حدائق الأهرام فى الجيزة، جولة تفصيلية على الطبيعة

جولة بالتفصيل فى شوارع حدائق الأهرام
هنعدى على جميع البوابات والشوارع الرئيسية وشارع جانبى
وهنقول معلومات عن الاسعار والمدارس والخدمات
من شارع الجيش الى شارع الضغط إلى شارع الثروة المعدنية الى البوابة الاولى ثم البوابة التانية الجديدة ونرجع من التانية الى الثالثة وندخل شارع الضغط ثم شارع الخزان الى بوابة حورس
وندخل شارع جانبى فى منطقة ع

[@motucker29]

شكرا للفيديو الجميل الي بيشرح تفاصيل الحدائق.

[@bebemohamed1746]

شكرا لحضرتك علي التعب و المجهود الكبير ، فعلا كنت عايزة اخد فكرة عن حدائق الاهرام و حضرتك قدمت فكرة كافية و وافية .

[@hananelhassan1148]

دا اهم منطقه فى مصر المهم تكون جميلة خاصة للسياحة

[@alielgamra2902]

لك ان تتخيل المكان دا في افضل مكان آثري ف العالم رمال ع الطرق غبره وآشجار موضتها قدمت وزباله ع الجوانب اي ال يفرق عنها وعن نزله السمان ما فيش تطور خالص ف البنيه التحتيه ف مصر فعلا

[@abomoaaz7245]

مسئولين الاحياء شوية حراميه الناس في الحي زهقوا من الشكاوي وعندنا إعلام عاهر شغلته التطبيل بس

[@yassertube4604]

مسئولين الاحياء حرامية ومرتشيين محدش بوظ حداىق الاهرام غيرهم واعلام فاجر شغلته التطبيل وخلاص حداىق الاهرام كان مخطط لها مدينة على شكل كمبوند وكل بوابة لها خدماتها بمول وكدة على نمط الرحاب ومدينتى لكن الفساد والاهمال من الجمعية وصلها للمستوى دة

[@abeeryousef1249]

جزاك الله خيراً على مجهودك.. كنت محتاجه آخد فكرة، ربنا يبارك في حضرتك

[@sosouua5903]

بتفرج في امان الله قرات الكومنتات قفلت شكرا لكل اللي قال الحقيقة سواء ايجابية او سلبية

[@samehbarsoum8834]

لو سمحت صورلنا المرحله الثانيه من توسعه الدائرى

[@SmsmSmsm-uh6my]

جولة جيدة جدا ... شكرا . عيد أضحي مبارك أن شاء الله .

[@Egy.projects]

شكرا لحضرتك وكل عام وانتم طيبين وبخير دائما وإن شاء الله هنزل شرح حدائق الأهرام على القمر الصناعى

[@mahmoudbadawi6471]

الطرق في البوابة الثانية القديمة غير مرصوفة وكلها مطبات الصرف الصحي سيء للغاية كل يوم المياة مفرقة الشوارع. برجاء نشر الجيد والسيء لتحسين الصورة والخدمات شارع العشرين مثال سيء للشوارع.

[@alrawi2001]

السلام عليكم اخي العزيز .. انا اخوك من العراق واشكرك على مجهودك في هذا الفيديو الرائع ... انا حابب اشتري شقة في مصر وممكن على شهر 9 اكون في مصر ان شاء الله ... اتمنى اسالك بخصوص شارع الخزان الي ذكرتة في الفيديو ال 20 متر عجبني بصراحه .. ممكن اعرف شقة 3 غرف و 2 حمام في هذا الشارع تعمل كام تقريبا ... يا ريت مجرد فكرة على الاسعار .. ولو في تواصل واتساب اكون شاكر الك اخي

[@Egy.projects]

الافضل انك تشترك فى جروبات الفيسبوك الخاصة بحدائق الأهرام وتشوف الشقق المعروضة للبيع وتدرس الأسعار لكن لازم تعرف ان الاسعار بتزيد فى المنطقة بشكل كبير حاليا

[@user-rh1gy2uc1d]

يعني البوابه الرابعه ع طريق الواحات المودي إلى زايد صح

[@Egy.projects]

بالظبط

[@yaseinys8864]

شكرا يا برنس علي التصوير الجميل عايزين مكتب عقارات عايزين نشتري شقه مطله علي الأهرامات تكون تشطيب جميل ومساحه حوالي ١٨٠ متر

[@Egy.projects]

ممكن تشترك فى جروبات الفيسبوك الخاصة بحدائق الأهرام هتلاقى شقق معروضة للبيع

[@asmaaayoub8298]

مفيش اخبار عن رجوع البناء تانى فى حدايق الاهرام

[@Egy.projects]

لسه

[@amirraouf1332]

انت بتقول وصلت ٤٠ مدرسه ولا المصاريف ٤٠ الف ؟

[@Egy.projects]

٤٠ الف

[@soumayasami6577]

حضرتك الاسعار وصلت 15000المتر والشقق عدت المليون واكتر شكرا

[@Egy.projects]

ده حقيقى واكتر من كده كمان

[@Kemetian401]

ارجو الرد، حدايق الاهرام ارقي ام زهراء المعادي

[@Egy.projects]

الاختيار موضوع نسبى يعنى على حسب الشخص يعنى ممكن تعجبنى مناطق محددة فى حدائق الأهرام وأماكن تانية لأ وكذلك زهراء المعادى نصيحتى هى ان تقوم بزيارة كل منهما

[@mahaelkateb6257]

انا عندى فى زهراء المعادى بعد فودافون..واسكنه فى حدائق الاهرام طبعا زهراء المعادى افضل كتيييير الفيديو مش حقيقى..هو صوره فى العيد روحوا دلوقتى وتشوفوا الوضع صح للاسف😡

[@user-bd2kr8my7t]

ممكن رقم الهاتف

[@Egy.projects]

انا تحت امرك لو فى استفسار او حاجة

[@user-et2lj9be1d]

ممكن تبقى مثل التجميع لو مشيتوا البوابين بتوع الفيوم ال موسخينها همه واولادهم وحولوها لمنطقة شعبيه ولعب كورة والفاظ وسخه وايه سبب سيطرة بتوع الفيوم عليها

[@mahaelkateb6257]

شوارع مكسره سيئه جدااا..مفيش رصف..بوابات زحمه وعربيات السوزوكى زباله قافله البوابات.. محالات السوبر ماركيت والخضار والفاكهه غاليه جدااا..😡😡

[@shehabmousa]

دي صحرا

[@Egy.projects]

كل ده وصحراء اتفرج على الفيديو طيب!!

[@yassertube4604]

فين الصحراء دة بقت زحمة زى الهرم وفيصل

[@AmrMohamedAbbas]

مكان بائس ووحش جداً افضل اماكن فى مصر هى التى تتبع هيئة المجتمعات العمرانية غير كدة قرف

[@RKO20240]

كنت ناوي اشتري بس الكومنت بتاعك قفلني بس ليه بتقول كدا ؟

[@Egy.projects]

انصحك تنزل تشوف بنفسك المنطقة كويسة للمعيشة فى رأيى والسلبيات هتلاقيها فى كل مكان زى الحدايق لكن لما تنزل هنشوف السلبيات دى تقدر تتخطاها ولا متنفعش معاك الحدائق فيها تنوع فى المناطق يعنى فى منطقة زحمة وفيها محلات كتير وده ليتناسب مع بعض الناس وفى منطقة هادئة جدا ومفيش محلات كتير وده مناسب لبعض الناس نصيحة انزل بنفسك وشوف الشقق المعروضة ولف فى منطقتها الاسعار فى الحدائق ما زالت مناسبة لمستوى الشقق فى التشطيب والمستوى العام بالقياس مع مناطق تانية كتير

[@RKO20240]

@@Egy.projects تمام اشكرك

[@officer905]

الصراحة مكان جميل البيش ف بيعرف

[@mohammedalalwani4787]

@@RKO20240أنا ساكن فيها وببيع عايز أطلع الحسنه الوحيدة اللي فيها موقعها والخدمات غير كده قرف