Рет қаралды 1,431,793
ថ្ងៃនេះ មេផ្ទះ (Housewife) ចង់ឲ្យប្រិយមិត្តអ្នកអានមកសាកល្បងនូវមុខម្ហួបសម្លកកូរគមដូងទាំងអស់គ្នា!!
គ្រឿងផ្សំៈ
ត្រីឆ្លាំង 1គីឡូ
គមដូង កន្លះគីឡូក្រាម
សាច់ជ្រូក 2ខាំ
ស្លឹកម្រុម 1ដុំ
អង្ករលីង កន្លះចានចង្កឹះ
ប្រហុក 1ស្លាបព្រាបាយ
ទឹកត្រី 2ស្លាបព្រាបាយ
ស្ករត្នោត 1ស្លាបព្រាបាយ
ម្សៅស៊ុប 1ស្លាបព្រាបាយ
ខ្លាញ់ 2ស្លាបព្រាបាយ
គ្រឿងបុករួច (គល់ស្លឹកគ្រៃ រមៀត រំដេង សំបកក្រូចសើច ខ្ទឹមស)
វិធីធ្វើៈ
1.ត្រីកាត់ជាកង់ៗ គមដូងចិតស្តើងៗ សាច់ជ្រូកហាន់ជាបន្ទះ ហើយអង្ករលីងត្រូវបុកឲ្យម៉ដ្ឋ។
2.ដាក់ខ្លាញ់ឲ្យក្តៅ ដាក់ប្រហុក និងគ្រឿង ឆាឲ្យឈ្ងុយ ទើបដាក់ត្រី និងសាច់ជ្រូក គមដូង អង្ករលីងទឹកត្រី ស្ករត្នោត ម្សៅស៊ុប ដាក់ទឹកឲ្យល្មមទុកឲ្យពុះ ភ្លក់រសជាតិ ឲ្យល្មម ទើបដាក់ស្លឹកម្រុម។