【車主教室101】Google Maps vs 高德地圖 vs Waze 邊個最準？（CC中字）｜拍車男

#GoogleMaps #高德地圖 #Waze
Google Maps vs 高德地圖 vs Waze 邊個最準？今集實試比大家睇！
全新 MeWe 專頁，100% 接觸率！唔怕錯失任何資訊！
mewe.com/p/拍車男...
如果你喜歡這影片，請訂閱拍車男 KZbin 頻道和讚好這影片！
緊記按下小鈴噹以便獲得新影片通知啊！
訂閱 KZbin Channel:
/ autoguyzrelation拍車男
Instagram：
...
MeWe:
mewe.com/p/%E6...

[@matmatmatmatthew]

出紅隧後 waze 最準 上堅拿道天橋後 1) 如果唔左邊落橋跟路牌跑馬地就係行黃泥涌道，經過養和對面要上山光道落番山村道先轉到上養和落客位，但唔熟路的話好易心急睇錯/亂 cut 以為 map 錯 2) 唔熟路的話，跟 google/waze 左邊落橋入體育道入跑馬地呢條路最直接。落橋左線唔可以話錯(只係太多車入時代廣場，所以有時執生行右線落橋)，落咗橋後係要中線過咗燈位入左線轉左入體育道或直行行番路線1。過左燈位中線係入皇后大道東(地下有寫，路牌都有寫) ，右線天樂里 主持人心急轉左入咗禮頓道唔緊要，兜番出來過咗 CCC後又唔拍番左入體育道，入錯咗皇后大道東先最大問題(明明地下同路牌都有寫) ，唔好瀨啲 map, 已連錯兩次。 臨尾其實 waze 無錯，因為主持人只係去到養和側邊，未真正去到正門落客位(係錯過咗山村道轉上去個路口), 所以 waze 叫您兜番個圈，而旗仔先真係個終點。 我唔係專家，只係唔想見到有誤導，不嬲有睇開拍車男，夠平實，幾鍾意，但今集臨尾有啲 Hea, 應該做多少少 research 先，繼續加油！ 對於三個 app, 個人意見 Googlemap: 有時會錯路，但 overall 整體唔錯 Waze: 反應有時慢，又 show 唔晒咁多路名，但有提醒邊度有 cam 抵讚 高德：先唔提私隱問題，佢介面最清楚，但成日叫人亂 U turn 好易出事 最後想講句，如果真係唔熟路，用乜 app 都好，set 咗路線後花一分鐘睇睇條路線詳細說明，基本上有寫晒咩距離喺咩街道喺咩路口轉左轉右直行，咁就唔駛行怨枉路或停喺路中心掛住睇map易生意外。

[@matmatmatmatthew]

@Kin Kin 好似叫 Berry

[@mordechaibrysen3883]

InstaBlaster.

[@james93782]

GoogleMap 銅鑼灣上橋去紅隧 教錯cut雙白線，成日視雙白線如無物的。

[@C3311]

去養和一定跟跑馬地牌行黃泥涌道啦 最直接 點會禮頓道落去行體育道 塞都塞死啦

[@carex331]

高德可以設定 廣東話既 係：1. 最底（我的） 2.右上（設定）3.語音設置 4.語音包 5.下載 動感廣東話 6.使用 同埋8:27 果度開始 高德有多一條線 另一條線多748米 多11個燈位果度 你點果條線 佢就會帶你行另一條路

[@kokevin15]

多謝C兄分享。

[@pwc3717]

用小團團語音包！！

[@candychau6945]

好多謝提供.我改到了

[@kenchiu1987]

Waze個賣點係有少量社交功能，可以俾大家報料邊度塞緊車，邊度撞咗車，邊度有popo等等 同埋個地圖係可以俾登記咗嘅用戶去修改，可以加返好多備註，例如限速，巴士線時間，私家路等等 甚至如果你覺得個導航帶錯路可以report上去，會有義工幫手去執返好 不過Waze最大問題係香港普及率低，唔能夠發揮到佢最大嘅功效 Google Maps最大賣點就係大數據，實時知道交通情況，可以做到dynamic reroute，我都試過幾次東九幹道大塞車都係Google Map救我走 所以我自己平時就係用Waze，塞車就轉用Google

[@AutoGuyzRelation]

謝分享

[@matpk]

移民真正汽車國家吧 例如加拿大英國台灣澳洲

[@xiaoxiaoxiao2043]

美国的话，我个人认为苹果地图导航体验最好。Google的高速分叉提示太慢了，往往当你意识到你要变线的时候，你马上就要错过高速公路的路口。而且Google map不提供红绿灯提示，这一点和苹果比实在差评。 我这6-7年一直用Google map，无意中发现苹果比Google好用之后，就改用苹果了。

[@PhiLPHiL]

用咗 waze 已經7年幾，不過不失，市區導航大約8成準確，而且有啲反應慢，但去到新界區，準確及反應可以95%。香港市區太多密麻麻嘅高樓大廈，可能因為咁影響市區準確性。Google Maps 以前時常帶我行好多遊花園, eg., 抖大嗰圈，原來直去就到，所以今時今日都唔用佢！

[@keithcheng3693]

@Ken Chiu: 所謂 Waze 義工其實即係其他用緊 Waze 嘅香港用戶，包括你同我都可以係，我地通常回應時都會加隻字話大家係義務幫手，係唔想人誤會我地係 Waze 員工，我地只不過同大家一樣係用家，無錢收架，等大家喺社群入面講嘢時客氣啲，唔好老馮咁，香港人最鍾意咩都老馮

[@wdfaseer5898]

用靜音好容易miss轉向位置, 高德語音會提示你什麼時候轉, 不用自己留意還有多少米

[@tsangeric5150]

一定係高德對比Google Map好用好多，google Map個GPS經常Panic！ 同埋高德嘅路線指導比較清楚！例如:入隧道同有分叉一定有指引。

[@matthewlai9892]

識貨

[@02foolisyou]

同埋高德開埋語音會仔細更多，谷歌地圖嘅語音...算吧啦，開左同無開無撚分別。

[@02foolisyou]

@@JohnFatCat 地圖有㗎嘛，Google map都有東南西北啦，咪玩啦

[@youtwo3333]

系！其實落橋去跑馬地佢係45度角靠左箭嘴唔係轉左 兜返出嚟靠最左行咗中線

[@thomas9088]

最好用一定係高德， 快相位， 廣東話， 提示詳細清晰。 經過迴旋處佢會幫你數埋第幾個出口。 我係一個兼職的士司機， 好多時的士乘客都畀我嘅使用導航聲音吸引。 在途中已經教過好多乘客使用。 不能不驚嘆科技嘅進步。

[@csh95956]

導航軟件一定要由使用者角度去設計，如果我識路，識得預選行車線，都唔洗用導航啦

[@r.a.8618]

一直用高德。我手機用英文，google map 導航語音set唔到中文，而高德可以自選語音包，我可以set廣東話語音。高德另一好處係會提你預早入線，雖然有時可能會早左。試過同一條路線，不同手機教我走不同路線。

[@winghongtang9811]

高德都有快相提示同可以用廣東話架

[@altmantang86]

每次要車去唔熟既新地點做法，之前一晚玩一次Google實境行一次；到出車當日用返高德做導航，高德既路口同轉線指示都會清晰好多，仲有實時快過Google好多，用Google會成日過晒決定位先出聲提，下下都慢左幾拍，錯過晒啲轉線位同路口位；雖然我唔想認同國產貨，但始終高德真係好用太多了

[@02foolisyou]

所以唔好見殘體字同國產貨，就Ben鳩左人地，分分鐘好撚好用，真係試過先講。

[@Enterpr1seInfo]

依家都係用 waze，圖資嚟講佢最準，因為最多人維護，有咩都好快有得 update 不過佢導航有時係怪怪地，唔係去唔到，而係佢指出嚟嘅路未必多人會咁行 好似有一次我係大埔超級城去附近八號花園咁，其他導航 app 會叫你行遠啲經大路太和路入去，但 waze 會叫你穿過大元邨，比較少人咁行 有時行柴灣道又會叫你轉入去行學校入面果啲小路（不過近呢一年都無再見到佢咁指示法） 高德太煩同太多時候叫你 U turn，好多時路面情況根本好難轉到 同埋佢對交通狀況 update 較慢，好多時由大埔去大圍，啲導航會叫你行獅子山公路，呢個無問題 不過有一次我測試時剛剛遇到獅子山公路有 TA，Google Map 同 Waze 都 default 唔叫你行獅子山公路，但高德係叫你照行，果次我照跟高德，去到塞車位無耐佢有出條塞車 bar 話俾你聽你要慢慢塞喇（我仲駛你講！已經塞緊喇），結果差唔多塞咗半個鐘 其實要認真試嘅話最好有 3 部車每部車跟足相應嘅導航咁行法 不過其實導航呢家嘢，最後都係睇用戶習慣嘅姐

[@berrystalk]

對於唔太識路既用家 緊本唔知啲導航帶遠/帶錯你😂 不過TA我多數會望tg group報

[@Enterpr1seInfo]

@@berrystalk 依家我睇 Waze + Drivegram 多 CarPlay 大 mon 用 Waze + 電話開 Drivegram

[@陳益鵬-b8i]

高德也有避开塞车的功能，只要设置好就行

[@auto85454]

好同意 Berry， 出發前 go through 一次先。

[@cream0214]

不過想輕輕提一提，無論去邊個地方屋苑或者建築物最好打埋(停車場)會準好多

[@berrystalk]

我都係會咁做😂 有時停車場入口喺另一邊

[@kawhwong]

入紅隧過九龍, 由銅鑼灣果邊去, Google map 分唔倒你行緊咩行車線, 由伊利莎伯果邊上天橋過去, Google 唔會叫你上緊橋用右線, 然後一上完就雙白.... 又試過 Google map 個 gps hang 左 (@天水圍), 有次地圖唔會跟住去, 有次地圖會跟住去, 但指示果 part hang 左 最後要搵位停低, reboot 部電話....好在都係夜晚冇咩車

[@Evo5.6.5]

其實係真唔識路定假唔識路？ WAZE個格仔棋喺左邊，應該係因為佢定左你嘅終點係養和醫院個平台。而你哋行緊嘅山光道係轉唔到上去嘅，所以WAZE冇錯，只係其餘果兩個帶到你去，俾你見到養和就算。

[@AutoGuyzRelation]

真係吾識路，連有平台都吾知 師兄你為waze平反左！

[@berrystalk]

真喺未揸過入養和（平時只係經過門口）😂😂 大家search 養和 個定點唔同姐🙈

[@Enterpr1seInfo]

有一次去養和就係咁賴咗嘢，用 google map 「去到」養和但停唔到車落唔到乘客，結果又要再轉多次

[@jkxtra]

用 Waze 先可以去到爭產 😅

[@geminichan926]

葵涌waze 叫你唔上橋係因為上左橋冇得走左邊上3號

[@jobicl668]

高德最準，有次試過set係沙田去元朗行上水去，啱去到大埔就有通知我叫靠左行下路唔好上康樂橋，我就諗仲有排先到咁快通知我？跟住冇理照行橋，點知過橋頂就開始塞，塞咗好耐，原來前面有交通意外！

[@ccy97210333]

銅鑼灣可以話係gps百慕達。咩導航都死。

[@trident2kombat]

其實睇段片一直都係高德最準，當然可能三個app既Map Data Base、User大數據、手機gps accuracy加現場路況會影響結果。 如果講港島其實導航以外，最緊要真係要熟路，唔熟路睇就真係停埋部車一邊先度度佢。 經驗話比我知google map係最fake人，而Waze 我用都冇用過，我recommend高德。

[@SamSam-j7f]

片中女士講嘅(殘體字)是什麼意思? 我只知道有簡體字與繁體字, 請賜教 !

[@piscestony]

高德係成日叫你U TURN, 但其實唔洗跟, 安全先U, 或者行遠少少佢會重新規劃路線啦, ANYWAY 你地條片好正!

[@leechunhin3176]

用Google Map經紅隧去謝斐道，叫我行左邊第一個轉彎位岀(往北角方向)，岀左個彎向最右線Cut，我HI，雙白 再用高德睇翻，係第二個岀口岀先岩 都唔好話會唔會俾人放上車Cam特警同埋1823，危險先係問題！

[@dottymo7139]

點解waze冇話你end係因為你冇駛上個門口，同埋3個app都叫你左轉入賽馬會條路，呢條路快好多順好多，一條大直路冇乜車，唔洗出幾次路口，另外點都要兜左上山村道先可以左轉入養和，逆線右轉入養和係唔得嫁，嗰條路只係準緊急車輛用

[@sumchicheung9562]

高德最好, 唔識路就要靠導航, 仲要加上語音就清楚好多. 高德會指示迴旋處第幾個出口駛出, 仲會叫你前面紅綠燈唔好轉, 下個燈至好轉.... 雖然會覺得煩啲, 但好過在路上兜圈. 所以導航最好用埋語音.

[@deanyy]

絕對係高德WIN幾個區，GOOGLE MAP 去親深水埗北河街個邊有個位係無限LOOP. 佢會帶你去一個番唔到轉頭既位，叫你踩油穿牆過!!!

[@mrchow4656]

揸車和睇地圖去目的地，真係要胆大心细。做職業司機更要精準，啖飯唔易食。

[@driveondesertsafari2370]

拍车男，这视频是好野，辛苦晒啦，看来高德最清楚，但是 我钟意拍车姐姐（不是志玲）她很幽默可爱。。。加油💪

[@樹熊-p2h]

其實明知果度係直去就到 但地圖會叫你兜圈 呢個情況我會手動 細心睇有時會有得行行下選擇另一條灰色嘅路線 篤吓條路就得

[@kinyung2439]

高德最準提示最清晰，好多位都可以淨係聽語音唔洗睇地圖都行到，但有啲路都係唔update，例如明明係雙白都會叫你cut線

[@benho9182]

柯士甸西 高德已經 死緊啦 港島區都係 長期唔update 依家反而係waze 做得最好真步咗好多

[@volcan_ism3440]

想問下大家uber 個app內置導航有無聲？

[@smartlam]

三個不同地圖並列時，最好標示邊個打邊個，咁觀眾就更加清楚 ! 依家我都係一路聽主持講，一路靠估佢講緊邊個，一頭霧水 !?

[@Innobo]

新界人 每次用Google經西隧過海 最後都會去左北角再搵路⋯

[@rrico447]

第一，高徳係提醒你沿途邊有固定橙色或灰色嘅影快車超速相機，但係你開住提示廣播，所以係會煩少少。 第二，高徳沿途嘅語音提示廣播係可以選擇返用廣東話代替普通話㗎 無論用邊一個導航Apps，最好將部電話打橫睇，會睇得清楚D

[@AutoGuyzRelation]

有朋友話打直好d喎，可以睇多d前面既路，打橫會睇少左

[@Skdn129]

其實如果用Apple Carplay會好好多（定位Wise)，個navigation 係會首先用GPS 定位，跟住用行車速度同埋軚盤轉向及指南針嚟保持位置同地圖同步，會少好多片中呢啲收唔到GPS 嘅走位情況。同埋用導航都要睇路，唔好信哂佢啲距離，因為人嘅距離感好易錯，所以咪行錯路囉。

[@kingstong7685]

成條片同淨係sell高德有咩分別，正常荃灣都避大河道沙咀道啦。Raze係根據行車路況ai分析，同你自己用咩setting都好大影響

[@PetitPaulChan]

高德 有廣東話㗎 開語音 佢會提埋你 幾時先要轉！

[@wingonphung8827]

人家對中國有偏見點會覺得高德好吖

[@cas4724]

@@wingonphung8827 🤣🤣

[@米高佐敦-r6u]

咁唔好測試喇

[@hothot3801]

高德地圖正，準好多，同埋好清晰，不過有些瑕疵，有時靠右行駛就講成靠左（但顯示靠右） 高德仲有個AR實景地圖

[@IamSandyxp]

仲記得有次想去紅棉道個山頂纜車站下面泊低架車，3個app入面冇一個帶到我揸到入去🥲完全唔識港島路既我係嗰到兜左成個鐘都未入到去，仲要掛住睇地圖差啲hi到人架車

[@po311737]

11:44 "DLLM" 😂 Berry 真心正

[@berrystalk]

正確來講係 「LLM」😬無D

[@hks4891]

🤣正爆

[@ccy97210333]

高質

[@ccy97210333]

KZbin習慣快速+跳睇， 有berry嘅片一定會normal speed同埋睇晒全片。

[@berrystalk]

@@ccy97210333 聽埋無嫁啦，下次會斯文返少少🙇🏻‍♀️ 今次配合劇情需要姐🤗

[@xrex724]

4：59 raze 岩，唔上橋行左邊最多停兩盞燈就上到3號仔，不過你地個心喺高得度，冇理過佢

[@AutoGuyzRelation]

頭頭轉轉轉搞到個下無左信心

[@zerochan99]

入國瑞路之前，google map已經highlight 左行邊條線，waze亦都文字提你跟咩牌行

[@MsJohnCK]

講得冇錯，正常係咁行上3號仔係最快，相反真係葵涌道上橋係會慢好多…

[@alexmok8756]

高德有提示相機位，可以轉廣東話，路口提示清楚好多，google新路更新快啲，行啲唔係公路的地方會好啲，例如啲新界貨倉，w字頭冇用過

[@biohazard0805]

Waze 要load太多資料，每次都好慢，有時車速快d地圖都跟唔上.高德係okay,但係好多資源都不足，想揾舖頭名係成日都揾唔到。所以都係冇得揀之下goggle 係最好

[@funfun2802]

waze 連前面有警察或交通意外都提埋你，但準成度一定要夾埋自己睇路牌先會準成。。。 高德係有圖提你行邊條線。。堅好。。但就好煩。。特別屯門公路。。行少少路就話前面有快相。。。。又關心你超速。。好似長輩咁囉嗦關心你。。我就頂唔順。。各有各好。。我就用waze 多d.... 拍車男呢條片好貼地。。好好既題材。。 下次可以玩兩架車搵冷門地點用唔同導航睇邊個最快到就有獎。。 我可以參加架🤣🤣

[@AutoGuyzRelation]

好好嘅 idea

[@berrystalk]

師兄形容得好貼切😂😂👍🏻

[@FB.AntiSonnyNFTgroup]

唔洗比較 最好用一定係高德 高德係有辦法分別你在橋底定橋面 模擬實景 線道箭咀 其他兩個都係垃圾

[@werhhk]

我試過紅磡橋底 高德分唔到 不過我都覺得高德係準

[@keithcheng3693]

作為 Waze 長期用家兼支持者我覺得好失望 我開宗明義利申咗先，我係撐 Waze 嘅，我知呢度好多高德支持者 sor 呢篇 comment 會好長因為我真係好嬲 我知片頭已經加咗頭盔呢條片唔係專業評測 睇咗頭幾分鐘已經知呢條片唔會係專業評測，因為成條片都係想讚高德，根本係高德嘅廣告嚟 (但為咗要打完呢篇 comment 幫 Waze 平反，我有睇曬成條片) 如果要公平測試，應該三架車分別跟三個導航，同時出發，睇下邊個最快到目的地。三個導航擺同一架車根本就會分心，而且現實使用者根本唔會擺三部手機三個導航一齊用，結果條片得出嚟嘅效果係在 3:40 三個導航文字顯示都有少少唔同但其實同一條路，但就令主持人被迫要有個人偏好，而佢決定咗由頭到尾都係跟高德行 如果三個導航唔同教法，甚至另外兩個導航教法一致，得高德唔同，佢都係跟高德，然後話其他導航教錯，Waze 喺呢條片只係襯托角色，擺部電話錄影，佢由頭到尾都無跟過 Waze 行，但就一味話 Waze 錯，緊係啦你都無跟足佢指示 但高德一出事佢地就驚，4:40 有電話打入同埋 10:55 彈咗個新假期通知出嚟都令到佢地有啲驚惶失措，喂你而家有三個導航，少左一個有乜咁需要驚，除非你由頭到尾只係想跟住一個，其他用嚟襯托 (是嗎?) 不過其實佢地一開頭 2:48 已經講咗因為 Google Maps 帶錯路(其實我想講你唔同 Google report 佢係唔會 update) 所以佢地為咗成功拍到條片佢死都要行返一次去 show 返 Google Maps 教錯佢 cut 雙白嘅位置 就算在 3:10 Google Maps 同 Waze 一齊教佢行條快啲兼短啲 (12km) 嘅路，佢地都堅持跟高德行嗰條 12.5km 仲出口術話短啲嗰條迂迴啲，我真係笑咗出聲 唔該你唔好誤導你啲觀眾啦，究竟 12km 迂迴啲定 12.5km 迂迴啲？數字就唔會呃人的 你係為咗拍片拍返雙白線嗰個位定真係想最快去到尖沙咀，心知肚明啦 仲有，人地喺 5:23 叫咗你靠左(by the way 係靠左唔係轉左，條女成日都講轉左)就係唔好上橋等你可以上到 3 號幹線西九龍公路，你唔跟，死都要上橋，呢個位得 Google 係錯，因為你上咗橋就決定咗你落橋後 cut 唔到去左邊上 3 號幹綫 但 Waze 無叫你要 cut 雙白，因為 Waze 一早叫咗你沿住地面靠左直去，你自己為左拍返雙白線片段唔好賴 Waze 錯 公平啲咁講，高德教你靠右上橋，只不過係教你行(另一條) 5 號幹線葵涌道，錯唔曬(不過橋上無3條行車線咁多，呢個幫唔落手)，而 Google 同 Waze 想你行嘅係 3 號幹線西九龍公路，咁 5 號幹線定 3 號幹線邊個快啲? 我唔敢講，因為星期幾出發、幾點鐘出發個交通情況都可以好唔同，所以應該要三架車一齊出發睇下邊個最快去到尖沙咀先知。 當然，佢地淨係想拍低 Google Maps 衰嘅位，根本無諗過拍曬條片去到尖沙咀，過完美孚橋，去到荔枝角就搵個位停咗啦，然後又拍去養和嗰段 高德係抵讚嘅，佢教你上橋落橋嘅虛擬實景，係其他兩個都無，但呢個只係其中一個優勝嘅功能，並唔係有佢就嬴曬。而且 9:29 加士居道上紅隧係非繁忙時間可以用曬(左一左二)兩條線，左一線內圈短啲而且通常都少塞啲，只係繁忙時間左一線係巴士線唔用得，只可以用左二線入紅隧 Waze 會因應巴士線生效時間而相應建議你用曬(左一左二)兩條線定只係可以用左邊第二條線上紅隧，而高德就無論如何都教你慢慢塞條左二線上紅隧，點解呢啲你又唔講？ 高德亦有佢要彈嘅地方，14:28 高德不斷叫你 u-turn 已經有問題，仲要個虛擬實景係左右調轉，而中間條分隔線係鄰國嘅雙黃色，呢啲你又唔講嘅？ 有讚冇彈都算，真係越講越嬲，去到 10:14 明明高德無教你追香港仔隧道你都要話佢有，佢仲玩緊未過海前嘅紅隧口喎，仲講緊話隧道口前 335 米有個快相位但其實嗰度根本無快相位，黑人問號？你幫高德都幫到出曬面喎。 Google Maps 無寫香港仔隧道但都有叫你靠右去追 Route 1， Route 1 即係 1 號幹綫，幹綫編號雖然無目的地咁大隻字咁易搵，但揸車嚟講都夠做啦 去到 13:34 體育路個位 Google Maps 寫 Sports Road 你又話跑馬地，如果你睇唔明英文就不如轉返語言做中文先做評測啦 如果你有跟 Sports Road (體育路)個牌點解仲要行右邊，其實你係咪一早寫好曬個劇本架啦？點可能同一個位錯完再錯，係咪特登拖時間？或者懶係行錯想製造到 Google 或者 Waze 有問題嘅效果？ 回應返 Waze 一開頭定位飄嘅問題，我想講，呢個係 GPS 嘅死症，所有 app 都會有嘅問題，GPS 準確度唔會細緻到分辨到你喺東行定西行行車線，因為所有導航 app 都唔會自己定位，都係問返手機個系統拎 GPS 位置(iPhone 就係 Apple 系統, non-iPhone就問返 Android 系統)，而 GPS 只係一個點，無方向，你啱啱開車，佢未知車頭向東定車頭向西，咪有咁嘅情況，你開咗車幾分鐘，有 keep 住郁車，之後都無再有問題啦 今次呢個位Google 同高德好似準，因為佢地咁啱估中同你行車方向一致咋，東行線定西行線係 50% 機會中，50% 機會錯。有時 Google 會喺開始一個新導航或者你停燈口嘅時候突然叫你 "向東行" 或者 "向西南行"，正正係呢個原因，佢唔知你車頭向邊個方向(未計你車頭方向亦未必同手機方向一致) 條女 2:30 仲話無郁幾分鐘都仲飄，我想講，正正係因為你塞緊車無郁車嘛，如果連續收集到嘅 GPS 點無明顯分辨到你有向緊某個方向行，話知你塞半個鐘，佢都會繼續飄 只要你連續向同一方向行直線，大概100-200米，佢就會 pick up 到你係咪行啱，如果方向相反，佢會即刻計過另一條路綫 公道啲講，司徒拔道條山路高德 keep 住叫你 u-turn 嗰度都唔止幾分鐘，如果嗰段時間你淨係有用高德，你都係無導航靠自己架喎，咁你又覺得嗰段高德無問題？ Waze 賣點係佢嘅社群，社群成員可以係你同我，佢地圖內所有嘅路都係由 user community 畫出嚟(好似維基百科咁) 所有導航都會有教錯路嘅時候，但如果佢有邊個位教錯嘅，你同我都可以去畫返啱佢，或者你喺 app 內匯報個問題，再由其他用家幫你代筆，過幾日個 app 就會用你畫嘅新路 呢個係 Waze 最引人入勝嘅地方，佢更新係最快，只要有人發現有不足嘅地方而又肯報告，就好快會有人修正 例如時代廣場禮頓道嗰個位，我睇完呢條片都已經幫手更新左佢嘅指示，唔信你過幾日再拍條片去多一次養和，個指示已經改善咗 片尾養和點解好似又係 Waze 錯，因為你特登兜完山路兜到懷疑人生又分心睇人地架豬肉山， 15:54 明明未到養和就話到，想趕收工，睇真啲 Google 同 高德 都叫你山光道轉右，得 Waze 一個識叫你再遲一個街口喺宏德街(70米後、即第二個街口)先至轉，你又無專心，早咗轉。 因為 Waze 係以你作為司機角度出發，帶你去嘅係養和個停車場或者的士上落客區，你拍片男根本唔係探病，你跟 Google 同 高德只係能夠去到養和個圍牆出面，就當自己去咗，然後就收工，如果你真係要去探病，你要入到個停車場先算嬴呀 點解我知？因為以前 Waze 都同 Google/高德一樣咁錯，然後有人報告過個問題，我有份幫手 tune 過個位置，set 返啱去停車場個入口 我嬲唔係因為你唔係專業評測，而係呢個係一個唔公平嘅評測 你睇下樓下 comment 有幾多人睇完你條片話 Waze 廢 根本係偏幫某一品牌而寫嘅劇本，夠膽做唔夠膽認，你會回應我以上寫的嗎？我以上寫的都是根據影片內容寫的事實

[@AutoGuyzRelation]

唔駛嬲，我哋無偏幫任何一個導航 app（如果你話我想偏幫，我想幫 Google 添傻嘅） ，成條片唔係廣告只係我哋當日測試出嚟嘅結果之一，當日我哋三個人試咗出嚟剛好係咁嘅結果，我知你寫咗咁大段嘢，其實我之後都會再做個 part 2 嘅，你唔駛咁勞氣先，咩咩劇本你以為我會咁好心機走去整呢啲嘢😅 無咁多陰謀詭計架，你唔好咁勞氣先。

[@flintkay]

Waze 個community 堅幫手.

[@kenlau260]

又見Berry👍🏻 高德好用 其實仲可以轉廣東話㗎😊

[@oscarwan0526]

高德都有個功能 , 提示你前面幾條線要行邊一條 , 如果條條都直線 , 佢仲會提供推薦使用邊條線比你 另外都有提示快相位置既 , 但POPO人肉快相位就無啦 佢仲有一個功能你地冇提及 , (8:30的圖) 就係佢同時間會提供不同的路線選擇比你 , 就算你行緊, 都可以中途改行另一個路線 , 有提供埋比原本路線的路程 , 燈位 , 車程時間分別

[@zerochan99]

Google map有提示你行邊條線,睇完條結論係使用者問題，地圖冇教錯，但使用者轉錯路口

[@berrystalk]

行錯路多幾次就記得嫁啦😂 最緊要安全駕駛

[@zerochan99]

@@berrystalk 態度正確，錯唔係問題，兜多個圈就到

[@berrystalk]

@@zerochan99 人生就係不斷從錯誤中學習💪🏻😬

[@kitchau725]

14:50嗰度高德無錯喎 可以調到頭喎 Waze真係完全唔掂

[@dragonsiu9143]

都話明Waste🤣🤣🤣

[@VWet]

Signal lost ? 唔熟路就當然要出行前睇定路線點行，去旅行都唔會到時至慢慢搵點去啦。

[@apex880507]

我發覺有問題問吓各位師兄 在google play下載高德粵語板 用時它說國語 但又找不到寫明廣東話板嘅？點解有d部機又講廣東話？

[@berrystalk]

轉返廣東話: 1. 我的(右下角) 2. 設定 3. 語音設置 4. 語音包 5. 拉到最底有個「廣東話」揀 你試吓轉唔轉到🤗

[@大嚿歡樂時光]

任何導航都只可參考，其實香港有幾多條路，肯做下功課好快就會熟，荃灣過海行紅隧點會行加居橋，行佐敦道、尖東都快過佢，一睇知唔熟路。

[@AutoGuyzRelation]

你岩，最好出發前睇定路線，雖然老套 但做左一定有著數

[@99GLD]

13:43 幾驚你地掛住睇導航直衝黎嬰灣，呢個路口位係撞車黑點

[@berrystalk]

多謝關心，呢個位真喺要小心 一定要停定，大家揸車都要小心安全🙊

[@mansiu2011]

堅拿道天橋前少少有個跑馬地出口，唔明點解導航會叫你落禮頓道同人塞

[@berrystalk]

突破盲點👍🏻 呢個就喺我地想帶出既問題😆

[@mansiu2011]

@@berrystalk 因為我試過一次,好彩醒目過左燈位靠左,冇轉入皇后大道東😆 去九龍仲離譜,當時p牌乜都唔識,跟google map教我摩理臣山道轉入霎西街再上橋,頂佢上到去先知雙白,局我落返告士打道行西隧(果次要去葵芳), 後來問人先知呢個位google錯左好多年

[@berrystalk]

@@mansiu2011 多謝師兄分享🙇🏻‍♀️ 證明大家用唔同app都會俾佢地fake過😂 行錯路用多左時間唔緊要 最緊要大家都要安全駕駛呀😘

[@mansiu2011]

@@berrystalk 所以我個人唔鍾意用導航，除非好緊急又唔識路，靠導航不如信自己

[@berrystalk]

@@mansiu2011 我信唔過自己😂 好多都唔識路🥺

[@waifaiwong5226]

去養和就梗係一出隧道靠左，第一個路口上橋銅鑼灣方向，落橋後左轉入波斯富街直行咪去到養和囉！😓

[@tang51049]

我習慣waze睇出口名，再睇前面水牌入路口最準，如果跟足地圖佢delay你會遲左一個路口入

[@lichong531]

其實帶你行遠左唔係問題最緊要去到, 同埋行錯路立即出條替代路線最重要而唔係叫你u-turn

[@billycheung7503]

一心諗住睇3個apps嘅評測和比較,好等觀眾可自己判斷.但只見到司機好火爆,不斷鬧和表現自己識路.

[@竹羽若]

我電單車用高德，完全用耳機聽就得。不過最好望一次街景先最最穩陣，唔得都睇定d大路口先，起碼知道靠左定靠右嗰條線行咗先，連cut幾線就好危險

[@cnkong01]

Me too，先望，一路行車用耳機聽

[@unj4126]

高德地圖係非常好，語音可以選擇廣東話，加上係有路邊CCTV影相同測速提醒的！

[@ChesChesY]

成日叫人U-turn, 犯法

[@tungyeunglo6522]

高德開聲會有提示過幾多個路口先轉的。

[@tungyeunglo6522]

你可以喺皇后大道駛入律頓治醫院腰turn返出嚟入跑馬地的。

[@tomychoi3419]

高德粵語最好，有快相、超速提示

[@Joseph-man]

搵大廈 搵路 睇街景 一定用google 真係好用 但導航我一定用高德 出隧道後佢指示最清楚 用google行隧道後收唔到gps 等到佢收到gps又唔係我行緊個條路 但高德佢會繼續跟緊嗰條隧道路行 再一早叫你行邊條路口出

[@berrystalk]

多謝師兄分享🙇🏻‍♀️👍🏻

[@jericholau1022]

本人用高德 有廣東話廣播 聽佢講就已經知點行，點轉，行邊條線 好少睇住個地圖，聽就已經夠 另外，廣播係好多野，有人會覺得好煩，係有選項可以播少d野

[@laiyinlo5460]

高德最準但都一定要聽埋聲先至有八成以上，齋睇地圖一定要睇清楚出口路牌，高德會提你行左線定右線，新界地名做Google最正確

[@hamsterslime6614]

個重點係唔同手機嘅GPS係有分別的雙頻GPS(L1+L5)定位係快同較準的

[@BennyKingScream]

呢集實測三大地圖APP非常有用。。！感謝分享！ 下次有時間拍下資訊野可以試下分享下各區停車場0係凡忙時段既情況，比車主出發該區會有兩手準備！ 經常就係去食飯附近幾個停車場都爆哂就焗排隊等或者焗泊街！

[@matthewlai9892]

睇呢個channel嘅各位香港同胞嘅質素明顯比果籽嗰班高好多，上次果籽都有對比過幾款導航，當然唔使睇最後肯定贊到Google map天上有地下冇而踩到高德一文不值喇，當時都係當笑話睇，不過最搞笑就係留言板度好多盲毛喺度盲撐兼盲反。

[@jaykwong8689]

高德：當日我屯門出九龍，指左去城門隧道，開車手不能離呔盤有危險。（經隧道囗多就出錯）

[@ux300elexus3]

係荃灣多層出3號仔應該跟waze行轉左上德士古天橋再上荃灣路

[@AutoGuyzRelation]

頭頭有人吾轉左....

[@zerochan99]

@@AutoGuyzRelation 結論係咪要加返司機錯誤引致問題大啲定地圖教錯既問題大啲

[@michaellee8491]

Berry好撚過癮😂夠真又唔扮傻😂

[@berrystalk]

扮唔到傻 因為真係唔識路😂

[@jasonyu6649]

欣賞Berry真情流露！

[@Michael-of6mi]

間唔中講下粗口 正式香港人用廣東話介紹 好順耳👍👍👍👍👍

[@stonebreaker99]

所有導航唔準的，最好長備一本 update 嘅街道圖睇清睇楚。

[@matthewlai9892]

而且高德嘅語音提示係有3個setting,一個係最詳盡嘅交通提示，即係例如下個路口左轉，佢好似係從距離200米開始每行50米就提示你一次，呢個真係煩，不過保證唔會錯，第二個係只提示重點位，第三就係完全關咗語音提示。

[@hoganchau1993]

高德仲有實時車速顯示，暫時市面無一個可以同「高德」匹敵既地圖！

[@davidsin7168]

一定係高德最好，有條黃色線教你點轉，為一不足冇實景圖。

[@sszeto3010]

無撚有錯👍

[@ken20100903]

下次會唔會拍埋apple 內置地圖

[@r8ben]

個人覺得如果係新手或者唔熟路嘅用高德一定係最好同最清晰！ 好熟路嘅老手司機可以用google嚟當輔助！ 另外一個就未用過～

[@tjw0990]

收皮啦你

[@kinhung]

高德肇輝臺個UTURN位錯到, 唔怪得見過有司機響個出口位想入肇輝臺

[@sng22]

有冇粤語口述輸入？我不懂用普通話講目的地。

[@klung3714]

不識距離，不知幾百米同十米，高德有 粵語音提示在那個位才轉

[@simonlokh]

高德開聲爭好遠，會提你嚟緊個燈位直行定要轉彎，響燈位密集的地方好有用

[@lau1991415]

11:57 導航有細分埋靠左同轉左，圖示都唔同，聽埋語音好點。不過用咩導航都要參照埋實際道路方向街道等等，唔係比個軍用導航你都死。條片有個良好示範👍，行錯照去唔好停車，搵個安全位先停低，安全至上。

[@GaryLi_lyh]

其實一開始荃灣多層呢個位一定係轉左最快，唔知點解google map一定係行大河道。 如果真係要公平咁試應該要獨立跟每個地圖路線行一次，睇下邊個最清晰，最方便道路使用者。

[@chf357]

車技炸裂 ！ 快又穩 😄😄 點解咁中二

[@jamesleung5613]

高德勁正，好好用 有時紅綠燈🚦幾時轉都有顯示

[@johnwu7172]

高德会偷野,就算几正都唔好用.

[@lukethewall]

有一次喺港島俾Google老點到痴q線，最後都係信自己好啦！

[@conanchoi7376]

首先，好明顯示高德位準，提示清晰。在堅拿道天橋上高德係有錯，因為叫咗靠左線，而應該係行中線。（10：51綠色路線一早講咗330米後先靠左，只是你被你手機置頂廣告遮住咗）。 但你嘅總結竟然係用Google做功課😂 還有，高德係可以下載廣東話語音的。

[@ことり-w2h]

請問高德導航 如何選擇廣東話？

[@ccy97210333]

高德會提你cam位的，當然只限白鴿籠。

[@owenfung5241]

依家除咗白鴿籠外已加多咗車距測速

[@berrystalk]

多謝兩位師兄分享😬感謝🙇🏻‍♀️

[@tang51049]

waze都有

[@pandazho]

不如香港車主眾籌比製作「小鴨幹線」Android app香港團隊製作番香港人自己嘅汽車導航&香港地圖啦！ 我覺得佢哋有能力同好有心機做好一個app。因為幾個星期前做一個比安心出行更好嘅app，不過大家知垃圾正苦又恐嚇其他最有香港人心最有創意嘅人、公司或團隊

[@AutoGuyzRelation]

值得做喎！！！多謝你話我知～

[@kitkitkit1989]

如再拍攝類似主題希望可加埋apple map一齊試

[@berrystalk]

嗰日拍到想嘔（兜左好耐）可唔可以冇下次😂

[@ssdass4303]

高德地圖在大陆是可以显示红绿灯倒计时的

[@boeing744]

淨係出紅磡海底隧道上堅拿道天橋，落跑馬地路口，高得提仲有百幾米先到，你哋就早咗轉落去銅鑼灣路口

[@berrystalk]

就係特登試俾大家睇🙈

[@貓黑-j2h]

高德你可以轉廣東話，有超速提示，有大圖顯示，超好用👍

[@BB-xh6wf]

Waze, reroute 太慢。行錯路不停叫調頭，煩到pk. 已deleted

[@albertchan5726]

揸車燥d係配合真實劇情姐 冇咩問題👍🏻

[@ghmpsp]

一定高德啦,由我生鏽牌揸到現在一直用

[@zettasze1013]

係香港用map 真係唔好怪佢唔精準，彈丸之地，盡曬力，google map 係外國用係十分精準，不過waze 真係爭唔落，因為係澳洲啲大路 都會錯判曬 會搵唔到自己係邊 lol

[@shingkam]

可能北美洲Downtown 高樓大廈包圍空間罅隙比香港大，我係加拿大用佢係Downtown 都無問題，落美國都好準，未衰過，平時如果有警察捉快車同馬路工程都有通知，出highway如果有大型動物被車撞死一樣有報告，好用過Google map 同apple map好多倍👍

[@PhiLPHiL]

可以係 crown plaza 行左線轉入跑馬地