Рет қаралды 4,020
Бүгіннен бастап Ақтөбедегі барлық емханалар мен басқа да медициналық ұйымдар уақытша жұмысын тоқтатты. Яғни аймақтағы эпидемиологиялық жағдай тұрақталғанша медициналық, скринингтік тексерулер жүргізуге және жоспарлы амбулаториялық емдеу қабылдауға шектеу қойылды. Ал осыдан бір апта бұрын ғана скрининг жасау кабинеттері мен күндізгі стационарлары жабылған Қарағандыда, бүгіннен бастап кинотеатрлар жұмысын қайта бастады. Түркістан облысында індеттің таралуына жол бермес үшін полицейлер тойханалардың алдын күзететін болды.
ЖАНАР ҚОЖАНОВА, тілші:
- Ақтөбедегі емханаларға қойылған карантиндік шектеулер тек уақытша енгізіліп отыр екен. Алайда оның қанша уақытқа дейін созылатынын денсаулық сақтау басқармасындағылардың өзі нақты айта алмайды. Бәрі эпид жағдайға байланысты. Яғни бүгіннен бастап аймақтағы жағдай тұрақталмайынша емханалар мен барлық медициналық ұйымдарға адам қабылдауға тыйым салынды. Өйткені, емханаларға ағылып келетін тұрғындар індетті жұқтырып алуы мүмкін. Мамандар қазір қалада инфекциялық ауруханалардың науқастарға лық толғанын айтады. Сондықтан осылай алдын-алуға мәжбүр болыпты.
БЕКБОЛАТ ІЗБАСАРОВ, Ақтөбе облыстық денсаулық сақтау басқармасы басшысының орынбасары:
- Егер жедел медециналық көмекті қажет ететін болса сіздің жағдайыңыз, онда сіз қаралып, зерттеулерден өте аласыз. Ал егер де жоспарлы түрде болатын болса, онда учаскелік дәрігерге хабарласып, бұл қызметтерді дистанциондық форматта алуыңызға болады.
ДИАНА САПАРҚЫЗЫ, тілші:
- Қарағандыда да скрининг жасау кабинеттерінің және күндізгі стационарлардың жұмысы тоқтатылғанымен, есесіне бүгіннен бастап "Ашық" жүйесіне қосылған кинотеатрлардың жұмыс істеуіне рұқсат етілді. Тек кәсіпкерлер қатаң карантиндік шараларды сақтауы керек. Көрермендер киноға кіру билетін алдын-ала онлайн алуы тиіс. Дегенмен, оған мүмкіндігі болмағандарға билеттер касса арқылы сатылады. Ал, залдың толуын 30 пайыздан асырмау және отырғызу кезінде әлеуметтік арақашықтық сақталуы кәсіп иесіне шарт. Көрермендердің киноны маска тағып, сусынсыз және поп-корнсыз тамашалауына тура келеді. Сондай-ақ, өңірде «Ашық» қосымшасына тіркелген концерт залдар, монша, фитнес-орталық, бассейндер өз жұмыстарын жалғастыра береді. Ал бұл бағдарламаға қатыспаған жеке меншік кәсіпорындардың қызметі толығымен тоқтатылды.
АЙГҮЛ ШАТЕКОВА, Қарағанды облысы санитарлық-эпидемиологиялық бақылау департаментінің ресми өкілі:
- Екінші тамыздан бастап іске асырылатын қосымша шектеу шаралары қарастырылды. Атап айтқанда ашық қосымшасын пайдаланған кезде келесі объектілерге демалыс, яғни сенбі және жексенбі күндері қызметін тоқатата тұрып сағат 10:00 -20:00ге дейін жұмыс істеуге рұқсат етіледі. Олар моншалар, сауналар, фитнес, бассейндер, театрлар концерт залдары, филомониялар және кинотеатрлар.
МАҚСАТ ЖАҚСЫБАЙҰЛЫ, тілші:
- Шымкенттегі емханаларда керісінше, жұмыс тәртібі күшейтілді. Бүгіннен бастап, емдеу мекемелерінде арнайы мобильді топтар іске кірісті. Олар дене қызуы көтерілген, жөтеліп, өкпе тұсы ауырған және тыныс алуы қиындаған тұрғындардан түскен түрлі шақыртуларға барып, тексеру жүргізетін болады. Үй жағдайында ПТР сынамаларын алып, науқастың нақты диагнозын анықтайды. Егер науқас жедел респираторлы вирусты инфекция, өкпе қабынуы және ковид індетіне шалдыққан жағдайда, қажетті тегін препарттарды үлестіріп, өз бақылауында ұстайды. Яғни, мұндай науқастар мүлде емханаға жіберілмейді. Ал өзге тұрғындар үшін емдеу мекемесінің есігі ашық. Олар кардиолог, онколог, травматолог сынды дәрігерлердің қабылдауында бола алады.
МАХАМБЕТ БЕЙСЕУОВ, Шымкент қалалық №1 емхананың бас дәрігері:
- Қала бойынша 211 мобильді топ жұмыс атқаруда. Әр мобильді топта дәрігер, медбике, фельдшер, социолог, психологтар кіреді. Одан бөлек, әр емханада 2-3 телефон шалып, жағдайларын біліп отыратын медбикелер бар. Қолдарында бұйрыққа сай чек лист бар. Қандай сұрақ қойылатыны, қандай жанама сұрақ қойылатыны бойынша оқыту іс-шараларынан өткен.
Ал іргеміздегі Түркістан облысында індеттің таралуына жол бермес үшін полицейлер күшейтілген жұмыс тәртібіне көшетін болды. Олар өңірдегі 500-ден астам тойхананы күзетеді. Бұл туралы облыс әкімі Өмірзақ Шөкеев айтты. Өйткені өткен аптаның өзінде осындай салтанат сарайларында тыйым салынған 115 іс-шара әшкере болған. Сондықтан өңір басшылығы коронавирустың таралуын тежеу үшін, осындай қадамға баруға мәжбүр. Дегенмен, Түркістан облысы тіркелген науқастар саны бойынша республикада ең төменгі көрсеткіште.
Мақсат Жақсыбайұлы
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#локдаун #COVID #карантиндік_талаптар