獨家新加坡專訪丨朱咪咪細訴《審死官》奶媽bra珍藏至今 帶泉叔參觀娘惹博物館

獨家新加坡專訪丨朱咪咪細訴《審死官》奶媽bra珍藏至今 帶泉叔參觀娘惹博物館
各地防疫陸續放寬，TVB娛樂主播王鎮泉（Jeoffrey）衝出香港，前往新加坡探望好耐冇同大家見面嘅朱咪咪，相信觀眾都好掛住咪咪姐幕前演出，而咪咪姐就覺得自己好幸運，有機會演出讓大家印象深刻嘅電影角色。
咪咪姐回想拍咗好多星爺有份主演嘅電影，當中最難忘係演《審死官》，咪咪姐細訴飾演奶媽嘅趣事：「佢哋服裝買咗肥婆Bra，裡面裝兩個入晒水嘅氣球，要有啷吓啷吓嘅真實感，結果嗰場戲講我同梅艷芳要救星爺，星爺畀人捉，忽然『卟』唔見咗一邊，氣球爆咗，走去便利商店臨時買避孕套，避孕套彈性好啲，點知避孕套都爆。」
咪咪姐指拍電影時間緊湊，自己得一件劇服，每次熨乾要45分鐘，所以服裝部用「塌塌米」疊蓆整咗兩嚿圓形，改裝成一個bra，令咪咪姐順利演戲，咪咪姐將呢個bra珍藏至今：「咁就從此冇爆過，一直用到而家，我幾乎放喺夾萬。」
咪咪姐演出多年最難忘對白就係《逃學威龍3之龍過雞年》演日本管家「呢卷廁子」一句對白「天呀！求你賜一個精壯嘅男人畀我」，仲有《唐伯虎點秋香》經典《雞翼歌》，咪咪姐笑指呢首歌好經典：「就算我而家去邊度表演，無論香港、外國、馬拉，佢哋都係睇呢啲戲成長。我而家去外國好多人都叫我『二妹姐（《陀槍師姐》角色）』或者『奶媽（《審死官》角色）』，呢兩個名號好響噹噹。」
因疫情令演藝圈停擺，咪咪姐喺疫下回新加坡，跟阿仔及媳婦同住享受家庭樂，咪咪姐一向愛「買磚頭」作保值投資，早已喺香港及新加坡置物業，咪咪姐留喺新加坡兩年，不時到馬來西亞開工，咪咪姐笑言目前工作已安排到出年４月，咪咪姐更盡地主之誼，帶泉叔參觀當地富有特色嘅娘惹博物館，咪咪姐逐一介紹古董展品相當有趣。
#朱咪咪 #王鎮泉 #新加坡 #呢卷廁子 #雞翼歌 #審死官 #娘惹博物館 #二妹姐 #奶媽 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@terryleung3037]

祝咪咪姐身體健康, 快返來香港同我哋見面XD

[@theobserver8881]

好多开心嘅童年回忆～～

[@QuantQ168]

呢類新加坡兩層shophouse 排屋好值錢，屬於珍贵保育物業，成交價可以上億港紙如果位置在市中心或遊客區

[@davezhang8866]

佢好似話玻紙丙千萬。

[@owenowen_another]

朱米米應該在圈中人緣唔錯,觀眾緣亦好,所以不停有得做。

[@星仔星仔]

后无来者👍👍👍👍👍👍👍👍👍👍👍👍👍👍👍👍

[@yllam3995]

講嘢梗要有牙力，睇牙梗要揀有實力。

[@mariacwong3002]

Chu Mi Mi is a professional singer; Chau Sing Chee gets the fame of *clown in the entertainment field*!

[@星空之劍-l2j]

咪咪姐真係好人

[@快樂小雞雞]

朱咪咪真係好靚，老了有個伴侶好似佢咁，真係三生有幸