Рет қаралды 161,745
Composta agli inizi del '900 da Giovanni Capurro (autore dei versi di 'O Sole mio) e da Francesco Buongiovanni, vide come primi grandi interpreti Giuseppe Villani e Raffaele Viviani. Poi il successo fu perpetuato con le incisioni di Nino Taranto, Antonio Buonomo, Franco Ricci, Sal Da Vinci e Massimo Ranieri. Vi si riporta la filosofia di vita di un ubriacone, Molto caratteristica e coinvolgente l'esecuzione di Sergio Bruni.
TOTONNO 'E QUAGLIARELLA
G. Capurro -- F. Buongiovanni
Facite comm'a me, senza timore:
beffeggio pure 'a morte e 'a piglio a risa...
E só' cuntento meglio 'e nu signore
pecché tengo una faccia e una cammisa...
E quanno metto 'a lengua 'int''o ppulito,
che ne facite 'a lengua 'e nu paglietta!?
Embé, quanto stimate 'a palla 'e vrito,
chi vò' stá buono, ha da sapé 'a ricetta!
Si ll'ommo tutt''e cchiacchiere
vulesse sentí 'e dicere,
quanta fasule e cícere
se mettarría a scartá!
E si tenite 'a freve,
lassáte stá 'o cchinino...
Addó' sta 'o mmeglio vino,
'o gghiate a pigliá llá!
Ce steva nu scarparo puveriello,
chiagneva sempe ca purtava 'a croce...
'A sciorte lle scassaje 'o bancariello
e pe' se lamentá...perdette 'a voce!
Quann' è 'a staggione, vaco truvanno sulo
na bona fritta 'e puparuole forte...
Nu piezz''e pane, 'nziem'a nu cetrulo,
e 'o riesto, 'o vvotto dint''a capa 'e morte!
Che tengo 'e figlie o aggi''a penzá ô pesone?
I' faccio ogne arte e ghièsco p''a campata!
Si è p''a lucanna, sott'a nu bancone,
se dorme frisco e puó' passá 'a nuttata...
Riguardo ô ttaffiatorio,
mm''a scorcio bona 'a máneca
e addó' se vénne 'agliáneca,
truvate sempe a me!
Menammo tutto a buordo
fintanto ca se campa:
Dimane, forze, 'a lampa
se putarría stutá...
Che brutta cosa ch'è a tirá 'a carretta
quanno nisciuna mano vótta 'a rota!
Nun sèntere cunziglie, nun dá retta,
ca senza ll'uoglio chella nun avota!
Pe' spartere aggio avuto quacche botta
ma nun mme sóngo miso maje paura!
na vota, 'int'a n'incendio a Foregrotta,
salvaje, 'a dint''o ffuoco, na criatura...
Quann'i' só' muorto, ll'hann''a aizá 'sta crapa!
Nisciuno chiagne, manco p''o mumento...
Ll'esequie è bello e pronto: 'ncapa e 'ncapa
e vaco â sala e Ricanuscimento!
Quann'è fernuta ll'opera,
pezzente o miliunario,
s'ha da calá 'o sipario
e s'ha da arricettá...
Pe' chesto, 'o servo vuosto
Tatonno 'e Quagliarella,
'o ccisto 'int''a garsèlla,
nun s''o ffa maje mancá...
E quanno 'o libbro mio sarrá fernuto,
nisciuno diciarrá si è bello o brutto...
Ma, primma 'e ve dá ll'urdemo saluto,
ne voglio n'atu litro...'e chell'asciutto!
Jamme, bevite!!!