Рет қаралды 75
@Roteirosgalegos
A ruta comeza mesmo en Eaux Bonnes, diante do hotel Richelieu, e dirixímonos ata o Casino desde onde parte a ruta. É un percorrido intenso pola pendente que ten pero transcorre por un camiño moi cómodo en gran parte do seu traxecto. A subida é constante, primeiramente por bosque e logo por zonas abertas onde poderemos gozar dunhas panorámicas impresionantes de todo o val de Laruns e gran parte desta zona do Pireneo. Ao chegar á Cabane Laga de Haut continuamos, xa por camiño máis incómodo, ata o Pas de Brèque, un collado situado entre cumios que sen acadar os 2000 m de altitude proporcionan unhas magníficas panorámicas de alta montaña.
Lonxitude: 17 km
Desnivel: medio/alto
Dificultade: media/alta