حداق الدوحه ومعلومات يجهلها الاغلبيه - VLOG2

[@نبضعراقيحر]

موفقون واسعدت اوقاتكم گروب ابو دعيج انت لطيف ومحترم تستحق المتابعه

[@abo_d3ej]

حبيب عمنا الغالي وربي يحفظك ويمدك بالصحه والعافيه يارب

[@Mishari_Q8]

قوووه بودعيج هذا كرفاني كل يوووم اروح اقعد في اللي يخلي ولا يمرر عليه ❤

[@abo_d3ej]

يقويك يالغالي ... اي انا اشوفه صارلي فتره موقف ومرات الدكات تصير زحمه ولا نقدر نقعد لان نقول يمكن راعيها يجي بعد شوي وعشان جذيه طرحت الامر ... تسلم :)

[@semaphro1]

الله يبارك فيك

[@abo_d3ej]

ويبارك في حياتك الغالي 🌹

[@sultan4549]

معاك ياسالم

[@abo_d3ej]

يسلمك ربي :)

[@lifestile8310]

خوي سالم. ماشاء الله تبارك عليك. نشيط ومقنع ونتعلم منك. جزاك الله خير الجزاء وبارك الله فيك. معاك ياسالم هذا بحرنا ونحبه يكون نظيف

[@abo_d3ej]

خير ما ذكرت ويجزيك بمثله ،،، وبادك الله فيك :)

[@hussain_3137]

قواك الله عمي صج استفدنا وونستنا 🙏🏻

[@abo_d3ej]

الله يسلمك يا قلب عمك ويحفضك وتستاهلون :)

[@GmcCmc]

اخوي ابو دعيج المزلاقانه شلون تنصاد عدتها اكلها مكانها اخوك حده غشيم ومشكووووور وربي يشهد ادعي لك من كل قلبي لما شفت لك في احد ردودك في تعليقاتك في حلقة لفاح عن اجلكم الله والقاريء عن الحذاء الي عند الروضان رحت له وانصدمت كل الي ابيه لقيته عنده الله يرزقنا ويرزقكم ويرزقهم ويرزق عباده ومشكور الله يجزاكم خير ويسعدكم 🌹

[@abo_d3ej]

يا هلا باخوي الغالي ويجزاك بمثله ،،، ويرزقك ربي ،،، ابد المزلقانه حالها حال اي سمجه تنصاد بخيد ولكن قاعها رمليه بطين ... تنصاد ميدار صغير والجيمه غير محدده لان على حسب مرعاها تتغير ... وفي ناس يصيدونها بعده بعد .... وفي ناس تصيدها قمبار اكثر شي .... بالقمبار تلقى القبقب والوحره واذا لقيت الوحره تلقى جارتها المزلقانه بس الوحره لو دافنه نفسها تبين شوي اما المزلقانه يبيلك لوكس قوي عشان تشوفها ... وسلامتك وتعيش

[@GmcCmc]

@@abo_d3ej مشكووووووووووووور مشكووووور الله يجزاك خير

[@W6NE.]

بالتوفيق بو دعيج كفوووو تستاهل الدعم

[@Talal_Shabakouh]

والله اخوي المعلومات الي دسمتنا فيها جميلة يريت تسوي حلقة حداق يال جسر جابر

[@abo_d3ej]

ابشر ان شاء الله ... بس حاليا توني شاري طراد الله يبارك لنا فيه وقاعدين نضبطه سيرفس كامل .... راح تكون الحلقه الجايه ان شاء الله بالطراد باذن الله

[@Talal_Shabakouh]

و اذا تمنتج بالتلفون او الايباد استعمل برنامج capcut سهل للمنتاج و بدون علام مائية و الدخلات بين اللقطات الي في حلوه

[@abo_d3ej]

اي اخوي جربتهم بس ما ينفعون لان التصوير اللي اصوره حجمه كل حلقه قبل المونتاج فوق ٤٥ جيجا .. انا استخدم فاينل كت برو ... الاصلي شراء ٣٠٠ دولار ... فيه تنقلات وكل شي بس ما اقدر اكثرها لان يثقل حيل الفيديو والتصوير بعد فل اتش دي

[@sama66forever]

اي صاج الى الان الكشاف وغنفاته موجوده

[@abo_d3ej]

والله صارلي فتره مارحت ... لكن في واحد نبهني على شغله وقال يمكن راعيهم متبرع فيهم للناس اللي بتقعد !! هم يجوز .... عموما على يوم اذا رحت وقلتهم راح اشوف الكشاف اذا شغال راح اشبكه على البطاريه واقعد واشوي انا والاهل ومن اخلص اغطيهم وامشي :).

[@ijarrah6193]

هذي اغراضي انا كنت حاط كرفاني بس المشكله اني حطيت واجد اغراض مثل ما انت شايف و توهقت بالشيله و كنت حاطهم للاجار و اذا جا احد قعد فيهم عادي بس للاسف انباق كل شي بس استاهل الصراحه مفروض ما اخليهم مده طويله

[@abo_d3ej]

الله يعينك ياخوي ،،، واما انسرقو موجودات بالبلديه لان بعد هالفيديو وبقروب اهل البحر كلمني واحد من البلديه وقال وين هالمكان ووصفتله وشالو اكثر من ٢٥ طراد سكراب وتريلات وو. ووو. ووو. ووو بيوم واحد شالوهم ونظفو هالسيف من اوله الى اخره .... راجعهم البلديه اذ بغيتهم يمكن تحصلهم والله يعوض عليك

[@ijarrah6193]

@@abo_d3ej جزاك الله خير بمرهم ان شاء الله و اشوف

[@sultanbader6281]

اتمنى اذا سويت حمله أشارك معاك بالتنظيف. نزل اعلان صغيرون باليوتيوب عشان نعرف متى موعد الحمله وانشالله احنا معاك

[@abo_d3ej]

كفووووو بآذن الله يتم هالشي وبادك الله فيك

[@abdulkarimalrashidi5497]

السلام عليكم ورحمة الله وبركاته يا مرحبا اخوي الله يوفقك وتستاهل من يتابعك

[@abo_d3ej]

وعليكم السلام يا هلا وغلا ..... اجمعين وتستاهل الطيب وعلى راسي شرفتني

[@Yousef-hr3dt]

شنو وجهة نظرك حل غير التربيه حق الي يوصخ هالاماكن

[@abo_d3ej]

ما يمثل اهله ويمكن اهله من اطيب الناس .... بس هو يمثل غرفته اللي عايش فيها

[@7dag_h92]

اول شي الله يوفقكم فالصيد فالمرات الجاياه وياليت تجرب الخيران قبل كم يوم مطلعين ١٨ قرققانه ثاني شي بالنسبه للي يوصخون البحر او البر ما ادري شالحل معاهم لاكن متأكد انهم ناس عديمين مسؤوليه وناس ماتستحي

[@abo_d3ej]

الله يسلمك واجمعين يا بعدي .... صدقت والله يعيننا عليهم وربي يهديهم ويصلحهم وشرفتني يالغالي :)

[@W6NE.]

بحرنا نظيف يالسلم

[@abo_d3ej]

@@W6NE. كفوووووو وراح ابلغك باذن الله بتحديد الوقت انت وكل من يساهم معانا في تنظيف السيف تحت هاشتاق #بحرنا_نظيف

[@Orka90orka90]

قواك الله والسموحه على تدخلي بالموضوع اسم الاسمجه الهجينه شبيطي مو شعيطي ومره ثانيه اعذرني يا الغالي

[@khalidalbaochi]

👍👍👍👍👍👍🤲🤲🤲🤲🤲🤲🤲

[@Yousef-hr3dt]

والله هالمكان بالدفار ممتااز جداً

[@abo_d3ej]

صحيح بس مو من نفس المكان اللي انا قاعد فيه قبالي غزر ..... رووح يسار من عند اول دجه المايه قصيره هناك وادخل لين تصير السفينه يسارك وشوح كرنكات كاستينق

[@3Q8]

يمكن حاط القنوات حق الى بيقعد

[@engbaderalazmi2134]

حبيب ابو دعيج والله الحداق حلو واحسن من القعده بالبيت بس كل شي مسكر مافيه سيفه حلوه حتى لو ودك تقعد مع عيالك واهلك وتبي تاخذ راحتك . انا من جيلك ويوم ذكرت ان الواحد يطلع عياله تذكر فرضة فحيحيل سوك السمك سيفة من السوق الى الديره او يمكن للصبيه ماكو الا شاليه عدد شاليهات ينعدون على الاصابع وعندك بعد القهوة الشعبية ابوحليفة ومنتزه العقيله والحداق حلالي وكنت احدق خلف ماكدونالدز ابوحليفه ولاكان فيه شاليهات بس مرات تحصل سكارى😅😅😅😅😅 ومالهم شغل فيك 😅😅😅 حتى البر ماكو شي انا تقدر تقول هاوي حداق بس على الخفيف وجربت الطراد بس يوم رحت لعمان صلالة وشفت البحر شلون نظيف تحسفت على الديره وعلى سلوكيات الناس تحي المكان نظيف تقلبه اجلكم الله زبالة يااخي اترك المكان مثل ماكان يمكن الي قبلك جاء للمكان وخلاه نظيف للي بعده مثل فيه فيديو لراحد عربي بامريكا صور استراحة على طريق سفر بامريكا عزكم الله حمامات يقول شفت شي غريب لايوجد عامل نظافه بس المكان نظيف وجاه فضول يبي يعرف طلع ان الناس عنده سلوك جيد وممتاز هو ان نظافة المكان يعتمد على الشخص نفسه وسلوكه واحترامه للاخرين مثل ما الي قبلك ترك المكان نظيف تترك المكان نظيف للي بعدك واستمر الحال على ماهو عليه والمكان مثل ماتقول استراحة عامه للمسافرين حديقه وحمامات .

[@abo_d3ej]

حبك مولاك يالغالي .... صحيح كلامك وانا اقول لك اقسم بمن احل القسم ... ان حتى باكيت الزقاير مالي اشيله بالكيس معاي واربطهم واقرب حاويه اقطه فيها ... بس قلتها قبل اللي يوصخ ويخلي اغراضه اهله يمكن يكونون نظاف وطيبين ولكن تلقى غرفته اهوا الوصخه ... وبالنسبه لاوروبا وتحديدا اميريكا قعدت فيها سنه ونص اشوف اهل الشارع اللي انا ساكن فيه كل سبت ينظفون الساعه ١٠ الصبح ولما شافوني ساكن سالوني وقلت عربي وقالو خلاص انت ما تشملك دامك مآجر ... قلت لا انا معاكم ولما شريت الكياس وجبت الاغراض طاحوله تصوير وجت قناه للمنطقه اللي انا فيها وصوروني وقالو شخص عربي مقيم لفتره بسيطه ينظف المنطقه ويتبرع بآدوات التنظيف ... احنا ما نبي ربعنا يصورون بس نبيهم اهما يهتمون بالتنظيف ... وسلامتك :)

[@abo_d3ej]

اما بخصوص العايله حلوه الدكات هذي ... سو نفسي تعال قبل رشة المايه ٣ ساعات ولع الفحم واشوي واول ما تاكلون وتخلصون يكون باقيلها ساعه اعلى مد ... خلهم يستانسون يلعبون والاهل يشربون الشاي وروح للسيف وشوح سنارتك ،،،، وهم وراك تقديبا ٣٠ متر يعني شوف العين ... منها تتمتع ومنها ونستهم .... بس ما وصيك وما يحتاج وصايه يا بعدي ... لا تنظف ولا تشيل ... قول حق العيال يا بابا شيلو الاغراض حطوهم بكيس الزباله ... لان العلم في الصغر ك النقش ع الحجر .... رسخها في اذهانهم وسلامتك وتعيش

[@يومياتمربي-ذ1ط]

كفو تستاهل الداعم

[@bbbb-eh7iz]

وياك وياك ادعس