Рет қаралды 306,937
之前林作曳曳豬,同like咗好耐嘅牛津同學Victoria夜蒲仲要斷正,令喺內地拍緊劇嘅麥明詩嬲到唔接佢電話!
上個禮拜五,林作終於約到麥明詩出嚟,仲專登佢哋第一次約會嘅法國餐廳食飯。初時兩個傾到笑晒,講講吓,麥明詩拎起個餐牌遮面。吓,唔通作作講三級嘢!但冇耐就變晒mood,黑晒面。跟住麥明詩仲突然喊起上嚟。
話晒係十優港姐,要保持儀態,麥明詩係咁深呼吸,希望忍到喊。但啲眼淚完全不受控,係咁湧出嚟。女友喊到收唔到聲,林作惟有係咁狂氹。佢有佢氹,麥明詩繼續喊。掛住氹女友,林作成晚冇食嘢。箍煲飯兩粒鐘,走嗰陣,麥明詩已經喊到妝都甩晒,心痛死啦!
Anyway要氹真係趁早,嚟緊麥明詩遠赴巴西做奧運,一飛成個月咁耐冇得見o架!
壹週Plus : hk.next.nextmedia.com
即 like 壹週Plus fb : nextmagazinefansclub