الموديلات من النوع دا في وقتها احنا بنتكلم ع الاغلب و ال منتشر في السوق كومنت حضرتك مقبول بس ي ريت تحري الدقه ولو في كلام مخالف للمعلومات ال ذكرتها في الفيديو تكتب مصدر كلامك وتسيب لينك بيه لان تم مراجه كل معلومه ذكرناها من كذا مصدر شكرا لحضرتك ❤️

[@user-pr8od2cu9z]

كاسبها 6 سنين الحمد لله اناقة وقوة تحيا شركة الاسد الفرنسي

[@muhamedawad8193]

💪❤️

[@mohamedalmesiry8313]

في رايك من افضل ٥٠٥ ولا ٥٠٤

[@muhamedawad8193]

في فديو تفصيلي ومقارنه م بينهم ب اذن الله لكن من دبوقت بقولك طبعا ٥٠٥ لكن الموديلات ال بعد ٨٦ منها بلاش موديلات قبل كدا

[@WaleedSQ]

أفضل ما صنعت بيجو 505 و 504 و 404 اما باقي موديلاتها سيئة وغير اعتمادية بالمرة

[@muhamedawad8193]

في موديلات طبعا اعتماديه بعد كدا زي 406 لكن ال 504 و ال 405 اكثر اعتماديه بسبب عدم اعتمادهم بشكل كبير علي نظام الكهربا في التشغيل علي العكس من 205 و 206 وموديلات تانيه من بيجو ودا فيديو تفصيلي بالمقارنه بين ال 504 و ال 505 kzbin.info/www/bejne/ppiqZ5iZjrageMUsi=3gd8VBOK1FReDZ6f #بيجو #سينما_السيارات ❤️

[@user-cs9ul6pn7d]

سعرها كام

[@muhamedawad8193]

من ٢٥ ل ٥٠ الف متوسط ٤٠ الف ودا لينك بفيديو بيوضح الاسعار كامله kzbin.info/www/bejne/Z3a9o5epiL9kgpY

[@mohammedsalah4306]

معدل استهلاك البنزين كام كيلو لكل لتر تقريباً ؟

[@muhamedawad8193]

من ٩ ل ١٢ لتر ع حسب الموديل و الحاله . لكن الموديلات ال موتورها انجكشن استهلاكها اقل طبعا

[@mohammedsalah4306]

@@muhamedawad8193 دورت على موديلات تسعينات مافيش خالص... هي مانزلتش مصر ؟