د کابل او بلخ ځینو خلکو له پاکستانه د منظور پښتین د ژر خوشي کولو غوښتنه وکړه

په کابل او بلخ ولايتونو کې مدني فعالانو، قومي مشرانو او ښځو د پاکستان د پوليسو له لوري د منظور پښتين له نيول کېدو سره مخالفت وکړ او ژر تر ژره يې د هغه د خوشي کولو غوښتنه وکړه.
د پاکستان پوليسو د سلواغې په شپږمه نېټه د پښتون ژغورنې غورځنګ مشر منظور پښتین د پېښور ښار اړوند د تاکال په سيمه کې له يو شمېر نورو ملګرو سره نيولى دى.