陳浚霆首與古佩玲以螢幕CP搵外快 難忘拍《金式森林》對何廣沛陳曉華起弶

陳浚霆首與古佩玲以螢幕CP搵外快 難忘拍《金式森林》對何廣沛陳曉華起弶
「風少」陳浚霆與「神婆」古佩玲（Kelly）呢對《愛‧回家之開心速遞》CP，呢日跳出公仔箱，嚟到商場為新嘅電動跑車進行揭幕，二人一向喺戲裡戲外都好sweet，仲一齊大方派心心猶如情侶，呢次係二人首度以螢幕情侶檔搵外快。
陳浚霆希望多啲以CP上陣，帶嚟更多歡樂畀觀眾，笑指希望第日做完個job就買到層樓，陳浚霆指有古佩玲陪伴出席活動，個心會穩啲，而古佩玲指呢日著嗰對鞋好高，要撓住陳浚霆。
陳浚霆呢次做嘉賓之外，仲係品牌嘅大客戶，皆因佢啱啱做咗呢架跑車嘅車主，陳浚霆透露自己鍾情開蓬跑車，有時收工想靜一靜，有啲風吹落塊面係唔同啲。
陳浚霆近日拍完《金式森林》歸隊《愛‧回家》，佢笑稱踩兩個劇組係會人格分裂，絕對係演技大挑戰，因為陳浚霆喺《金式森林》要做一個好惡嘅人，要對何廣沛同陳曉華起晒弶，但佢喺《愛‧回家》就演一個好友善嘅人，就比較貼近自己真實性格多啲。
#陳浚霆 #古佩玲 #愛回家 #風少 #神婆 #CP #金式森林 #愛回家之開心速遞 #CP #演技 #挑戰 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0