របៀបធ្វើម្សៅត្រីល្អិតសម្រាប់ទារក៦ខែឡើង

របៀបធ្វើម្សៅត្រីល្អិតសម្រាប់ទារក៦ខែឡើង - Creator foods

Рет қаралды 3,403

Күн бұрын

ម្សៅត្រីល្អិតសម្រាប់ទុកលាយបបរអោយកូនពូជញាំ លីងឡេីងចង់ជ្រុះដៃចេញពីស្មា តែធ្វេីរួចហេីយសប្បាយចិត្តណាស់❤️ អរគុណបងស្រី Khorti Maton ឆាតមកជួយណែនាំរហូត😘
#តោះមកមេីលពីអត្ថប្រយោជន៍របស់ម្សៅត្រីវិញ
ម្សៅត្រីល្អិតត្រូវបានផលិតចេញពីប្រភេទត្រីល្អិតដែលរកបានតាមវាលស្រែ ស្ទឹង និងបឹងបួរនានាដូចជាពពួក បណ្តូលល្ពៅ ពពួកចង្វាភ្លៀង ត្រីកំភ្លាញ ត្រូីកន្ទុយមាន់/អាចម៏កុក ពពួកចង្វា និងត្រីក្រឹម។ ដើម្បីផលិតម្សៅត្រីល្អិតដែលមានគុណភាពល្អ និងសំបូរទៅដោយសារធាតុចិញ្ចឹមសំខាន់ៗ ត្រីល្អិតទាំងនេះត្រូវបានលាងសំអាត និងយកផ្នែកពោះចេញហើយទុកតែក្បាល ឆ្អឹង និងសាច់ដើម្បីកែច្នៃទៅជាម្សៅ។ ម្សៅត្រីល្អិតត្រូវបានផលិតដោយប្រជាជនកម្ពុជាសម្រាប់ប្រជាជនកម្ពុជា។
លទ្ធផលនៃការធ្វើតេស្តផ្នែកអាហារូបត្ថម្ភនៅសាកលវិទ្យាល័យម៉ាហិដុល (Mahidol University) នៃប្រទេសថៃបានបង្ហាញថា កម្រិតប្រូតេអ៊ីន វីតាមីន និងសារធាតុចិំញ្ចឹមផ្សេងទៀតនៅតែខ្ពស់ទោះបីវាត្រូវបានរក្សាទុកក្នុងរយៈពេល ០៤បន្ទាប់ពីការផលិតក្តី។
ការវិភាពមួយផ្សេងទៀតដែលធ្វើឡើងដោយក្រុមអ្នកជំនាញផ្នែកអាហារូបត្ថម្ភ នៃអង្គការសង្គ្រោះកុមារប្រចាំសហរដ្ឋអាមេរឹក បានរកឃើញថាម្សៅត្រីល្អិតចំនួនប្រមាណ ១៥ក្រាមមាន៖
១/ ប្រូតេអ៊ីនលើសពី ១០ក្រាម ស្មើ ៩៤% នៃតម្រូវការសម្រាប់កុមារអាយុ ០៦ - ១១ខែ និង ៧៩%សម្រាប់កុមារអាយុ ១២-២៣ ខែ។
២/ ជាប្រភពនៃអាស៊ីតខ្លាញ់ អូមេហ្កា ៣ ដែលមានសារៈសំខាន់ដល់ការលូតលាស់ផ្នែកប្រាជ្ញាស្មារតី។
៣/ សង្កសីប្រមាណ ៥៣% នៃតម្រូវការប្រចាំថ្ងៃរបស់កុមារអាយុ ០៦ - ២៣ខែ សម្រាប់ការវិវឌ្ឍផ្នែករាងកាយ និងខួរក្បាល ព្រមទាំងការពារទល់នឹងជំងឺ។
៤/ វីតាមីនបេ១២ (B12) គ្រប់គ្រាន់សម្រាប់តម្រូវការប្រចាំថ្ងៃ វីតាមីននេះជួយដល់ការអភិវឌ្ឍប្រពន្ធប្រសាទ។
៥/ កាល់ស្យូមគ្រប់គ្រាន់សម្រាប់តម្រូវការប្រចាំថ្ងៃ។ កាល់ស្យូមគឺជាសារធាតុរ៉ែដ៏សំខាន់មួយដែលជួយធ្វើអោយធ្មេញ និងឆ្អឹងមានការលូតលាស់ និងរឺងមាំល្អ។
ប្រភពអត្ថបទ៖ អង្គការ Save the Children
រូបភាពដោយ៖ Panha Store