大城誌︳《給19歲的我》掀爭議暫停公映 張婉婷回應觀眾：人比電影重要 可能理解有落差 先暫停公映解答疑慮

【張婉婷回應觀眾：人比電影重要　先暫停公映解答疑慮】
紀錄片《給19歲的我》引起爭議，周一起暫停公映。導演張婉婷在周日晚最後一場映後談，回應觀眾提問。她先表示，不知道下一場是幾時，近日的風風雨雨，學校和她都決定，由明天起暫停公開放映，「我們想留空間處理大家的溝通、理解上的落差，對學校來說，人是比電影重要，我們要先處理好人的關係問題，解答她們所有疑慮，先再或者可能跟大家見面。」
她回應提問時，指被訪者在2011年簽下的同意書，涵蓋戲院、電視等任何公眾場合的放映，但認為「中間可能有理解上的落差」，現在應該要正面去處理問題，表示「我們一定會跟女生坐下慢慢傾，呢個一定會做。」
以下是觀眾提問和回答：
觀眾：你的初衷是想拍同學經歷不同的校舍，後來校舍已經趕不及，後來是如何調整創作概念？為何你會堅持有你的旁白在入面？
張：很早時，也覺得要將人的故事放在前面，這個故事是看著少女的成長，這班千禧BB由2011至2021年的成長是放在最前。學校的改建，是放在後面。中間，就看社會的變遷。有三層的意義。但人永遠都是放在最前方。
用旁白是因為，紀錄片不是旁白就是字幕，中間有很多，有時沒時間放入所有資訊，用旁白或字幕就好快，說出所有事情，如阿雀生意失敗，如何影生意失敗呢？（旁白）可很快說出她賣眼鏡生意失敗……
我作為英華女校的人，擺咗少少自己的感受在入面。這個旁白，和一般的旁白是不一樣，不是BBC很冷、很有距離的旁白。
觀眾：有機會再拍？會不會再做？如再做，會如何處理？
張：……我有少少一往直前的性格，我初初都不知道（電影）會去邊，但你唔做又點知呢？我覺得有興趣嘅嘢，就一路很努力去做。如果這電影叫我再做（拍下去），我都會做下去……（這版本）我覺得是現階段最好。
觀眾：有咩令你堅持？
張：是一份傻勁。不知做咁耐……
觀眾：今早看完這套電影的爭議，同學和你的共識，是不打算公開放映，現在出現了主角的表態，你會不會打算和他們直接溝通？有咩想同他們說？
張：一開始，2011年有一個同意書、協議，所有拍紀錄片一開始都是要簽咗先，如果不是對所有人都沒有保障。攝影隊要知那些footage是可以用，要有這個權利，如果不是，是做不了下去，當時簽了一個幾廣義嘅嘢，以後可以在戲院、任何公眾場合、電視、各種渠道都可以放，寫得好闊。當然當時未知道，會不會真的有戲院幫我們放，當時點會知，但寫係包晒，戲院公開放映都包括。
我覺得我們有很多不同團體、界別，有教育界、有電影界、有青少年界、有同學、有學生，個個人對所有嘢的理解都不一樣，中間可能有理解上的落差。這個問題應該要正面去處理，我們一定會跟女生坐下慢慢傾，呢個一定會做。
（記者之後再針對被訪者的質疑，再向張婉婷查詢，將後續報道。）
#給19歲的我 #張婉婷
【閱讀更多】wp.me/paYuMq-yH
【訂閱我們】 / @hkcitycreation

[@maywin5925]

多謝大城誌報道🙏🙏🙏 此張導演真非常無恥，明明傷害咗年青人，還話自己係照顧年青人 😡😡😡

[@Duffman_Reigns]

人比電影重要 大人又比未成年人重要 一切都好動物農莊

[@theresatang8467]

"人最重要“？拍攝中途已經有人唔想拍，點解要繼續？係妳要拍，因為妳唔想浪費已拍好嘅，而唔係啲女仔。

[@medicom_fans7168]

人性的醜陋！...

[@dennisccm]

唔想拍嘅一位途中已退出

[@kennyho927]

機關算盡，厚顔無恥！！

[@luckyip1875]

張大導話：對學校嚟講，人比電影更重要！ 咁阿張大導，你又覺得兩者邊樣重要？電影係你拍㗎喎！

[@iskc2052]

有睇曬成套戲 唔係去到咁偏激 估計引起咁大風波 最主要係班細路女啱啱到咗人生另一階段 開始係社會立足未企穩 唔係好想畀人知過去 尤其反對聲音最強嗰一位 雖然以前擔任學生會長 但係細個同屋企關係一般 考唔到心儀大學同埋學科 又收兵等 對二十出頭女仔仲未夠成熟跨過呢個心理關口 好淡然咁睇過去 導演要考慮一下 或者再過多十年班女仔再成熟啲 睇番就會覺得係小事一宗 呢個位先係兩代人最大嘅分歧 呀導演你活到一把年紀 錢財名利已經擁有梗係冇所謂 可以睇到好化 但係班細路女只是人生開始 尤其是活喺social media咁發達嘅世代 千禧後機不離手 梗係唔想留 黑歷史

[@luckyip1875]

感謝大城誌嘅高效報道！🙏🏻🙏🏻🙏🏻

[@freemanyip9143]

見個勢唔對路就出嚟話人比電影重要，咁點解唔一早停仲要喺戲院出現？仲有唔該將呢部紀錄片永久落畫

[@kwokyau372]

當初協議咁'寬闊'，即是一早已經預謀左會公影喇，心機算盡，試問初一小女孩能夠say no 甚或父母監護人有否清晰協議書之內容，有否誤導？

[@winnietam5858]

溝通 乜有得溝通咩 你一早知道 又扮唔知情 可恥呀

[@Vauxhallkoo]

無恥張大導演

[@wanwan1828]

大城誌及時展示事實👍👏

[@theresatang8467]

協議書寫得咁闊，只係保障妳，當時妳有冇提醒家長應該請教律師，以保障參與啲女仔嘅權益？

[@SunnieWoo]

家長簽協議書前要考慮清楚，請教律師與否係簽名人嘅責任點可以將責任推去導演度？簽咗協議書就要遵守合約精神，依家擺上網用公眾去施壓又值得鼓勵與支持？咁簽協議書嚟做乜？

[@theresatang8467]

@@SunnieWoo 因為家長可能冇相關知識，唔完全瞭解協議書嘅內容同法律效力，張婉婷一方喺道義上應該"提醒"對方請教律師，若果有律師參與其中，有乜紛爭就可以依法處理。 如果唔係李慧詩企出嚟抗議，佢哋會暫停？阿聆萬言文條link迅間被撤，一個普通女仔可以點對抗校方、一個有聲譽嘅導演、仲有輿論嘅壓力？

[@baikwong1721]

2月6日星期一早上電台上志雲大師說，張婉婷絕對不會“偷呃拐騙”。 謹補充一下：據張以前接受訪問時她自己的話，“秋天的童話”她在美國曾經以“呃+偷”的方法搶拍成功（包括假冒官員簽名，未經批准拍攝等），而最近訪問中又提到日本拍攝單車比賽一事，也是在無有效記者入場證下蒙混入會場的。更值得注意的是：張對這些事直認不諱，（似乎）還有點洋洋自得。

[@wanwan1828]

吾係支持張婉婷！支持成長的少女與年輕人💪💪👊！希望堅持真心發聲表達自己的想法。

[@racheltse73]

協議中的權限,原來吾同界別有吾同理解;就好似容已完口中的「人人都有不同的良知」

[@williamdurnan2190]

花費10年拍攝學生成長過程, 與此同時為何不攝錄校長/教師的心路歷程❓ 初心承諾是替學校籌欵校內播放, 但長遠計算放進影院吸金力更高🤷 「恰/呃19歲的我」

[@hchan3860]

The film director is a full faced liar.

[@dennisccm]

有人拍微電影，拍廣告就冇問題？！究竟反對電影內容？！定係推落導演轉移自己嘅責任？！

[@mawchequein5344]

自己感受嘅旁白,即係主觀咁套落D學生度嘅睇法.屈佢哋.傻勁？你當人傻就真.即係夾硬嚟.

[@JJ303sydney]

Thank you 👍👍👍

[@standwithstandnews]

張導演有潛質做高官，支持大城誌

[@mawchequein5344]

暫時停止放映,暫時？？

[@noelleung6643]

真係無恥

[@peony.c4738]

處理「人」的問題

[@CK-jo4nd]

現代版岳不群。

[@irisssschannn7645]

張導咁嘅年紀，把聲又幾好聽喎!