الكل لازم يعرف أسعار سيرفس MG نوع RX8 قبل لا يشتريها + قطع الغيار

[@GAMEOVERZH]

الله يعطيك العافيه عزلله شرحك كاافي ووافي للي بيشتري السياره واذا استمريت علي شغلك هذا بكل مراجعاتك انا اضمن لك انك راح تكون مرجع كبيير وموثوق بعالم السيارات ويارب نشوفك من اعلي الي اعلي 🌹

[@KuwaitGT]

الله يعافيك ويسلمك يا الأمير و ابد باذن الله تعالى إِنْ شَــاءَ اللَّهُ اني قد ما اقدر اغطي عن جميع السيارات وعسى الله يوفقنا وياك إِنْ شَــاءَ اللَّهُ💐🙏🏻

[@ocean1863]

شكرا ع المصداقيه وهذا اللي نبيه قبل لا نشتري سياره

[@ia7madkw]

الله يعطيك العافيه ، صج معلومات مفيده حييل يعني مو بس تشتري وبس ولازم نعرف الي ورا الشراء شنو او شكثر بندفع

[@KuwaitGT]

حبيب حاضرين بالخدمة 🤝💐☺️

[@alitom285]

فعلا تجربة فريدة من نوعها..تسلم وألف رحمة الله على والديك

[@KuwaitGT]

والدينا و والديك طال عمرك 💐☺️ تشرفني فيها في اي وقت

[@AJ-sy1mp]

اتمنى تسوي حلقه مقارنه بين اسعار الشركات بالصيانه ، و اذا تبي اساعدك حاضر و انا مهتم بالسيارات منذ الصغر

[@محمدوليد-ض2ف3ف]

اخوي الغالي شرايك فيها السياره كااستعمال يومي موديل ٢٠٢٤

[@kwabood68]

مرحبا جزاك الله خير وماقصرت تكرما عندي سؤال شلون مكيفها بالصيف شهر ٧ الجيب ام جي وشكرا لك

[@KuwaitGT]

من عشرة اعطيه ٧.٥ حلوووو مكفي و موفي

[@A.SALAMA.666]

احنا في السعوديه على يوم نشتي الموتر ماتوصل الشركه على شان يغير الزين ٣٦٠ريال ١٥٠ انا اتكلم عن سيارتي لكزس rx350

[@osmansooma]

اللهم صل وسلم وبارك على سيدنا محمد وعلى آله وصحبه وسلم

[@NasserAlHaddad1807]

كفيت ووفيت بو احمد والله يرحم والدينك

[@KuwaitGT]

والدينا ووالديك يابو علي نورت قناتك واذا فيه اي استفسارات انا حاضر وتحت امرك في اي وقت💐☺️ عساني ما انحرم منك ولا من المتابعين

[@jrahalazmi8311]

السلام عليكم ابو احمد بسألك لاهنت الار اكس 8 راح يتغير شكله او فيس لفت 2024 او قريب يغيرون شكله لاني ناوي اخذ واحد هل انطر ولا اتوكل على الله بأنتظارك ردك يالغالي

[@KuwaitGT]

لالحين والله اعلم مافي اي معلومات

[@aborakan6797]

‏اشكر أخونا على هذا التوضيح ‏في هذا الفيديو ولكن اشوف انه السيرفس جدا جدا مبالغ فيه وغالي

[@alitom285]

بارك الله فيك اخي الحبيب...ياريت لو تعمل مقارنة لاسعار السيرفس بين الشركات

[@KuwaitGT]

ابد ابشر وهذي النية إِنْ شَــاءَ اللَّهُ 💐

[@alitom285]

@@KuwaitGT فدوة لقلبك تسلم يا ذهب محبيك من العراق

[@KuwaitGT]

الله يسلمك يالغالي و تشرفني طال عمرك على راسي من فوق 💐👍🙏🏻

[@nawaf3529]

شو المقصود بلاكات

[@كيفالحال-ي1ز]

كم لتر سعة خزان البنزين ؟

[@saleen965]

ما احب السيارات الصينيه ، بس لايك عشانك 👍🏽

[@KuwaitGT]

حبيب والله بابعد راسي عساني ما انحرم منكم إِنْ شَــاءَ اللَّهُ 💐☺️

[@saleen965]

@@KuwaitGT حافظك الله

[@A.SALAMA.666]

شمعات الاحتراق ريديم تمشي اكثر من٢٠٠الف كم

[@mubarakalfarras4145]

٧:١١ اركز هنا ولاهنا ههههخخخخخخخخهههههههاي ، واصل ي مبدع جبت أدق التفاصيل غطيت كل شي تقريبا ❤❤👑

[@KuwaitGT]

اي والله شسوي انحولت اشوي 😂 حبيب حياااك الله و هذي ابرك الساعات طال عمرك 💐😆

[@abdullhalazemi819]

اسعار غير طبيعيه غضيت النظر نهائيا عن السيارة

[@eissaalmehairbi8249]

جزاك الله خير

[@baderalazemi1509]

شكراً على التوضيح يابو أحمد

[@KuwaitGT]

العفو ابد تامر امر 💐 ☺️

[@yusufameen1021]

استاذ هل تنصحني سياره MG 5 علما انا شغلي داخل المدينه فقط شكرا لكم. انا من كردستان العراق

[@اللحيهالغانمه-د5ض]

هل ميزان السياره تبع الضمان ؟

[@KuwaitGT]

الميزان اذا كانت عندك مشكلة بالهيئة طلعت خلال الضمان الوكالة راح تضمن لك حقك

[@KuwaitGT]

اذا قصدك عن تشييك الهيئة و عملية الشد فنعم تبع شغل السيرفس اما الضمان فيضمن لك حقك في حال حسيت انه السيارة فيها مشكلة

[@اللحيهالغانمه-د5ض]

@@KuwaitGT يعطيك العافيه صراحه معلومات مفيده ولو ان مقصدي كان مثل سحكية الكفرات والحذفيه هل علي ولا على الوكاله واعتقد حسب كلامك انها علي

[@KuwaitGT]

@user-lk6vm6ml8b في بداية عملية الشراء تكون على الوكالة لان السيارة جديدة فطبيعي اذا فيه اي مشكلة بتكون عليهم بينما بعد فترة من استهلاك الاطارات بتكون على العميل نظراً للاستهلاك الي حصل و بالتالي اي عملية وزنية جديدة للاطارات و الهيئة بتكون على حساب العميل

[@محمدوليد-ض2ف3ف]

يعني لازم تأمين شامل

[@masterp1250]

كفوو ذيبان انا الحين رايح الوكاله باخذ اعلي فئه

[@KuwaitGT]

كفوووو الطيب يا الغالي و حيااااك الله يا الأمير 💐 عسى الله يوفقك فيها يارب 🤲🏻

[@بدريةالامير-ب9ض]

من وجهة نظرك افضل سياره شانجان c95 ولا MG rx8 ولا جاك الفئة ٧ ركاب ....تنصحني في ايش ..بسبب اني خلاص بشتري ومره ركزت على MG

[@KuwaitGT]

للامانة الام جي حلوة لكن تكلفة صيانتها غالية مقارنةً مع الشانقان لان الشانقان صيانتها ارخص بكثير و اما الحجم فالام جي اكبر مساحة داخلية وألوان الداخلية أجمل من الشانقان لأن عيبهم تجي داخليتهم لون واحد تان موحد مع اسود بينما الام جي تجي من الداخل يا أحمر مع أسود او تان مع بيج فالمسألة اهني هي مسألة أذواق زائد امكانيات كل شخص على إمتلاك السيارة أو لا و تحمله لصيانتها او انه ما يبي الصيانة تكلف عليه السيارتين جدااا جميلات ولكن كل سيارة ولها جانب إيجابي وجانب سلبي . أما لو أنا شخصياااً راح أختار الشانقان لانها تناسب كل احتياجاتي ألي انا ابيها والصيانة تكون بالنسبة لي أوفر بدون ما اتكلف تكاليف زايدة عن اللزوم

[@بدريةالامير-ب9ض]

@@KuwaitGT شكرا الله والله يكتبها بميزان حسناتك

[@Feras_LS]

@@KuwaitGT بس للمعلومية ترا شانجان C95 دفع امامي و ليس خلفي مثل Rx8

[@KuwaitGT]

الشانقان سي اس ٩٥ دفع امامي اساس ولكن يجي منه دفع رباعي وهو عبارة ناقل حركة نفس الدبل خفيف موصل للعجلات الخلفية و الهيئة وراا تجي بطيخة واذرع يمين ويسار لنقل الحركة للتواير الخلفية بينما الأم جي ار اكس ايت ٨ هو دفع خلفي والدليل في شكل المحرك و تركيبه في الحوض بشكل طولي و لكن اذا تبي منه دفع رباعي يكون فيه بالفعل دبل نفس البرادو او اي سيارة دفع خلفي يجي منها دفع رباعي

[@abdulrahmanmohammad3844]

@@KuwaitGT ولا

[@jaberaljalahmah2061]

تبديل زيت السيارة على ٥٠٠٠ افضل وشكرا على المحتوى ٠✌️

[@فيصلالعراده-ص8ت]

مساك الله بالخير انا توني شاري السياره واجهتني مشكله انه بعد ١٢٠ تسمع صوت صفير او تنسيم والصوت مزعج والمشكله الثانيه كل ماتضبط المرايات ترجع نفس وضعها السابق وباقي الامور كلها للحين تمام مع العلم توني شاري السياره صارلي اسبوعين

[@KuwaitGT]

مالك إلا إنك تراجع الوكالة ويفحصون لك الربلات حقت الأبواب أو الجامة الأمامية يشوفون لك شنو المشكلة بالضبط يا انهم يعالجون المشكلة او يبدلونها لك دام السيارة مكفولة وما تعرضت لاي حادث عسى الله يكافيك شرها الشي الثاني و هو تخزين وضعية القيادة يعني بعد ما تضبط قعدتك ومناظرك تروح حق ازرار تخزين وضعيات الجلوس وتخزنها وبعدها إِنْ شَــاءَ اللَّهُ ماراح تخترب او ترد على الوضع السابق الي قلت عليه عسى الله يجازيك خيرها ويكافيك شرها💐🤲🏻

[@حمودالرشيدي-ق7ص]

الجيب له سنتين تقريباً عندي ومافي حل للصوت الصفير الي تقول عنه ف لايضحك عليك احد الحل ربل التصميم فيه عيب

[@KuwaitGT]

يعني معقولة مافي حل لمشكلته ؟ دام جذي والله العظيم لاطلع عيون الوكالة من مكانها واصور لهم واقولهم شوفوا بانفسكم واذا ما ضبطوه يا يبدلون لي السيارة بكبرها او يبدلون الباب بكبره او اشتكي عند حماية المستهلك عليهم وان ما نفع انا بنفسي بتكلم واقول للناس قاطعوهم دام منتجهم فيه عيب قاتل ومزعج ومو راضين يحلونه او يخدمون زباينهم بالطريقة الي تبيض الوجه وتجمل والي تنال على رضى عملائهم

[@فيصلالعراده-ص8ت]

@@KuwaitGT صحيح ضبطتها طلع تخزين الجلوس والامور طيبه والله يجزاك خير

[@فيصلالعراده-ص8ت]

@@حمودالرشيدي-ق7ص ماله حل اركبله ربل ولا اي شي

[@EA9o5]

طيب ليش ما ذكرت السعر بريال سعودي او بدولار

[@malamri424]

غريبه انا عندي شروكي مكتوب بجدول الصيانه البواجي تتغير على ١٥٠ الف، و شديته الى ١٩٠ و غيرتها و هي باقي سليمه و قاب كويس

[@KuwaitGT]

حسب والله كل وكيل و طريقة صيانته لسياراته فالسبب الرئيسي ورا تبديل البواجي كل عشرين الف هو في عيوب محركات الجي دي اي و الي تشتغل مع التوربو الخوف كله هو الاحتراق يكون مو كامل و بالتالي يتضرر المحرك من الداخل خاصة في غرفة الاحتراق تتكون رواسب اذا ما تم الاحتراق بأعلى كفاءة ، فالشرح عن الموضوع هذا راح يكون طويل و انا عطيتك المختصر

[@yosefa561]

غالى والله

[@azazy7924]

دودة السكان (المقود) كم تكلف ؟

[@KuwaitGT]

والله ما ادري ما عندي معلومات لان هذي الشغلة مستحيل تخرب الا بعد فترة طويلة من الاستعمال و احتمال بعد ما تخرب على حسب الاستعمال

[@ibrahimmohammed8205]

هل تنصح بها اخي العزيز ابو احمد

[@KuwaitGT]

أنصح فيها بحالة وحدة بس و هي انك تلتزم مع الوكالة في يرنامج السيرفس بمعنى إذا كنت قادر على تكاليف صيانتها بالوكالة اخذها و انت مرتاح زائد انك حاط في بالك انه كل سيارة و لها إمكانياتها حسب سعرها و انه السعر كلما زاد أكيد راح تلقى انه له إمكانيات أكثر ، أنا تعقيبي على السيارة شي واحد فقط و هو مسألة العزم فيه ثقل بالإنطلاقة بعدها يفتح التوربو معاك كذلك فيه ثقل بالتجاوز ، يعني ألي بياخذ هذي السيارة لازم يكون انسان راكد و لاهو براعي سرعة أو انه رجله حامية على السيارة و لكن بشكل عام الموتر حلو و مقبول كسيارة عائلية متوسطة الفخامة و جميلة

[@waleedaldola2063]

MG و ليس mJ و انت تنطقها MJ بس ملاحظة و شكراً على جهودك

[@ahmedgad1462]

ممتاز ياريت فيديو نفس هذا عن بايك x7 واسعار السيرفس وقطع الغيار ورأيك في السيارة

[@KuwaitGT]

عندي حاليا تقرير عن سيرفس و قطع غيار الجي اي سي GS8 و إِنْ شَــاءَ اللَّهُ بسوي عنها

[@m12336]

والله اني محتار بي ال MG و شيفروليه كابتيفا ؟ من وجهة نظرك بما انك استعملة ال MG كثير ؟

[@salem2181]

خذ الي يعجبك كلها حديد ❤️🙏🏽

[@KuwaitGT]

شنو الام جي الي تبيه و الشفر هم حلو عزالله

[@مقرنالمالكي-ق5خ]

اسعاركم ممتازه جدا تعالوا السعوديه لازم تاخذ قرض عشان تدخلها الصيانه والله صيانه 40الف ب3000ريال سعودي وردد ياليل مطولك

[@A7MADoo702]

بيض الله وجهك

[@AdelAlberk]

قواك الله ابو احمد

[@KuwaitGT]

الله يقوييك يابو عدول👍💐

[@awamy91]

اتوقع أن الصينيين معطين سياراتهم صيانة زايدة و مكثرينها لأن سياراتهم ما تصمل يعني معقولة تبديل شمعات الاحتراق ( بلاكات ) كل عشرين ألف ما أتوقع إنها صارت قبلهم

[@KuwaitGT]

انا مثلك بعد مصدوم من هالسالفة يعني مو معقولة كل عشرين الف ابد مع انه الكهرباء و الظفيرة ألمانية يعني يقدرون ياخذون من بوش قطع غيار مثل البلاكات و يستعملونها فتحس انه في شي غريب

[@thek1313]

اعتقد لأن مكاين السيارات الصينية حقن مباشر GDI ضغطها عالي والغالب الشركات تستخدم بواجي من شركة NGK اليابانية مثال بسيط معاي سيارة المانية اغير البواجي اصلي NGK الفل تانك 750 كيلو طلبت من امريكا بواجي NGK اريديوم فرق معاي بشكل كبير الصرفية 800 كيلو الى 900

[@thek1313]

المقصد البحث عن بدائل

[@kwtbonjovi]

اشرايك بالهافال H9

[@KuwaitGT]

شبيه البرادو و هل يخفى القمر ههههههههههههه للامانة ما عندي معلومات عنه بس دامه يشبه احد سيارات تويوتا فأتوقع انه راح يكون جباااار و إِنْ شَــاءَ اللَّهُ بسوي تجربة انطباع عنه وانشوف

[@saisal123]

الصينيين يرغبون الناس برخص سياراتهم ويردون دبل القيمة بالسيرفس ،، مثال يقول الاخ الكريم سعر السفايف ب ٦٥ دينار تقريبا هذا سعر سفايف فولكس طوارق واودي والبورش تخيل ان هالسعر بسيارات ام جي عاد بعد مادري تعطي جودة اللي ذكرتهم او لا عموما قواك الله احب الاشياء التفصيلية هذي

[@Withshhd]

احترت تنصح اخذها ولا لا 😭 صوت الهواء وترني معنى سقتها جربتها ماسمعت هالشي! هل ممكن يكونون اهما مصلحينها ولا؟ و التكيف شلونه بالصيف؟ اذا عندك فكره الي عجبني فيها حجمها مناسب للعايله و سعرها ناسبني كذلك، باجي السيارات في الوكالات اصغر منها بالحجم واغلى بالسعر 🤦🏻‍♀️ انتظر ردك وعساك عالقوه ويعطيك الف عافيه عالشرح الوافي واسفه عالاطاله

[@KuwaitGT]

الله يعافيج و يسلمج السيارة بصراحة حجمها حلو لكن عيبها أسعار السيرفس غالية بالنسبة لمنافسينها و لكن الوكالة تعطي لغاية ٥٠ ألف كيلو متر سيرفس مجاني مع شراء السيارة و بعدها اذا خلصتي العرض يكون عندج خيارين يا انج تاخذين باقة ثانية منهم من ٥٠ الف كيلو متر لغاية ١٠٠ الف مقابل مبلغ يطلع عليج ارخص من اجمالي السيرفسات المتبقية او انج تدفعين في كل سيرفس و قيمته و بالتالي يطلع عليج أغلى . الشيء الثاني و هو موضوع التكييف سمعت بعض الشكاوي من الناس عنه قالوا انه ما يلحق بالصيف فعشان جذي دخلت فكرة براسي اني اجرب السيارة بعز الصيف في شهر سبعة ويكون موضوعي عليها هو التكييف فقط مع اني سقتها وجربتها وشفت انه تكييفها حلو ولكن الي يجرب مو مثل الي يستعمل وتمر عليه فترات طويلة . بالنهاية اهي اذواق و انا عندي سيارتي شانقان سي اس ٨٥ تكييفها جدا جدا جدا ماشاءالله تبارك الرحمان ممتاز

[@KuwaitGT]

اذا تبين نصيحة فيه اخذي الشانقان سي اس ٩٥ حلوة وجميلة وسيرفسها رخيص ومناسب او تاخذين الشيري البروماكس الجديدة سيارتين من احسن ما يمكن .

[@KuwaitGT]

الأم جي عشان ما اظلمها سيارة حلوة و ممتازة لكن سالفة العزل و التكييف إِنْ شَــاءَ اللَّهُ اني بغطيها الأسبوع هذا ضروري فما ابي اتسرع بالحكم النهائي الا بعد التجربة 💐👍

[@Withshhd]

@@KuwaitGT مشكور من قلب ماقصرت وشكراً على مجهودك الي تقدمه لنا عساك عالقوه ويعطيك الف عافيه

[@isaadel]

فقط توضيح بسيط .. و يعطيك الف عافية ام جي .. مش ام جيه .. G تلفظ جي J تلفظ جيه موفق ان شاء الله

[@KuwaitGT]

عارف انها ام جي ولكن انا اتعمد اقولها باللهجة البريطانية ام جاي 😂

[@alistar8491]

جعلك تنشغل بطاعته بدال الكسره والضمه والمد بالإنجليزي قول آمين،، أبك حنا بالعربي ويالله ما صدقنا نخلص منهم 😂😅😂

[@KuwaitGT]

@@alistar8491 هههههههههههههههههههه لابد بعد تبادل خبرات و لغات حول العالم

[@alistar8491]

@@KuwaitGT يا عمي ماكو شغل ..... كلنا نعرف او الاغلبيه او يمكن النصف نعرف انجليزي لكن ما ندقق على هالاشياء ترى مو امتحان توفل اصلا حتى بالتوفل ما تتسجل علامة خطأ اذا كسره ومد والخ. بس دامك حاب تتعلم وتتكلم وتكتب الانجليزي ابشر بعزك وصلت خير محسوبك بلبل انجليزي بالتغريد full daimenion بكل الأبعاد و المدرس الخاص مالك مع فائق تقديري واحترامي له الصراحه قررت أفنشه عن العمل، عالأقل بتوفر مصاريف دروس خصوصيه عدل 😅😂😅😂😅😂😅 وهذا مثال: its correct but not important for every letter stops you or holding you up هو تصحيحه لك تمام صحيح لكن مو ذاك الأهميه انه يصحح لك بكل حرف ويوقفك عن التكمله او اي شخص يوقفك بحجة التصحيح. You have to make mistakes in order to lern لازم تخطئ عشان تتعلم. عرفت ابن عمي كلما تخطئ أكثر راح تشوف نفسك اتحسن اسرع ولا دير بال لحد سمع او ما سمع الخطأ بالمحاوله لاهو حرام ولا عيب والباقي طاف. اسف ان طولت عليك او اخذت من وقتك المهم اخذ راحتك بالرد او عدم الرد بو احمد هذا مجرد تعليق ومتى ما صار،، المهم تصبح على ما تمنيت ومدري عن مدرسك الانجليزي هو يسمعنا الحين ولا راقد يحلم بحصة الإملاء لبكره،، ترى امزح معاك استاذ لاتزعل مني او تاخذ بخاطرك اذا فنشك كابتن ابو أحمد😆..............🏃🏃🏃🏃🏃🏃🏃😜😅😂😅😂😅

[@KuwaitGT]

هههههههههههههههههههههههههههههههههه👍😂😂😂😂😂 لا أبشرك أكيد تقاعد و رد لديرته بعد😝 عاد والله ظلمتوني ترى الإنقليزي عندي حب منذ الصغر لكن تعمدت أنطق اسم الشركة جذي عشان انها بريطانية بالأسااس و لاحظ البريطانيين و لهجتهم تلقاهم دايم يمدون بالأحرف إشوي فعشان جذي قلت اسمها بلهجتهم ✌️😝 أم جااااي مو أم جي

[@almesbaresbechl9040]

اولا..الله يعطيك العافيه وفيت كل شي بالهشرح.. لكن نصيحه للجميع في اي مكان في الدول العربيه.. اولا هناك ضحكة كبيييييره مررره في الوكالات..وهي ماجات الا مؤخرا.. قبل سنوات ماكنا نسمع بالشغلات هذه في الوكالات..اليوم سار الهدف من هل الكم الهايل من الصيانه هو جني ارباح خدمة مابعد البيع..واستغلال جهل العميل بشغلات الصيانه وتخويفه من ان اذا ماسويت كذا راح يصير للسياره كذا...!!! هذا غير صحيح.. انت تدخل سيارتك للصيانه ولا تعلم ماذا فعلوا بها!!؟ هل فعلا غيروا شي.. ولا اكل اموال الناس بغير وجه حق.. ثانيا..تغيير زيوت الدفرنسات والدبلات.. السياره ماتحتاج تغيير لها الزيوت هذه الا بعد ممشى تقريبا 250000كم الى300000كم لايضحكون عليكم..خير ان شا الله تغيير على 20الف او 40الف مو صحيح مررره.. ثالثا..شيك في الوكاله على ايام التشييك المجاني.. بعدها السلام عليكم احفظ سيارتك وانتبه لها وغير الزيت للمكينه في اي محل عادي خارج الوكاله وافحص زيوت القير والدفرنسات بعد كل 50الف كم وقدامك السلامه وخل فلوسك بجيبك.. انت اذا جيت عند محل تغيير الزيت تفقد فلتر الهوا وفلتر الزيت اذا محتاجات تغيير غيرها عنده باقل تكلفه.. اذا ماوجتها عنده اشترها انت من قطع الغيار وغيرها عند محل الزيوت.. وريح راسك.. وقبل ذي الامور كلها توكل على الله وقدامك السلامه.. انا عندي شانجان 2021.. لها معي سنتين الا شي بسيط ماشيه الان 81000 كم ولا طبت الصيانه اغير بر فلتر زيت وبس وانظف فلتر الهوا والسياره احلا من الحلا.. وفق الله الجميع.. والله يكفينا واياكم شر الطمع والجشع..والله يرزقنا الامانه في القول والعمل.. واعتذر على الاطاله.

[@KuwaitGT]

اتفق معاااك في كل شي عدا شغلة وحدة بس و هي زيوت الدفرنسات و الدبل و انا مجرب صراحة قبل على جيب كان عندي و مشيت عليه ٤٠ الف و يوم قالوا لي الوكالة تبديل ما صدقتهم و لكن قلت بشوف تبديلهم للزيت قدامي اذا فعلاااا وسخ و اسود إلتزمت و اذا الي ينزل من الدفرنس نظيف على الأقل أكد معلومتي و ما ابدله المرة الجاية . فيوم بدلته لين لوووونه اسود و محترق و خالص فهني قلت خلاص راح التزم معاهم و اريح راسي و بنفس الوقت الموتر على الكفالة بحيث ما يكون لهم حجة و فواتيره واغراضها عندي

[@masterp1250]

كلامك صحيح بس بيني وبينك طريقتك هذي تنفع للياباني والكوري يعني مافي مجازفه اما الصيني خلك علي الوكيل بامور الميجر سيرفس

[@KuwaitGT]

اي بالله اضبط و اريح و اضمن بعد بدال ما تدش بامور تعور راسك فيها و معمعة و صداع ، ألي يقول قط فلوسك بالشمس و اقعد بالظلال

[@chinese291ify]

😰😰😰 شدعوه هاذي الأسعار أغلى من أقصادها

[@KuwaitGT]

هههههههههههههههه 🤣🤣🤣🤣المخرج عايز كدا

[@ضاريالعازمي-ك7ب]

واذا خفيف

[@KuwaitGT]

روح لهم ويسوون لك سيرفس على حسابي بعد😆😆😆😆😆😝

[@Hadahed1985]

زعلان لانك سويت سيرفس ال ٢٠ الف ب ٩٠ ومع الصيني ب ١٠٠ والسفايف سعرها مقبول بالنسبه لك؟ كاني راكب bmw مو صيني

[@KuwaitGT]

الفرق بين الي ذكرته ٩٠ دينار وبين الصيني الي تقول عليه ١٠٠ دينار هو برنامج السيرفس الي بسووونه للسيارة يعني ما يصير ادفع ٩٠ دينار بس زيت و فلتر و تشييك بس . بينما الصيني اذا دفعت ١٠٠ دينار اكون مقتنع لانهم راح يبدلون لي بلاكات وفلتر هواء و فلتر مكيف مع الزيت و الفلتر مع شد الهيئة كلها مع تشييك كامل للسيارة . فأكيد في فرق بين السيارتين .

[@المقدامالساطي]

غير صحيح،، البواجي تتغير بالهافال h9 أيضآ كل ٢٠ الف،، و لاااااا احد يقول يضحكون علينا،، انا خليتها ٣٥ ثم غيرتها، فقلت هالمرة يمكن تطعي اكثر و لكن بعد فقط ٣٠ الف صارت لي مشاكل و انحست حوسه و شلت هم و صرفت مصاريف و بالاخير طلعت البواجي ‼️ طيب ليش المرة اللي قبلها مشتني ٣٥ بدون مشاكل و بعدها فقط ٣٠ و اتعبتني؟؟ الجواب لاني بالمرة الأخيرة على مشي ال ٣٠ ارهقت الموتر تطعيس و خطوط و تدعيس زيادة و ما كنت احن على الموتر فتم استهلاكها اسرع، َ بالتالي، صحيح تمشي فوق ال ٢٠ و لكن اداء الموتر يضعف بشكل ما تحس فيه و لكن على حساب صرفية البنزين،، لذلك اشوف اذا انت حنون على الموتر خله على ٢٥ اَ اما اذا بتطحنه ٢٠ الف مناسب البواجي تقنياتها اختلفت عن اول و كل موتر له بواجي تناسبه حتى لو من نفس المصنع حتى لو نفس التقنيات، فكل محرك مطلوب منه اداد معين و توقيت للشرارة معين و امور كثيرة

[@KuwaitGT]

من باب ااسيفتي والسلامة يفضل تبدل البلاكات حسب برنامج الوكالة المواصى عليه

[@المقدامالساطي]

@@KuwaitGT بارك الله فيك

[@KuwaitGT]

و يبارك فيك حبيبنا و حياك الله ابوي نورت قناتك💐

[@المقدامالساطي]

@@KuwaitGT نوركم و اطلالاتكم المفيدة غطت و كفت و وفت ✋🏻

[@NAKANEK]

والله يا الامير مافيها شي رخيص الدهن والفلتر المفروض ما يكلف ١٥ دينار والسيرفس الميجر معروف حده ١٥٠

[@KuwaitGT]

انا ما قلت انه رخيص لا توهقني 😅 انا الي اقصده اهني هو انه تكلفة السيرفس كل ما زادت لابد يكون في شي منطقي و سبب مبرر و مقنع يخلي الواحد اذا دفع يكون عارف شنو بدلوا في سيارته و يقيسها على بعض المنافسين الي ياخذون بسعر غالي و ااخرتها فقط تشييكات دورية على الفاضي بدون ما يكون في شغل قوي على السيارة يعطيها مبرر انك تدفعها و تبدلها في السيارة

[@NAKANEK]

@@KuwaitGT يا الغالي سعر ٢٥٠ انا ما شفته الا على الأودي وهذه سياره صينيه وكل الاغراض اللي بالسيرفس ما تكلف ٨٠ حسب ما ذكر من الاغراض

[@البسمهبلسم]

سعر انا اشتريها بصراحه السرفس غالي

[@عبداللهالسعد-ظ2ز]

محرك ضعيف وكلة بالسعودية غير معروفة ولايوجد قطع غيار وان وجدت نار ولاحد يمدحها

[@mr_ahmadq8]

❣❣❣❣😍😍

[@قناةصيانةسيارتك]

مبالغة في الصيانة ، فقط عملية سحب فلوس بس

[@KuwaitGT]

بالعكس النتيجة تصير عمر افتراضي أطول و نظافة للمحركات و السيارة

[@malamri424]

احد يغير ما رديتر على ٦٠ الف 😂

[@3FO6]

اسمها MG وليست MJ

[@KuwaitGT]

و النطق بالبريطاني و ليس بالأمريكي لانها بريطانية

[@السائحالعربي-ب5ض]

MG أرجو النطق الصحيح

[@alrashedi.4088]

سياره زباله والله كنت بشتريها بس شسالفة سعر السيرفسات مقاربه للكزس والكيا !! اخذ سياره يابانيه او كوريه احسن !! واضمن !

[@خالدالعرافه]

مفروض تبديل بلاكات ماتكون ٢٠الف

[@KuwaitGT]

فعلااااا مثل ما ذكرت وانا مستغرب بنفسي ليش ما يكون على الاقل التبديل كل ٥٠ الف او ٤٠ الف اقل شي السؤال هذا طرحته عليهم وقالوا لي قسم السيرفس انه حماية للسيارة وبالعكس يحافظ على اداءها وصرفيتها للوقود وبنفس الوقت عشان انظف للمكينة لتمكينها من حرق جميع الرواسب داخل غرفة الاحتراق وبنفس الوقت يمكن حسب القطعة المصنعة وكفاءتها

[@ayoobsalem8097]

لحد يشتريها سيارة فاشله طفت علي السيارة أكثر من 5 مرات بدون سبب واضح والمصيبه تفصل عليك بنص الشارع 🙂

[@AbdulAlkhaladen]

سيئة جدًا وما انصح احد يشتريها ، يزرفون فلوسك بالصيانة اغلى من صيانة مرسدس وضمان معقد جدًا

[@GHAZI_CAM]

ولله صلخ بعد البيع

[@abdulrhmanalazmi1259]

اغلى من الباترول و اللاند بالصيانة

[@KuwaitGT]

تقدر تقول انها واصلة اسعارهم و متعدية بعد😅

[@sal_sabil9823]

شغل الوكالة انظف لان شغل الكراجات يصلح شي يخرب شي ثاني

[@OMARMahmoudAbdulghaffar]

صح والله

[@majedalmajed2158]

تعبت نفسك

[@crazy8310]

شلون قطع غيار كيا ارخص ؟

[@KuwaitGT]

يعتمد على نوع السيارة لكن انا اشوفها مناسبة

[@محمدوليد-ض2ف3ف]

يعني لازم تأمين شامل