Рет қаралды 10,287
繼《留一天與你喘息》後,陳卓賢(Ian)@MIRROR於今天推出2022年第二首派台作品《Got U》,是繼2020年《正式開始》、2021《DWBF》後又一首甜度爆標的情歌。
Ian形容,跟《留一天與你喘息》相比,《Got U》是一直白情歌,他說:「其實《留一天與你喘息》我唔係好當佢係情歌,因為好多時候,擺喺唔同對象,好似朋友、家人、身邊所有人,甚至是寵物都啱用,但《Got U》就係好直白嘅甜蜜情歌,直接話俾對方聽,因為有你,所有問題都解決晒。」
走唱作的Ian,今次繼續負責作曲部份,並首度與填詞人T-Rexx合作。「向來唔係自己填詞嘅作品,就會同填詞人溝通好多,然後大家就會揮筆寫一份好好嘅詞出嚟,今次同T-Rexx第一次合作,但都幾一見如故,好直接溝通到(歌曲)會係乜嘢嘅感覺,當中有啲乜嘢密碼藏喺入面,所以今次合作都好開心。」
《Got U》雖然歌詞甜到漏,但MV故事卻十分傷感:講述女主角因眼疾,與Ian的甜蜜溫馨逐漸從幸福的日常中漸漸流走,但Ian覺得導演構思這個傷感的故事,卻十分合理,他說:「人生不如意事十常八九,淨返一二就係開心事,正正因為有傷感嘅事,當有令你好開心或者好難得嘅事情出現時先特別顯得珍貴,而每一樣好開心嘅事情背後都一定有好長篇嘅故事,例如:一對情侶走到白頭背後都經歷好多,甚或有好多爭執、唔愉快嘅事。每一個美好故事背後,都一定有個傷感啲、現實啲嘅背景,所以MV劇情好合理。」
你的支持❤讓我們得以繼續前行🙌
請訂閱《娛壹》Patreon:
bit.ly/3hZtP25