İcma əsaslı məktəbəqədər təhsil balacalara necə kömək edir ?

"İcma əsaslı məktəbəqədər təhsilin inkişafı" layihəsinin rəhbəri İlahə Rəsulova İTV-nin "Sabahın xeyir, Azərbaycan!" proqramının qonağı olub. İ.Rəsulova Azərbaycanda tətbiq olunan İcma əsaslı məktəbəqədər təhsilin mahiyyəti, onun təşkili, idarə edilməsi, pandemiya dövründə icrası, layihənin hədəfləri, layihə çərçivəsində təşkil olunan maarifləndirici vebinarlar və digər mövzular haqqında çıxış edib.
Qeyd edək ki, 2017-ci ildən başlayaraq “İcma əsaslı məktəbəqədər təhsilin inkişafı” layihəsi UNICEF və Avropa İttifaqının maliyyə dəstəyi, Azərbaycan Respublikası Təhsil Nazirliyinin dəstəyi ilə Təhsil İnstitutu tərəfindən icra edilir. Layihə 3-5 yaşlı uşaqlar üçün bacarıqların artırılması, İcma əsaslı məktəbəqədər təhsil mərkəzlərinin yaradılması , valideyn birliklərinin yaradılması və məktəblə birgə əməkdaşlıq nəticəsində ibtidai təhsilin keyfiyyətinin artırılması kimi sahələri əhatə edir. Həmçinin, layihə məktəbəqədər və ibtidai təhsil səviyyələrində vətəndaş iştirakını təmin etməklə Azərbaycanın əlverişsiz kənd icmalarında daha keyfiyyətli təhsil xidmətlərinə nail olmaq məqsədini daşıyır.