Рет қаралды 821
د مالیې وزارت اړوند د ملی پراختیا شرکت په ۱۳۹۸ هجري لمریز کال کې د یو شمیر دولتی تصدیو له ادغام سره تاسیس سو، چي په بیلا بیلو برخو لکه؛ تولید، کرنې، کانونو، بندونو او د کانالونو په سکټورونو کي فعالیت کوي
د ملی پراختیا شرکت له تاسیس څخه تر دې دمه په ټوله کې له ۱۰۰۰ څخه ډیرې پروژی تر لاس لاندې نیولی، چي ۴۶۳ پروژې یې سرته رسولي او د ۶۱۴ پروژو چارې ولاړې دي خو که چیرته د پروژو مالکان د لګښتونو د ورکړی په برخه کي همکاري وکړي دغه شرکت چمتو دی تر څو یادې پروژې هم بشپړې کړي
اوس مهال د ملی پراختیا شرکت د هیواد په کچه ۱۲ سترې او ملی پروژې تر لاس لاندې نیولي او چارې یې په خورا چټکۍ سره روانې دي، چي له ډلی یې د هیواد په شمال کي د قوش تیپې ستر ملی کانال، د نیمروز ولایت د کمال خان بند کانالونه، د تخار ولایت د نمک آب کانال، د زابل ولایت د تورې بند، د ملی پراختیا شرکت د دفتر مرکزی ودانی، لاله استوګنیر ښارګوټی او د ځینو نورو پروژو رغنیزې چارې روانې دي