C (10) - လောကဓံ ကိုမသိမမြင်ရင် လောကဒဏ် ကိုခံရမည်

မဟာသဒ္ဓမ္မဇောတိကဓဇဦးမောင်မောင် (ပျဉ်းမနား) ၏ လောကဓံ ကိုမသိမမြင်ရင် လောကဒဏ် ကိုခံရမည်
🏵 မြန်မာနိုင်ငံတွင် ရဟန်း ရှင်လူတို့သည် ဗုဒ္ဓသာသနာတော်ကို အောက်ပါအတိုင်းသုံးပိုင်း ပိုင်ခြားပြဆိုကြပါသည်။
(၁) ပရိယတ္တိသာသနာ၊ သင်ကြားအပ်သော ပိဋကတ်တော်တို့ကိုသင်ကြား ခြင်းသည် ပရိယတ္တိသာသနာ မည်၏။
(၂) ပဋိပတ္တိ သာသနာ၊ ကောင်းမြတ်သောအကျင့်အကြံတရားကို ပဋိပတ္တိသာသနာဟုခေါ်၏။
(၃) ပဋိဝေဓသာသနာ၊ သစ္စာလေးပါးကို ထိုးထွင်းသိမြင်နိုင်ခြင်းကို ပဋိဝေဓ သာသနာဟု ခေါ်၏။
🏵 မြတ်ဗုဒ္ဓသက်တော်ထင်ရှားရှိစဉ် ထိုသို့ပိုင်းခြား ကန့်သတ်သွားဟန်မတူ၊ မြတ်ဗုဒ္ဓ ပရိနိဗ္ဗာန်ပြုပြီးနောက် သင်္ဂါယနာတင်ကာမှ တရားတော်များကို အမျိုးတူရာ ကဏ္ဍတူရာ စုစည်း၍ ပိဋတကတ်သုံးပုံဟု ဖွဲ့စည်းသတ်မှတ်ခဲ့ကြပါသည်။
🏵 ဓမ္မတရားတော်များကို ထိုသို့ ပိုင်ခြားပြီး လေ့လာ ကျင့်သုံး ပေါက်မြောက်ခြင်းသည် အရိယာသူတော်စင်များအတွက် များစွာအကျိုးရှိနိုင်သော်လည်း ပုထုဇဉ်များအတွက်မူ စိတ်ဝမ်းကွဲစရာ ဂိုဏ်းဂဏကွဲစရာ လမ်းစဖြစ်များနေ‌လေမလား။
🏵 ဒုက္ခချုပ်ရာ နိဗ္ဗာလမ်း တစ်လမ်းတည်းသွားလည်း သူ့လမ်း ငါ့လမ်း အငြင်းမပွားပဲ အောင်မြင်ပေါက်မြောက် လမ်း‌ဖောက်ပေးခဲ့သော
မဟာသဒ္ဓမ္မဇောတိကဓဇ ဦးမောင်မောင် (ပျဉ်းမနား)
၏ (၇/၄/၂၀၂၁)နေ့ ဟောကြားသော တရားတော်များမှ ဉာဏ်အလင်းရပါစေကြောင်း တင်ဆက်လိုက်ရပါသည်။