CCIX ƐMER D CCIX UƐESTA : Izlan ɣef uɣu. (1954)

Han izlan nna imyana Ccix UΣESTA d Ccix Σmer g iɣrem n Igelmimen g useggas n 1954, awyen-ten-d ɣef UƔU :
Ccix UΣESTA ayd isawlen d amezwaru, inna-as :
Unna isuḍen g uɣu-nnsen ard as-ddun,
Ur liɣ dig-s tasa, mek ra ig amuḍin !
Iwajeb-as Ccix Σmer, inna-as :
Rray d iḍudan izeddigen, ur llin !
Berraɣ-t ! Ufen waman aɣu n bu irkan !
Yasey-tt diɣ Ccix UΣESTA, ar as-ittini :
Manig sar tlid ineɛyaben a y aɣu ?
Waddaɣ mi ur t-iki sseɛd ayd iceqqan !
Irar-as Ccix Σmer, inna-as :
Mek ur di-ikki iḍudan g ittemlil,
Meqqar t-iẓẓeg war ul, ur izriy uɣu !
Iɛawed Ccix UΣESTA, inna-as :
Inwa lxaḍer n unna iḥtaǧǧan aɣu !
Ur da ttsalen yad iḍudan di-ikka !
Iwajeb-as Ccix Σmer, ar as-ittini :
Tella ttuɛekkiz ! Ur tt-iqbil imi !
Ur izzriy aɣu nna iccarr d urekkiẓ !
Yasey-tt Ccix UΣESTA g umeggaru-nnes, inna-as :
Unna d-yaɣ irifi-nnes, yuzzla s aɣu
Ad di-ḥyun rruɣ, ur kkull g urekkiẓ !
Iwajeb-as Ccix Σmer, ar as-ittini :
Ur infiɛ amuḍin uɣu n gar afus !
Meqqar ti-iswa, ad iɛawed iɣenka !

[@Ironman4969]

Akwen irhem Rebbi.

[@Tatfi-n-usara]

ddan ccyux ddun izlan.

[@INNAASCCIXAMER]

Han izlan ay-a qqiman-d. Ddan Ccyux, qqimen-d izlan.

[@Tatfi-n-usara]

@@INNAASCCIXAMER idrus m'ayd iteggan yad tamdyazt, idrus m'ayd itbbin izlan, afezzaz n izlan ayd illan .