சிவப்பு நிறத்தாமரைப் பூ/ முன்பள்ளி சிறுவர் பாடல்

சிவப்புத் தாமரை
சிவப்பு நிறத் தாமரைப்பூ
சிரித்து என்னைப் பார்க்கிறாய்
குளத்தில் நடுவில் நிற்கிறாய்
குனிந்து பறிப்பதெப்படி
வண்டினங்கள் உன்னைச் சுற்றி
வட்டமிட்டுத் தேன் குடிக்குது
வண்டாய் நானும் மாறேனோ
உன்னைச் சுற்றி வருவேனோ
சூரியனைக் கண்டதும் நீ
மலர்வதாக அறிகின்றேன்
என்னைக் கண்டு மலராயோ
என் அருகில் வாராயோ