Cümhuriyyət qurucuları - Əlimərdan bəy Topçubaşov

“Cümhuriyyət qurucuları” layihəsi xalqımızın istiqlala qovuşmasında, azad cümhuriyyətin qurulmasında əməyi olan tarixi şəxsiyyətlərin həyat və fəaliyyətləri haqqındadır. Layihədə Azərbaycanın milli, hüquqi və demokratik dövlətçiliyinin əsasını qoymuş şəxslərlə bağlı geniş məlumatlar təqdim edilir. Onların qısa müddət ərzində Şərqdə ilk demokratik respublika yaratmaq bacarığı,qəbul etdikləri qanunlar, milli tələblərə və demokratik prinsiplərə uyğun dövlət orqanlarının qurulması, ölkənin sərhədlərinin müəyyənləşdirilməsi, bayrağın, himnin və gerbin yaradılması, ana dilinin dövlət dili elan edilməsi, yüksək döyüş qabiliyyətli ordunun formalaşdırılması, Azərbaycanın ilk universitetinin təsis olunması, təhsilin milliləşdirilməsi, işğalçı orduya qarşı son anadək apardıqları qətiyyətli mübarizəsi əks olunur. Bu mübarizə faciə ilə başa çatsa da, onun Azərbaycanın istiqlal tarixinin şərəfli bir səhifəsi olduğu vurğulanır.