單車郊遊#

單車郊遊##南昌##8號仔##昂船洲大橋底##荃灣西##貨柜碼頭##貨運業狀況
各位朋友早晨，我係深山大叔，今日踩單車。
喜愛踩單車的朋友，呢個禮拜踩咗車未？
今日介紹一條冷門又好多人識的路線。由南昌出發，踩去8號仔橋，即是昂船洲橋底，望住青衣，然後沿貨柜碼頭踩去荃灣。好短路，單程14K，好快踩完，不過沿路貨柜車、貨車多，好危險，盡量避免，其實可以選擇由荔景山路往荃灣，較無咁危險。又或者晚上或假日，貨車較少時間踩，會好小小。
貨柜碼頭，在上世紀90年代，貨運黃金黃金時期，發揮著很重要作用，那時候尚未三通。即是大陸與台灣尚未通郵、通商、通航，貨物進出口台灣與大陸，要經香港中轉。中轉令香港運輸業發達。運輸工要轉柜工作，即是台灣柜到香港後，貨物轉大陸的話，要把貨轉入大陸柜，才可付運。同理，大陸貨到港後，要轉入台灣柜。當時的大陸柜，一般是中遠航運 Cocso。台灣方面比較有名的包括：長榮Everygreen、萬海Wan Hai、陽明Yang Ming，三間航運公司。香港著名的是東方海外OOCL，擁有人是前特首董建華家族，董建華是船王董浩雲兒子，最為香港人知道的是-海上學府-。那時候貨柜碼頭天天塞車，排一轉入貨柜碼頭，動輒3小時。那時候我是一名貨柜車司機。早開工0700，沒有收工時間。最早放工時間，是播晚間新聞。最晚放工時間是-下夜-即是凌晨2時後。因為路上塞車時間、碼頭取柜或外倉取柜約3-4小時、到客裝貨3小時，到碼頭交柜又3-4小時，一轉車由取柜、到客、交柜，快者8小時，耐者12-14小時，一天走一至兩轉的話，上午取柜到客交貨，差不多半天，走多一轉的話，凌晨了。
沿貨柜碼頭走至青衣南橋底轉入醉酒灣卸貨區，再轉入荃灣屠房方向，就可以到達荃灣海濱花園外的單車徑，沿單車徑可往荃灣西站。也許可以到單車徑盡頭後，踩上青公走一轉。
謝謝收看
歡迎訂閱、點讚、甶言、分享
拜拜

[@pwc3717]

啊叔渣貨櫃最後渣摺單車，不如渣共享單車哈。。😂😂 我反轉剛考中型

[@pwc3717]

葵泰路係中型重型拍位調頭必修！！

[@pangwaitang]

🎉 除咗睇你介紹路線仲聽返老香港啲嘢幾正

[@kathylmtam]

輕鬆易踩👍👍👍謝謝你分享片段😅真係要星期日踩嚟安全好多，我就無踩去荃灣。

[@oooooo-uj5bf]

支持呢拍多d片，不過一定要注意安全。

[@深山大叔]

啱呀。謝謝欣賞

[@bendomlam]

正呀！哩條路線，不過踩馬路，我未敢住！

[@深山大叔]

慢慢黎

[@M.........]

深山師兄，如你所說，還是茘景山那較安全，長榮我還祇是想起那酒店的自助餐。也道盡了貨櫃運輸興衰。海上學府就燒了以後，殘骸擱在海上許多年也沒有清掉。

[@深山大叔]

是的

[@paulfung2974]

哩條路我上星期六晚由荃灣返出黎，去到興華街西迷路，要由南昌公園返出長沙灣😅但係就完全無車

[@深山大叔]

貨車收咗工，平安