Рет қаралды 393,900
إشترك في القناة وفعل التنبيهات ليصلك كل جديد وحصري .
-
للتواصل وطلب التصاميم والمونتاج :
WhatsApp : 009666506782011
رابط الدخول على الواتس بشكل اسرع :
wa.me/96650678...
رابط قناة التلقرام :
t.me/Hadi0arja
-
استقرام : / hadi_arja
سناب : / hadi_arja
تويتر : / hadi_arja
للمعلومه حساباتي موحده : Hadi_arja
الـقـصـيـدة
والله ان الفكر ينداش في بعض الليال
واكتب البيتين والبيت وارجع واشطبه
والقصيد اللي مايارد طويلات الحبال
عدو الفنجال عن شاعره لا يشربه
وان طلبنا القاف لو كان ماعنده مجال
ماله الا ينثني للقصيد ويكتبه
دون ابن عمي يحوّل علي من كل جال
كني اصفق له لبيده واهوبل واندبه
يابني عمي هل الفعل واكرام السبال
من تذرّى في ذراكم تفاخر بـ انسبه
لابةٍ في الجاهليه وردّات القتال
الله من شيخ هلك والمرازيق اسببه
بيرق العجمان لاصار للخيل اجتوال
ينتفض من فوق جمع الرجال المرعبه
ياسلام الله علينا مداغيش الرجال
من توسقنا شداده ما شالته اركبه
راحت الدنيا واهلها وحنا لا نزال
نفتخر وانطرّي أهل الفعول المتعبه
لين جا وقت المداحم على زين الحلال
واقبلن بنات هرش خذن منّه شبه
يا ابن ضيف الله دعيناك للشوط وتعال
وادحم ابـ هامان لا من غدا له قبقبه
اوضحٍ بناته اتهوم لاحذف الجلال
لا عرضت كنها تقول المنافس ينتبه
الظهور اتضايق الورك والغرّب اطوال
لا اقلبت تشوف خشمٍ امقنّف وارقبه
واللحي طفّح وكنها تشبّح للهلال
تحسب ان فيها مرض من مقيض الدبدبه
نزهمك يا ابومحمد تحوّل من شمال
تورد العد المسمّى ويدرون اعربه
وانت فعلك خابرينه وراسك راس مال
حي راس اللي لا جا العلم بيّن مذهبه
علّم اهل الوضح والفال يقفاه العقال
والمنافس قله اقضب حزامك واكربه