CCIX ƐMER : Tagezzumt (Iɣerɣer, ktuber 1951)

Han tagezzumt nna inna Ccix Ɛmer (19 n useggas) i Ccix UƐESTA (30 n useggas) g yat tmeɣra tekka g ktuber n 1951, g iɣrem n Iɣerɣer n Ɣris :
A Rijal Leblad, win tmizar, a Ṣṣa-
Lḥin izdeɣn adɣar nna d-nmalaɣ,
Tteslim, a Rrjal iwla Rebbi d Rruḍat !
A wi, hat riɣ a’neg anegbi di-yuwin
Cigan n ṣṣwab, ur ti-ittagi ku yan,
Texlud-i lmiz-inew, a Rebbi ! Han unna
Irwan, iɣef-nnes ayd infeɛ ! I han unna
Iɛṣan, iɣef-nnes aymi isbabb’ aẓaẓa !
Keyy, a Ccix Mulay Buɛezza, bu rruḍat,
A waddaɣ mi qqaren ineccaden kullu,
Meqqar ur ki-kkiɣ, ẓureɣ dig-un, a Ccix !
Wa ger-as i ssif-inew lhent ad imaḍa,
Unn’aɣ-inmalan g imeḥsaden, nuḍu-t !
Han unna itteḥraqen, a leɛbada, yuɣul !
Ha yy i giɣ, nekk, amm yan lbuhali u-
Nefɣ imi-new, ur i-igi Rebbi g lxaliq,
Unna ɣur d-ufiɣ ka l-lɛib, at-t-iniɣ !
Rarat amyisa-nnek, a wennag il’aḍu !
Ad ur ikk yan ubrid nnag as-isa-
Res ka tamdit iṣḥan s wuzzal adda-
Y ten-tameẓ, ur illi uḍbib-nnes aḍu !
A wa, kat lusaɛt i leḥdid, a aḍar !
A tisirt, unna nn ẓar-rem yuzenn afus,
Isul ard as-ibbey ! Is inada awal !
Idd is ur tumiẓed i Uḥliddu, dilliɣ,
Lexʷbar, iddeɣ as-iẓḍa ugnagay imi ?
Σeḍrat-aneɣ, a mayd issefliden ẓar-i !
Ha yy i ṣṣubeɣ imi-new, ur ngi bu wawal,
Yiri yuwen bnadem at-t-inada ẓar-i !
Wa ggulliɣ-k, a Ccix bu widud axatar ,
Seggʷis aɣ-d-ɣrant lmektibat ass-a,
Tteggaɣ-as tin umcaḍ t-taḍut i ka !
Tteggaɣ-as tin uqbu netta d lmaḍi !
Tteggaɣ-as lemtal n iselli d lmaṣṣa !
Afad ad yisin mayd dig-neɣ iṭṭas !
Ibbey-as Ccix Σmer iɣef i tgezzumt-a, inna-as :
Ur illi ṣṣber n unna d-inadan awal !

[@hamidtalibi3263]

Tazrurt izeddigen, tinemmirin-nnek s wuzzur, a dda Ali.

[@user-et1il2tj4w]

Ayuuz ayuuz ad ghifs irehm rebbi

[@INNAASCCIXAMER]

Tanemmirt.

[@amhalhamid9530]

Tanemmirt-ik a Mass Ali Hercerras.

[@user-kp2qo6tu6m]

Ighram n igharghar a9dim La3lo idan s tfardot

[@INNAASCCIXAMER]

Netta. Tukzed-t meqqar ibeddel.

[@mohamaloui]

Tanemmirt kigan Mass Ali xef trezzift ddegh

[@INNAASCCIXAMER]

Ula maɣef, a Mass Muḥa. S umdaz.

[@mohamaloui]

Tteggaɣ-as lemtal n iselli d lamaṣṣa ! lmaṣṣa kes-as yuwen a illan deffir n l. Tteggaɣ-as tin umcaḍ t-taḍut i ka ! umcaḍ d taḍut ! au lieu de t-taḍut. mandi g tusi-d tawlaft ?

[@INNAASCCIXAMER]

Tanemmirt ɣef isniɣisen-nnek. Giɣ-as "Tteggaɣ-as tin umcaḍ t-taḍut" acku aḍris igan awmi (oral), meqqar ittyaru, yuf ad dig-s teqqim "l'oralité" nnes. Idd tawlaft n Ccix UƐESTA, umẓeɣ-tt ɣur yuwen g ayt tewya-nnes.