شربة فريك الجزائرية طيبت عرس ل500شخص مع سر البنة المميزة

[@cuisinemouhamedbenmoussa8232]

السلام عليكم. انا سعيد جدا بتعليقاتكم و وجهة نظركم المختلفة في طريقة تحضير هذا الطبق.وهذا دلالة على تمسك كل منطقة بي تراثها الثقافي. ملاحظة فقط بالنسبة لاخوانا في الشرق الجزائري .الجاري القسنطيني اعلم انه بدون خضار وانا شخصيا خدمتو عدة مرات وان شاء الله راح اعمل فيديو عليه .لكن هذا لايعني انو الجاري القسنطيني بنين وأنواع أخرى من الشربة ماهيش بنينة .التفكير بهذا المنطق خطاء كبير. لان الجزائر بلد كبير وفيه تنوع في الثقافات ،العادات والتقاليد وفي أسلوب تحضير الأطباق. كل منطقة عندها مميزاتها .لذلك حاولو الفصل بين طريقة الطهي في الشرق والمناطق الأخرى وشكرا جزيلا على كل تعليقاتكم واهتمامكم بمحتوى القناة

[@farahboukhalfa6433]

والله ماهي شربة هدة حيريرة المغاربة الشربة عمرها مايحطولها القرفة وليزيبيس والله طيحت قيمة الشربة شربة قسنطينة الله الله ياولد الناس خاطرك الشربة والله طيحتها قيمتها شوف حميد القسنطيني يقولك كيفاش تطيب الشربة ا خلايا على الشربة بالغرفة اك رديتها عدس ولا لوبيا

[@cuisinemouhamedbenmoussa8232]

@@farahboukhalfa6433 كنت خلتي تعليق وهذا الثاني.كاين قسنطينين بزاف علقو لكن بأسلوب راقي وطرحو وجهة نظرهم وجاوبتهم. وبعدها حطيت هذا التعليق توضحي الي انت رديت عليه.انا مراحش نرد عليك لكن نقلك نصيحة باه الناس متكرهكش فالحياة.عمرك لاتكلمي شخص وتحكمي عليه وانت متعاملتيش معاه.ثانيا متحلفيش والله في كلامك. كي تتكلمي تيقني من كلامك وتكلمي بدون ماتحلفي.ثالثا تعلمي تتكلمي بلطف باه يحترموك الناس. وانا منحكيش على نفسي.شوفي محتوى القناة و اقرئي تعليقات ثم تكلمي

[@djemydjow518]

@@farahboukhalfa6433 الطبخ ليس علوم دقيقة كل منطقه وطريقته كيفاش يخدمها انا من سطيف وسطيف راهي فالشرق وطريقة طياب الشربه تختلف على طريقة ناس قسنطينه اتعلمو تتقبلو الاختلاف

[@لاتحرمنامنرؤياكيالله-ر5ق]

@@farahboukhalfa6433 اختي الحريرة مشي تاع المغرب الحريرة راهي طبق من اطباق الغرب الجزائري وبلادنا واسعة شرق غرب شمال جنوب متنوعة في اطباقها خلونا نتعلمو ونتعرف على اطباق بلادنا وخلونا من جهوية هدي بلدان كلها تدعم شعبها وتعرف على انواع اطباقها المختلفة برك حنا لرانا نتعاملوا هكدا

[@aichaata9038]

@@farahboukhalfa6433 وزيد تحلفي ب والله لا حول ولا قوة إلا بالله متعرفيش تهدري واتقبلي الاختلاف 😉😉

[@زهرةاللوتس-ه4س]

أنا كنت معروضة خطرة في عرس أنت لي طيبتلهم والله ما ننسى ذيك الشربة و ذيك البنة الله الله يعطيك الصحة بالتوفيق للقناة و مزيد من التألق

[@cuisinemouhamedbenmoussa8232]

آمين يارب العالمين بارك الله فيك وشكرا جزيلا على تعليقك

[@user-xx6si3uo5m]

الله يبارك يعطيك الصحة... نحب المقادير.... هكا تقدروا.... نقسمرا و نعرفو كميات متوسطة مثلا ل50شخص

[@didahoria2482]

​@@cuisinemouhamedbenmoussa8232 ق55غ

[@بلاديالجزائرالحمدلله]

يخدم يطيب للعراس؟؟ واش من الجيهة على حساب القليشة هو من الوسط ...

[@hali8881]

بصحتك يا ختي شهيتيني 🥰🥰

[@mlikakaouni7702]

يعطيك الصحة بدون مجاملة انا كليت الشربة اتاعك بنينة بزاف ماتشبع منها كيما قال راجلي غير الشاف محمد لي فاتك في الشربة 42عام خبرة اديتها لي بالتوفيق مزيد من التألق

[@cuisinemouhamedbenmoussa8232]

هههه آمين يارب العالمين ربي يحفظك أختي

[@crochet_dz]

هاذ الفيديو يستااااهل يوصل للمليون جربوها وراح تشوفو بنة ولا فالخيال👌يعطيك الصحة شاف

[@cuisinemouhamedbenmoussa8232]

الله ينورك شكرا جزيلا على تعليقك

[@lamitamihoub8390]

والله يستاهل ناخذو منو أفكار وتدابير للمناسبات

[@SihemBias95]

صح والله درتها بكركاس جاج و جات هبااال تاع لهبال ربي يحفظو على هاد الوصفة

[@أمسلمى-ي2ح]

من فضلك شيف تدير لنا فيديو المواد المستعملة في تحضير كسكس باللحم ل 100شخص و كذا الشربة و المثوم و الحلو و طاجين الرولي بالزيتون و ريي يجلزيك

[@halimhalim0923]

شربة باينة بنينة فكرتني في ميمتي الله يرحمها كانت طباخ اعراس وطيابها بنين ماشاء الله

[@cuisinemouhamedbenmoussa8232]

ربي يرحمها ويسكنها فسيح جناته يارب العالمين

[@fatx220]

ربي يرحم ميماتنا 😭

[@halimhalim0923]

امين يارب

[@bouchranaima6897]

@@cuisinemouhamedbenmoussa8232 في عومري. 58 سنة. الاوال مراة في حياتي اسماع بي قشور القراص. صحيح ام خطاء

[@سنابلالخير-ق7ع]

الله يرحمها ويرحم أمي حتى هي كانت طيب في الأعراس طيابها بنتو بنة

[@rozittabou4063]

أحسن وأبن شوربة من يدين أحسن وأرقى شاف جزائري متواضع وأمين في خدمته.

[@cuisinemouhamedbenmoussa8232]

بارك الله فيك شهادة اعتز بها شكرا جزيلا

[@yoyouanino3524]

شربة فريك من الشربات المهمة عندي في البيت و هاذ الطريقة مع أنها الأعراس و لكني راح نجربها للعائلة الصغيرة شكرا شاف ربي يجعلها في ميزان حسناتك

[@cuisinemouhamedbenmoussa8232]

آمين يارب العالمين بارك الله فيك وشكرا جزيلا على تعليقك

[@fafofane4425]

يعطيك الصحة شربة وعليها الكلام ممكن ديرنا شربة بمقادير قليلة تاع 10 اشخاص

[@syrine5767]

أنا كذلك حابة المقادير ل 10 أشخاص

[@syrine5767]

أنا كذلك حابة المقادير ل 10 أشخاص

[@kersaouimohamedali2602]

يعطيك الصحة شاف ديرنا نفس الطريقة بكمية قليلة يعني نطيبوهم لينا فالدار لعدد أشخاص بلال حوالي 5أشخاص قدر صغير

[@RihaAme]

السلام عليكم ورحمه الله وبركاته حبيبة ديري يعينيك فقط كيما موالفة ديري مقادير تاعك لكن بطريقتو

[@SihemBias95]

اروووووع شربة درتها جات هبال مشاء الله و ماشي باللحم درتها بشوية دجاج شكرااا بزاف ربي يحفظك

[@fatx220]

باينة شربة وعلبها الكلام 👌👌👌👌لكن دخت في المقادير باش ندير كمية صغيرة دخت يا سى محمد

[@FouadConstantine-rk8ie]

أقسم بالله مضمون هذا الجاري وتقدر تقول عليه جاري صحي يعطيك الصحة ياشاف

[@cuisinemouhamedbenmoussa8232]

ربي يحفظك بارك الله فيك وشكرا جزيلا على تعليقك

[@HoudTaif]

الله يسترك ياشاف ويعطيك الخير دنيا واخرة ديرلنا وصفاتك تع الاعراس بكمية عشر او خمس اشخاص باش نجربو منريسكيو بكميات كبار باسكو حنا مبتدئات ومبعد نزيدو الكمية كما نحبو ربي يجازي

[@louisachibane]

اقسم بالله غير فنان الله يبارك ماشاء الله راني ساخفة على هذي الشربة والله العظيم 👏👏👏👏👏👏

[@cuisinemouhamedbenmoussa8232]

ربي يجازيك كل خير شكرا جزيلا

[@louisachibane]

@@cuisinemouhamedbenmoussa8232 انها الحقيقة ماشاء الله عليك شاف

[@ahmedaichamohamed9256]

الله يبارك محمد والله خليتني نكمل الفيديو بكل شغف والله انا اختصاصي في ذوق الشربة مع العلم انها طبقي المفضل ان شاء الله عن قريب نذوقها من يدك ونعطيك العلامة

[@cuisinemouhamedbenmoussa8232]

هههه ان شاء خويا بارك الله فيك وشكرا جزيلا على كل تعليقاتك واهتمامك بمحتوى القناة

[@HithemMoussir]

جربتها وجات واحد لبنة ولا ارواع بتوفيق شاف يستهل يطلع لفيديو♥

[@بشرىبشرى-ط2ز]

ما شاء الله تبارك الرحمان روووعة ربي يحفظك اذا ممكن تعطني مقادير هذه الشربة ل 20 شخص حابة انطيبها بركت شاف

[@cuisinemouhamedbenmoussa8232]

السلام عليك بارك الله فيك وشكرا جزيلا على تعليقك بالنسبة لطمية ل20شخص استعمل وصفة الشربة الي عملتها في رمضان بنة وذوق اخر يحمر الوجه الكمية الي طيبتها اعملي 3اضعاف راح تكون كافية

[@samouaadoula3699]

بدون مجاملة احسن شاف مزيد من التألق في ميزان حسناتكم

[@cuisinemouhamedbenmoussa8232]

آمين يارب العالمين شكرا جزيلا على تعليقك

[@marketteck3739]

جربت شحال من وصفة من عندو والله ماشاء الله .ربي يجازيكم احسن الجزاء

[@cuisinemouhamedbenmoussa8232]

آمين يارب العالمين بارك الله فيك

[@leiladjeffal5164]

شربة فريك الحقيقية لا نضع لها الخضار ابدا هذه شربة اخرى ربما شربة خضار بالفريك

[@sousou3321]

اذا ممكن تديرلنا وصفة لبنات تاع طاجين الزيتون شكرا. وصفة تاع الشربة هايلة يعطيك الصحة.

[@زهرةالنرجس-ش1م8ر]

واوووو شربة باينة تهبل وخاصة كي ضفتلها لخضار انا بنت الشرق بصح منحبش شربة فريك الله تغالب انا نحب لحريرة بصح بهادي الطريقة نتاعك عجبتني بزااااف 👏شكرا شاف واتمنى لك التوفيق والنجاح

[@حسنختام-ن7خ]

ماشاء الله باينة بنينة مع اني قسنطينية والشوربة او الجاري لانستعمل فيه الخضار ولا الحمص.... كل منطقة وطيابها..... بلدي قارة ماشاء الله

[@cuisinemouhamedbenmoussa8232]

الله ينورك. شكرا جزيلا على تعليقك

[@حسنختام-ن7خ]

@@cuisinemouhamedbenmoussa8232 العفو

[@samkb9928]

هاذي شربة فريك وليس جاري فريك من فظلكم تعلموا تفرقو بحتي في الشرق يوجد جاري فريك وبمكونات مختلفة مثلا شفت جاري فريك تع سوق اهراس وعنابة نفس المكونات بنين يهبل من فظلكم بدون جهوية بلاد وحدة تقافة وحدة طبخ مشترك

[@مريممريم-ذ9ط4ظ]

حتى حنا فالصحراء مانديروش الخضار

[@حسنختام-ن7خ]

@@مريممريم-ذ9ط4ظ والنعم فيكم.... نعم بلدنا عالم بحد ذاته

[@Algérienne_cuisine]

نفس طريقتي يعطيك الصحة وهذ الطريقة قليل لي يعتمدهامن الطباخين في الأعراس😌

[@cuisinemouhamedbenmoussa8232]

بارك الله فيك شكرا جزيلا على تعليقك

[@thekeysofrelief111]

اختي المقادير اللي دارهم شحال القدر يكون يرفد من فضلك

[@بوكعبةفارس]

تحياا الجاري فريك تاع قسنطينة فلفل اكحل ملح تربح في لامان وتجي واحد البنة روعة

[@slavaromanov4398]

مكانش كي ما كلتنا عمري شفت جاري فريك بالخضرة و القرفة وووو؟؟ هو بلاك يجي مليح بصح مكانش كي الجاري تاعنا تاع زمان تحيا قسنطينة

[@h-gu5tq]

علاش استغربتو كي ولات صحية اكثر ماكلة اذواق وزيد احسن جاري جاري بالخضرة تذوقوه واحكمو حتى انامدخلتش راسي جاري بدون خضار لانو يزيدها بنة على بنة

[@samarlojayne3393]

طريقة و شرح في قمة المستوى شخصيا شاهدت عدة فيديوهات لطريقة للشربة لكن وصفتك يا شاف احسن و الأجمل و الاروع و الله العظيم في قمة المستوى جيد جدا و بامتياز شكرا شكرا شكرا

[@rozah6155]

السلام عليكم ماشاء آلله تشهي شكرا شاف 👍👍👍 حنا الشربة فى الصحراء نزيدلها الكسبر مرحي بنة ولا اروع

[@cuisinemouhamedbenmoussa8232]

بارك الله فيك. وتحية لأهل الصحراء

[@rimrim8714]

حنا نديرو بحبة قرعة وحبة زرودية باش تجي عاقدة وهايلة

[@koreaneunnidz]

شهاتني ، حتا احنا في تلمسان نستخدمو هذيك الرحاية للحريرة تجي خير من الميكسور ، درت وصفة شربة فريك لي عندك فالقناة لي مقاديرها قليلة وخرجتلي بنينة تهبل ما شاء الله ، يعطيك الصحة شاف

[@cuisinemouhamedbenmoussa8232]

الله يسلمك وتحية لناس تلمسان. بصحتكم الشريبة

[@MeriemZouani]

كي قالكم شربة تاع لعراس صح شربة تاع لعراس بنينة بنية بنية جربتها و جات تهبل تهبل و منهار درتها ولات تعجبني غير شربتي شربت ناس متعجبنيش هه

[@touatijamal1243]

مساك معطر بعطر روح امك الغالية يا أخي الكريم ان شاء الله ديما في أعلى مراتب بحق حبيبك محمد صلى الله عليه وسلم أختك فوزية وصح عيدك اشتقت لوصفاتك تحياتي للجميع العائلة المحترمة الراقية 🇩🇿👍🤲

[@cuisinemouhamedbenmoussa8232]

ربي يجازيك كل خير فوزية ويرزقك الخير والهناء الله لا يغبنك وان شاء الله الزوج الصالح

[@touatijamal1243]

@@cuisinemouhamedbenmoussa8232 آمين خويا محمد أمين الله يسمع منك ان شاء الله 🤲🤲🤲

[@cuisinemouhamedbenmoussa8232]

@@touatijamal1243 إن شاءالله. إن شاءالله اختي

[@touatijamal1243]

@@cuisinemouhamedbenmoussa8232 🤲🤲🤲

[@sabrinabeldjouher2349]

لا يسأل الله بحق محمد صل الله عليه وسلم

[@nawalbenritab2220]

إن شاء الله ربي يعطيك واش تتمنى والله العظيم شفت بزاف قنوات ما لقيتش اللي يشرح كما انت يا شاف ربي يعطيك الصحة الهناء وان شاء يفتح عليك كامل ابواب الخير

[@quranquran3870]

السلام عليكم شاف .اللهم بارك وصفة رائعة .من فضلك ديرلنا المثوم للاعراس و لوبيا الماشطو .

[@raniaiakhelef7537]

مشكور اختي الفاضل على كل هذا التوضيح و حبيت نقلك بلي حنا ناس البليدة نستعملو النعناع اليابس بدل قشور الليمون وتجي روعة

[@yousaf5385]

من فضلك ديرنا الشربة تاع رمضان كريم وكل عام وانتم بخير ان شاء الله تكون بنيىييييييييييية يهبلوا عليا اللله يسترك خويا راني نستنا مقادير تاع عايلة فوق 5اشخاص

[@cuisinemouhamedbenmoussa8232]

آمين يارب العالمين بارك الله فيك راني عامل الشربة لحجم عائلي بنة ولااروع

[@cuisinediramchia4543]

كنت نشوف في فديوهاتك من اروع شفات مع اروع شرح عاود الرجع لمتابعنك مزيد من تألق ونجاح امين

[@wasafat.om_mouadh]

بسم الله ماشاء الله شربة فريك روعة تشهي باينة بزاف بنينة يعطيك الصحة شاف وربي يجعلها في ميزان حسناتك إن شاء الله 🤲

[@zinebanissa7712]

واش توحشتي لعدس ههههههههبصحتك

[@cuisinemouhamedbenmoussa8232]

آمين يارب العالمين ربي يرزقك كل خير أم معاذ

[@lililala903]

شربة فريك ماشي عدس

[@wasafat.om_mouadh]

@@zinebanissa7712 ههههه لالا غلطت باش نكتب فريك كتبت عدس راني صححت تعليقي شكراً

[@wasafat.om_mouadh]

@@lililala903 ههههه صححت تعليقي شكراً على التنبيه

[@FatimaAYADI-l3z]

ماشا لله حرام عليك الشاف جات في خاطري ربي يعاونك وفي ميزان حسانتك الوصفة 👍

[@malikarabia6239]

مشاء الله قيمة في تواضع خويا محمد شرح رائع ونتيجة اكثر من رايعة ربي يحفضك

[@cuisinemouhamedbenmoussa8232]

آمين يارب العالمين بارك الله فيك

[@العنقاءللطرز]

ربي يحفظك موسوعه نصائح قيمة في كل دقيقة وبالتفصيل ربي يعطيك نيرضيك❤❤❤

[@cuisinemouhamedbenmoussa8232]

آمين يارب العالمين جزاك الله كل خير شكرا جزيلا على تعليقك

[@oumabdo9887]

الله يجازيك ويكبر قناتك اولةمرة نشوف ساف يوري من قلبو قاع كي نسقسوهم على مقادير الاعراس مايعطولناش السر بارك الله فيك الاخ

[@جمالزناتي-ن9ق]

المطبخ الجزائري غني جدا بحكم مرور العديد من الحضارات الإنسانية ، وهذا ماضمن التنوع الثقافي في الجزائر وبلدان شمال إفريقيا خاصة.

[@cuisinemouhamedbenmoussa8232]

بارك الله فيك

[@mamadiamir3579]

الله يبارك عليك يرحم الكرش الي جابتك فعلا شاف بمعنى الكلمة ويوصل المعلومة بكل احترافية.

[@cuisinemouhamedbenmoussa8232]

ربي يحفظك شكرا جزيلا على تعليقك. آمين يارب العالمين

[@FootAljer]

يعطيك صحة معلومات دقيقة 😅😅😅هداوين كتاشفت قناتك واشتاركت قبل ما يخلاص الفيديو ❤❤❤❤🎉🎉🎉🎉

[@cuisinemouhamedbenmoussa8232]

ربي يحفظك شكرا جزيلا على تعليقك ومرحبا بك

[@yacineskikdi4547]

ديرنا دورة طبخ الاعراس.

[@ghaliayahiaoui8144]

هذا وين فهمت علاش الشربة تاعي صامطة شكرا عالمجهود تاعك❤

[@saddamgrappa4699]

انا من الشرق الجزائري وشربتنا تختلف في المكونات لكن لون شربتك روووووووعة مثل لون شريتها تاع الأعراس وانا نعرفها بنينة من لونها وهذا دليل انك تعرف تطيب شاف يعطيك الصحة ومرة اخرى جربلنا شربة تاع الشرق

[@malakaomri2109]

اختي الاغلبية مايعرفوش الفرق بين الشربة فريك تاع ناس الوسط ولحريرة تاع اخواننا في الغرب والجاري افريك القسنطيني نتمنا كل منطقة تعتز وتفتخر باطباقها وعدم الخلط بين المكونات وتغيير الاسم بدافع الجهل باطباق المناطق الاخرى لانه في الاخير كل هذه الاطباق ارث جزائري ويجب الحفاض عليها وعلى اسماءها(اخواننا في الوسط الجزائري نتمنى اتحافضوا على طبق اللحم لحلو لانه سيندثر مع مرور الوقت فطبق اللحم لحلو ليس هو طبق الطاجين لحلو)

[@jasmineternel2657]

بارك الله فيك شرح مفصل من فضلك أخي ديرولنا شربت 200شخص ربي يحفضك

[@chochomeriem3296]

ارجوك اريد كيفية طبخ شربة فريك ل 30 شخص والعيش 30 شخص والزيتون 30 شخص

[@YahiaDida-td4hs]

راني سيت الحريرة والله بنة عضيمة يعطيك الصحة شاف

[@chomisa]

يعطيك الصحه الشربه وعليها الكلام اتمنى لك كل التوفيق والنجاح اخي تستاهل كل خير

[@حمدالله-س8ش]

شربة. فريك واحد ما يقدر. بسنغنى عليه انا. نطبها. مرة. في. سمانة. لازم ضروري . نموت عليها شوربة فريك و لا. اروع من. الشرق. الجزاير. تحياتي لكم و يعطيك الصحة. على كل ما تفدمو من النصايح و

[@cuisinemouhamedbenmoussa8232]

ربي يجازيك كل خير شكرا جزيلا على تعليقك

[@omelbaninbb]

يعطيك الصحة .اذا ممكن تقدمنا حلوة الجوزة وشكرا

[@cuisinemouhamedbenmoussa8232]

بإذن الله بارك الله فيك

[@djamilahasrouf796]

بارك الله فيك شاف.ماشاء الله على الاخلاق و طريقة الشرح..

[@سيسيلياالجزائري]

شاف من فضلك كيفاش تعرف الفريك المليح من المدغول من اللون ولا عندك طريقة اخرى ..!! الشوربة ديالك تشهي 🙂😘

[@la_cuisine_d_Om_Sarri]

شكون في قلبو النية دري ابوني ربي يحقق واش في خاطور يارب

[@hccvvcc4492]

تعرفيها كتحطيها فلماء يولي يطلق كلاغ اخضر

[@lojainerahaf8596]

تستاهل الف لايك هذي شربة خرافية بسم الله ماشاء الله ربي يبارك لوكان فقط قولتلنا اللحم المستعمل غنمي واش من طرف خيرت ولي يوالم لشربة وهل الشربة تصلح بنوع اخر من اللحوم وشكرا

[@cuisinemouhamedbenmoussa8232]

شكرا جزيلا على تعليقك. الغنمي. استعمل الاضلع مع الفخذ. كاين الي يستعملها بلحم البقر لكن الذوق مختلف

[@mouradbeghdadi9092]

Baraka Allahou fik ya maestro un vrai régal..un chef d'oeuvre de création.. merci bcp.. l'authentique chorba qui nous fait couler l'eau a la bouche..un must vraiment

[@mrchdzohra8081]

الله ابارك

[@cemaldokuzkardes7279]

Il chef cuisinier normal

[@bilodjilali2055]

من فضلك أعطينا مقادير قيس عاءلة وشكرا على كل المعلومات القيمة وكل الوصفات الجميلة نشالله تلقاها فدنيا ولأخرة ام سلسبيل الجزاءر

[@cuisinemouhamedbenmoussa8232]

بارك الله فيك شكرا جزيلا على تعليقك. راه متوفر 2فيديو في القناة لكمية قليلة رابط الوصفة kzbin.info/www/bejne/j4CblmCDltyef9E

[@souaadseghni4617]

Merci pour la recette bravo pour cette recette bien équilibré j'avais besoin cette quantité merci encore bonne continuation

[@melodieyakouta2827]

اول مرة انشوف شربة فريك بالخظر . اظن بنتها اتجي بنينا لاكن تخالف مع شربة الفريك انتاع الشرق و الجنوب الجزائري. مليح الواحد يعرف اشياء جديدة. يعطيك الصحة شاف.

[@cuisinemouhamedbenmoussa8232]

الله يسلمك شكرا جزيلا على تعليقك ومرحبا بك

[@saja_ya]

فكرة رائعة وممتازة بإذن الله تجربة حتى بدون لحم 🤗 يعطيك العافيه والصحة شاف ربي يبارك فيك دوما متألق ومبدع الشاف رقم 1في الجزائر وبدون منازع

[@cuisinemouhamedbenmoussa8232]

ربي يجازيك كل خير أختي دائما اقرء تعليقاتك متأخرا. بارك الله فيك

[@saja_ya]

@@cuisinemouhamedbenmoussa8232 السلام عليكم ورحمة الله وبركاته لا عليك شاف المهم تكون بخير و أنا أيضا تعليقاتي متأخرة كتبت لك تعليق بفيديو الڨريوش وفيه رأي لعلى وعسى يساعدك ...وربي يبارك فيك و يوفقك دمت بخير أستاذي ✌️

[@saja_ya]

@@cuisinemouhamedbenmoussa8232 السلام عليكم ورحمة الله وبركاته اخي الفاضل يا استاذي كيف حالك إشتقنا لطلتلك علينا ولوصفاتك المميزة أتمنى أن تكون وعاىلتك بخير وعافية حفظكم الله وبارك الله فيكم ننتظر جديدك أستاذي الفاضل

[@cuisinemouhamedbenmoussa8232]

بارك الله فيك شكرا جزيلا على سؤالك إن شاءالله الأسبوع القادم فيه وصفات جديدة

[@saja_ya]

@@cuisinemouhamedbenmoussa8232 اولا الحمدلله أنك بخير وعافية أستاذي الفاضل وثانيا بإنتظار وصفاتك وطلتك علينا بفارغ الصبر...وكما يقال اهلا بالحامل والمحمول ...بارك الله فيك

[@reinereina1886]

واش نقلك بارك الله فيك شربة وعليها كلم 😍😍👋👋👋💚🤲💚🤲❤️😍

[@cuisinemouhamedbenmoussa8232]

الله ينورك شكرا جزيلا

[@krarchaamine]

عمري ما سمعت بشربة فريك بالخضار في باتنة نديروها غير بالفريك

[@bichette5337]

هاذي وصفة لمدرسة يعني أطفال راح ياكلوها يحتاجو لفيتامينات لي فالخضر

[@farahmehmoudi4035]

يعني دوك كامل نديرو كيما باتنه ولا كيفاه؟ انا ساعات نديرها الخضره وساعات لالا

[@وبشرالصابرين-ه4ح]

لالا احنا الوسط نديرولها العاصمة والبليدة

[@scotishhb1829]

كاين بزاف لي يحبوها بالخضار غنية بالفيتامينات

[@MIMITACOM]

جربتها جات تهبل ماشاء الله شكرا على الوصفة عجبت الدار

[@cuisinemouhamedbenmoussa8232]

@@MIMITACOM ربي يحفظك بارك الله فيك وبصحتكم

[@chahrazed1208]

مشاء الله يهبل اني نجربو لعائلتي صغير انا منحبش القرفةمنطيفهاش

[@lgstylis1724]

من الافضل القرفة حطها عود لأن المرحية تصبح الشربة لونها بني

[@ايمانبوهني]

يعطيك الصحة شاف شربة و عليها الكلام تبعت طريقتك وطيبتها كامل عجبتهم ربي يحفظك ويسترك

[@amelamel8133]

احنا في قسنطينة منديروش الخضراوات ابدا و كذلك القرفة

[@wandaxful1seren816]

المهابل المراركا القرفة في كلشي😂😂😂

[@Nana-ui8fj]

حنا في الوسط و خاصتا العاصمين نديرو الخضرة و القرفة

[@rabahbacha1955]

هذاك الجاري تع قسنطينة مش الشربة فريك تع الوسط

[@jihenesalem5219]

يعطيك الصحة شاف ان شاء الله ماتبخلش علينا بفيدواتك ان شاء الله في ميزان حسناتك

[@oumikram3904]

ياخويا ياخويا جبتها على قانيها وحقها والله غير حسيتها كيما لنطيبها في دارنا كامل يحبو شربة نتاعي حتى ادا كانت بجاج لكن ولادي متعجبهمش شربة نتاعي يحبو نتاع مانهم حتى بدية نفقد إتقانهامن كثرت ولادي يرفضوها ويعطيك الف عافيه 👍🏻👍🏻👍🏻👍🏻👍🏻

[@cuisinemouhamedbenmoussa8232]

ربي يجازيك كل خير. ويحفظ الأسرة الكريمة

[@SosoAlg763]

الفريك هو المرمز عند صحاب سيدي بلعباس وفيه ذوق يهبل❤

[@miramiramira9761]

باينة شربة وعليها لكلام شميت ريحتها من الجي هه يعطيك الصحة شاف الله يعطيك ماتتمنا ديرنا فيديو مفصل على ليزيبيس تاع اللحم يعني اللحم مفور ولا لحم محمر علاجال بابا ياكل غير اللحم المفور ولا محمر وبابا هادا واش عندي في حياتي الله يخليك احسن شاف فالجزائر دايما فالقمة

[@cuisinemouhamedbenmoussa8232]

بارك الله وربي يطول في عمر الاب الغالي بإذن الله ايام العيد راح نعملك وصفة بالحم محمر واذا قدرت نضيف وصفة تانية لحم مفور سلامي للاب الغالي

[@user-xx6si3uo5m]

ربي يطول في عمره و يخليكم لبعضكم... طول العمر يا رب العالمين

[@khaliddor4277]

سلام عليكم اخي قرعة أو ڨورجات في الحريرة يكون لها مذاق مر وفي اخير تعطيك طبقة من الماء في الصحن بعد برودتها في صحن والله اعلم

[@waitandsee6561]

لا ، احنا في جيجل هذي هي شربتنا و نديرو الكورجات و تجي بنينة ،ربما لازم تكون فريش وحجم صغير

[@khaliddor4277]

@@waitandsee6561 تكون مي حاجة قليلة بزاف على باقي خضروات والله اعلم

[@ouafar6671]

شربة اعراس 500 شخص: كيلو سمن+ لتر و نصف زيت في قدر على نار حتى يسخن+ 12كيلو لحم إذ كان اللحم مشحم نقص الزيت واذا كان ماش مشحم نزيد حتى 2 لتر زيت+ 6 كيلو بصل مقطع رقيق+ 1 ملعقة اكل فلفل اسود نخليها تتقلى شوي نبدأ نحرك القدر نرجع نغطي ونخليه يتقلى في قدر اخر نضع ماء فيه 4 كيلو جزر مقطع رقيق نخليه يطيب نصف طياب نزيد 10 كيلو طماطم حب مقطعة رقيقة + 6 كلغ جريوات + ملح و نخليها طيب بعدما نرحيها يدويا حتى يكون لون الطماطم احمر ليس برتقالي مثل نرحيها في روبو نرجع للحم بعدما يتقلى اللحم وةيذاب البصل مليح + 2 و نصف طماطم مصبرة حللتها في نصف لتر ماء نخليه يتقلى 2 ملاعق كبار فلفل عكريي ملعقة كبيرة قرفة نصف ملعقة كبابة 2 ملاعق كسبر مرحي كسبر و نعناع كمية كبيرة نخليهم خمس دقايق يتقلاو و نضيف الخضرة الي رحيناها وونخلطهم و نخلي الخضر يشرب ليدام تاع اللحم مدة خمس دقايق الان نمرق تدريجيا كل 10 دقايق ماء يكون سخون و حتى ياعمري القدر نضيف الملح بعدها نضيف رطل طماطم مصبرة بعدها نضيف 3 كيلو فريك كنت نقعتو ساعة في ماء نزيد حمص طايب زوج كيلو نخليه الكل يطيب ساعة نضيف 2 ملاعق كبار فلفل عكري و كسبر و نعناع و رصان فلفل حار 6 رسان كبار و نخليه ساعة و نصف اضافية و نضيف قشور 3 خبات قارص يعطي بنة و رائحة للشربة الطياب ياخذ 5 ساعات كاملة

[@nourel-houdasouyad]

ربي يجازييك شكرااا❤️❤️

[@batouldania4123]

بارك الله فيك

[@lalgeriennebilinda5974]

بارك الله فيك،👑🤲🏾

[@aichasawsen]

يا اخي محمد بن موسى عندك قبول من عند ربي داءما نشوف فيديوهاتك لا ارادي واصل اخي محمد ربي يوفقك🎉🎉🎉🎉

[@cuisinemouhamedbenmoussa8232]

آمين يارب العالمين بارك الله فيك

[@haloumaouldali9723]

لله لله ، Cette recette de chorba frik annonçe la fête. Chorba ta3 mketfa aussi ,me rappelant ma région natale Mostaganem. Alors bon appétit 😋. Bonne continuation pour la revivifi attention de notre patrimoine culinaire.

[@cuisinemouhamedbenmoussa8232]

آمين يارب العالمين ربي يحفظك ويطول عمرك

[@dialazi9876]

اول مرة نسمع بالإضافة تاع قشور الليمون شكرا جزيلا

[@cuisinemouhamedbenmoussa8232]

الله ينورك شكرا جزيلا

[@ikrambzd6987]

الإبداع يتكلم 💯💗 عالعادة

[@cuisinemouhamedbenmoussa8232]

الله ينورك شكرا جزيلا

[@rifkaahmad4173]

بالنسبة للخضر زمان على طريقة ماما الفريك عنده طقوس ما تتبدلش نزيدوله الحمص فقط ، لكن انا وليت ندير له الخضر إلا الجزر باش تولي متكاملة و خفيفة على المعدة

[@Chaine_wafaa92]

تبارك الله عليك شوربة غزالة الله يعطيك الصحة 🌺👍

[@cuisinemouhamedbenmoussa8232]

الله ينورك بارك الله فيك

[@jorainjorain2784]

ننه

[@colline2406]

أنا من الشرق الجاري نديرو بلا خضرة لكن منين جربت طريقتك الزوج عجباتو بزاف🎉🎉🎉🎉🎉🎉

[@cuisinemouhamedbenmoussa8232]

الحمدلله انها عجبتكم سلام للزوج الكريم

[@talbiamina3731]

الله يبارك باينة تشهي وطريقة الشرح ديالك روعة ربي يوفقك

[@lailalaila3153]

يعطيك الصحه اول فيديو بالتفاصيل ومتملش منو حبيت نعرف القدره قداه تهز ماء وشكرا

[@djazairiahourra4483]

انا درست طبخ لكن، الزواج والدراري بعدوني عن العمل حبيت ندخل مجال طبخ الاعراس الا ممكن تساعدني ادا ممكن مشكور مسبقا

[@ayoubyassaad8133]

الله يعطيك الصحة شرح مفصل ربي يبارك في صحتك إن شاء الله

[@naimananou785]

Merci chef pour ces explications. Bonne continuation 👍

[@cuisinemouhamedbenmoussa8232]

الله ينورك شكرا جزيلا

[@حمدالله-س8ش]

شوربة. فريك. لا. بعلو. عليها ابدا رقم. الاول. في الاكلات و خاصة في لمناسبات ما نقدرش نستغنى عليها

[@azizaoceanic]

ماشاء الله عليك شيف شوربة رائعة الله يعطيك الصحة عواشرك مبروكة 😋👌👍👍👍🌷

[@cuisinemouhamedbenmoussa8232]

آمين يارب العالمين بارك الله فيك وعيدكم مبارك

[@MANIMANI-vu4sz]

زعم مليح

[@alilagab1236]

❤يعطيك الصحة شاف لازم ديرو لايك لازم يوصل للعالمية ❤

[@yasmineslimani772]

مقادير للناس لمقلقة.كيلو سمن+ليترة ونص زيت صانڨوا.12كيلوا لحم.6كيلو بصل مقطع صغير.ملعقة اكل فلفل كحل في بداية كي يتقلاو مليح نزيدو 2زوج كيلوا طماطم مصبرة .الخضر 4كيلو جزر .10كيلو طماطم. 6كيلو قرعة نضيف ملح. التوابل للقدرة تاع لحم ولبصل فلفل عكري فلفل كحل قرفة كبابة رأس الحانو قصبر مرحي .قصبر ونعناع مقطع .فريك 3كيلوا و7 فلافل حارين ملخر .زاد كيلو طوماطيش مصبرة وخلاها طيب وزاد لحميصة طايبة 🤔وزاد عكري وقرفة 🙄عياني كي زاد قشور ليمون.نصيحة تزوجوا بلا عرس 🙄 بزااااف غالية لمعيشة

[@djaydaejijel2983]

وكميه الما شحال

[@laperlerare310]

Hhhhh

[@loubnaghodbane816]

عملتي مزيا شكرا هههه

[@قاهرالشياتين-ك3ع]

ليمون لقتل كميت الزيوت....سمن وزيت لخروف وزيت سانڨو

[@AichaChaker-eh4tc]

ههههههه عندك الحق كامل هذا التعب والخسارة ومن بعد يزيدوك التمعيير والتشناف وخلينا من الڨاطو والطبق الثاني والسلاطة والحلو والمصاريف اللي ماتخلاصش ومن بعد تخرجي ماشي مليحة حلفت من غير خاوتي وخواتاتي وخاوة راجلي مانزيد حتى واحد واللي ما عجبوش الحال يقاطعني اصلا عييت منهم ههههههه الله المستعان

[@amrandimehdi5125]

اول مرة نشوف قناتك ماشاء الله شرح ولا ت اروع وحتى الشربة تهدر على روحها

[@samiraqueen2162]

یعطیك الصحة من فصلك قولي شحال من اللتر فيها القدرة هذه

[@lailalaila3153]

ايه نورمالمو يقول القدره قداه تهز

[@yasminanina1010]

العكري يتحل مع زيت يعطي وجه وبنة من الاول وجرب وشوف خاصه في شطاطح

[@MeriemMeriem-pm5up]

باينة شربة تهبل يعطيك الصحة

[@karimakarina1919]

ماشاء الله شاف روعة شكر لك على الشرح والمعلومات القيمة ربي اوفقك ويجعل كل اعملك في ميزان حسناتك

[@cuisinemouhamedbenmoussa8232]

آمين يارب العالمين ربي يحفظك

[@شهيواتجدةسيرين]

ربي يوفقك ولا أروع تشهي يعطيك الصحة.

[@interestingstories7579]

يعطيك الصحة ..لكن هذي شربة نتاع الغرب جربتها خطرة بهاذ الطريقة بنينةولكن احنا في الشرق مانستعملوش الخضر والحمص في شربة الفريك وهايلة

[@cuisinemouhamedbenmoussa8232]

الله ينورك شكرا على تعليقك

[@liliakram3064]

Machallah alik vraiment rien à dire tooop du tooop bravo chef 👩‍🍳

[@cuisinemouhamedbenmoussa8232]

الله ينورك شكرا جزيلا

[@nafella2321]

شكرا ابني علي الوصفة جزاك الله خيرا و حفظك ان شاء الله من فظلك كم لتر زيت نحتاج لقلب 500 حبة بوراك و شكرا

[@ميميمريم-ث8ظ]

شاف من فضلك كاين واحدة الشريك دارته بكري السيدة رزقي عجبتي بزاف كنت نديره بصح نسيته ممكن ديرنا وصفة الشريك القسنطيني. ويعطيك الصحة المزيد من التوفيق