إصدار شهادات البنك الأهلى (الشهادة الجديدة) من خلال تطبيق الأهلى موبايل

[@mohammadnabil5255]

والله العظيم إنت آكتر واحد شفته بيشرح صح الصح وخطوة خطوة الله يجزاك كل خير

[@F-Club-Media]

الف شكر ليك. تسلم يارب

[@yasserqabbary5461]

شكرا لحضرتك على الاهتمام بشرح بسيط ووافى .

[@yasserqabbary5461]

والأهم من الشرح المترتب الاهتمام بالرد على الناس بارك الله فيك

[@F-Club-Media]

يارب تسلم، و منتحرمش من الدعوات الحلوة دى يارب

[@ahmed312x]

جزاكم الله خيرا

[@F-Club-Media]

تسلم يارب. شكراً لذوق حضرتك

[@b_j2445]

شرح واضح ورائع شكرا لك

[@F-Club-Media]

الشكر لله، تحت أمرك سعيد إنه قدر يساعد حضرتك

[@marwahassan6654]

👍

[@Magda-on4ql]

شكرا لحضرتك علي هزة المعلومه🤣

[@mosa.2114]

السلام عليكم يا ريت توضح ازاى اكسر شهادات بنك مصر وهى الشهادة المتغيرة وشراء شهادة اخرى عن طريق النت . وللتوضيح تم مرور ٩ شهور من مدتها

[@romaroma548]

مساء الخير

[@georgesobhyy]

من فضلك لو استرديت شهادة واشتريت واحدة تانية بنفس المبلغ بس بفايدة اكبر من التطبيق بس في يوم الاجازة... كل ده هيسمع في التطبيق في ساعتها ولا في اول يوم عمل؟

[@F-Club-Media]

لو استرديت أو اشتريت شهادة فى الاجازة بيتم تنفيذ العملية على التطبيق علطول بس تاريخ الاستحقاق بتاع العمليه بيكون أول يوم عمل بعد الأجازة.

[@daliaelganzory4452]

لو سمحت .انا عندى شهادة ها تنتهى 10/ 9.استردها الاول وبعد كدة اعمل شهادة جديدة ممكن تفيدنى بالله عليك

[@F-Club-Media]

لو عايزة تغيرى نوع الشهادة تقدرى تسترديها الأول، و بعدين تعملى الجديدة. بس عموماً لو هى نفس النوع و لسه متاحة فى البنك، هيتم تجديدها تلقائى. و تقدرى من هنا تشوفى الشهادات المتاحة و عائد كل شهادة و مدتها kzbin.info/www/bejne/aWO0k6Sfp6Z1aK8

[@daliaelganzory4452]

@@F-Club-Media الف شكر لحضرتك.بس الشهادة اتجددت تلقاءى لمدة سنه بفايدة سته فى الميه .الاول كانت 3 سنين وبفايدة 13%

[@F-Club-Media]

تقدرى تسترديها قبل إضافة أول عائد بعد التجديد. بس لو عامله بطاقة ائتمان أو قرض بضمان الشهادة هتبقى متجمدة و مش هتعرفى تسترديها. انما ممكن تغيرى نوع الشهادة من خلال الفرع أو تكلمى خدمة العملاء.

[@dadoelking1287]

لو سمحت عاوزين معلومات عن شهادات ذو الستة اشهر للشباب ياريت الرد ضروري

[@ياربرحمتك-ل8ظ]

بعد إذنك لو عملت شهادة ب١٢ ألف في الشهادة الجديدة البلاتينيه ١٥ بعائد شهري لمدة سنه كم يكون العائد في الشهر

[@F-Club-Media]

(١٢,٠٠٠ * ١٥/ ١٠٠ ) / ١٢ = ١٥٠ جنيه فى الشهر

[@ياربرحمتك-ل8ظ]

@@F-Club-Media شكراً لحضرتك

[@F-Club-Media]

تحت أمرك

[@hebamostafa2788]

في فيديو لكيفية استرداد الشهادة من الابلكيشن ؟

[@F-Club-Media]

جارى تحضير الفيديو..

[@mohamedelmasry544]

طب أنا عملت شهادة بس متبعتليش لا رسالة على الموبيل ولا على الميل ده طبيعى ولا فى مشكلة بس الشهادة نزلت واتسحبت من الحساب

[@F-Club-Media]

مفيش مشكلة ولا حاجة، المهم إنك لما بتفتح الشهادات/الأوعيه بتلاقى الشهادة اللى انت عملتها موجودة. رسالة التليفون ممكن متوصلش لأى سبب عادى. و بالنسبة للميل، ياريت تتأكد من الرسالة فى الـبريد الالكترونى الغير هام أو فى الرسائل المزعجة (junk / spam). و ممكن تشوف الطريقة ازاى من الفيديو ده ابتداءً من الدقيقة 4:40 (مع اختلاف موضوع الفيديو طبعاً) kzbin.info/www/bejne/paeciGOXbqinq7s

[@hasanainahmed2628]

انا عملت شهاده من خلال الاهلى نت بس مفيش اى رسالة جات على التليفون المسجل لدى البنك لكن الشهاده ظاهره عندى على الابليكشن دا عادى ولا لازم اراجع البنك

[@F-Club-Media]

عادى متقلقش مفيش مشكلة. أهم حاجة انها ظهرت عندك فى الشهادات.

[@nanysaro1388]

هو انا ممكن اشترى شهادات بعد انتهاء الشهادة اللي كنت عامله وبكام يوم ؟وهل هتنزل ف الحساب علطول ولا لازم انا اعملها استرداد ؟

[@F-Club-Media]

- لو تعليمات استحقاق الشهادة "لا تجدد" هتنزل فى الحساب تلقائى - لو تعليمات استحقاق الشهادة "تجدد" يبقى لازم حضرتك تعملى استرداد للشهادة - بعد ما قيمة الشهادة تضاف إلى الحساب، تقدرى تعملى شهادة تانية بفلوسها. فى نفس الوقت تقدرى تعملى شهادات تانية غير الشهادة اللى لسه مدتها مخلصتش.

[@nanysaro1388]

@@F-Club-Media شكرا علي الرد

[@F-Club-Media]

تحت أمر حضرتك

[@shymaaelbshbishy5287]

لو سمحت عملت فتح حساب عشان اعمل الشهاده 18% ومجتليش رساله فسالت خدمه العملا قالولى لسه متعملتش بتاخد وقت هل ده صح هو المفروض اسيب فلوس ف الحساب عشان عملت طلب الشهاده بالمبلغ ال ف الحساب كله

[@F-Club-Media]

لو عملتى الشهادة من خدمة العملاء بالفرع المفروض بتتنفذ علطول. لو عن طريق الاتصال بالكول سنتر، بتبقى خلال يومين عمل. الأحسن لحضرتك انك تشترى الشهادة أو تستردي الشهادة لو حبيتى من على الأهلى نت و لو مكنتيش لسه اشتركتى فى الخدمة تقدرى تشوفى الطريقة فى الفيديو ده kzbin.info/www/bejne/qKvcg6NoqNemn8U الحاجة التانية، يفضل انك تسيبى مبلغ فى الحساب علشان يغطى المصاريف الادارية و مصاريف كشف الحساب. و خلى بالك لو حساب توفير مش هيحسبلك عائد لو المبلغ اللى فى الحساب اقل من ٣٠٠٠ جنيه

[@dozionline]

تحية طيبة 🌷 دلوقتي انا بقدر استرد من الأهلي نت لكن عند الشراء من المتصفح وعند كتابة المبلغ العملية لا تتم ولا يقبل المبلغ رغم انه ضمن رصيدي وبكتبه مثل مابيكتبوه عالموقع.. فما المشكله والحل!!؟ 😃

[@F-Club-Media]

تحياتى لحضرتك، 🌹 لو عايزة تشترى شهادة مثلأ بعشرة آلاف، فأولا تتأكدى من إن لغة الكتابة انجليزى. ثانياً يتم تسجيل المبلغ بالطريقة دى 10000 بدون فواصل او علامات. بس سؤالى لحضرتك، هو بيظهرلك خطأ فى المبلغ ولا العملية بتتم و تترفض. لأنها ممكن تكون بتترفض لإنهاء أعمال الإقفال اليومية مثلاً

[@Mohamed.Ali.Abouelela]

السلام عليكم الرجاء الرد للاهميه انا بدخل علي خدمه الاهلي نت من اللاب توب مبيظهرش غندي استرداد او اصدار شهادات نزلت الموبايل ابلكيشن لقيتها موجوده عندي كان عندي شهادات انتهت في 1/8/2020 والبنك جددها علي 13% وانا عاوز اغيرها للبلاتينيه ولكن بيظهر عندي مبلغ مجمد مع العلم ليس عندي بطاقه ائتمانيه او قروض هل في حالة الاسترداد يرد عامل المبلغ او يتم خصم مبلغ ما الرجاء الافاده وشكرا جزيلا

[@F-Club-Media]

و عليكم السلام و رحمة الله، عذراً للتأخير، حيث إن روابط إصدار و استرداد شهادات مبتظهرش عند حضرتك على صفحة الأهلى نت على اللاب توب، يبقى حسابك بالخدمة استعلام بس. وحتى لو الروابط ظاهره على تطبيق الموبايل، لما حضرتك هتجرب تضغط عليها مش هينفذ العملية. لازم حضرتك تعدل نوع الحساب الأول علشان تقدر تنفذ عملية استرداد الشهادة اللى اتجددت و بعدين تشترى الشهادة الجديدة. و من خلال خدمة العملاء تقدر تشوف إمكانية تعديل نوع حسابك على الأهلى نت، و استرداد الشهادة اللى تم تجديدها. بعد كده تطلب منهم اصدار الشهادة الجديدة بالمبلغ اللى انت عايزه (فى حالة ان نوع حسابك لسه متعدلش). و بالنسبة لاسترداد الشهادة، هيتم استردادها كاملة بدون خصم فى حالة استردادها قبل إضافة اول عائد بعد التجديد. و علشان تعرف سبب المبلغ المجمد، لازم تتواصل مع خدمة العملاء

[@محمودالحلو-س8ن]

شكرا على الشرح بس انا ازاي اضيف الايميل على الاهلي نت ما فيش ايميل عندهم اضيف الايميل

[@F-Club-Media]

البريد الالكترونى الذى تم استخدامه عند التقديم للاشتراك فى الخدمة، هو البريد الالكترونى المسجل لدى البنك. البريد الالكترونى الخاص بخدمة العملاء: [e-mail] - رابط استمارة تحديث بيانات nbe.com.eg/AssetsManager/60159ed6-cf02-49cf-b721-19a596821655.pdf

[@محمودالحلو-س8ن]

لا ما اشتركت في خدمه الاهلي نت ما طلبش منى الايميل

[@F-Club-Media]

حضرتك اشتركت من على موقع البنك ولا بالتليفون؟ حضرتك بردوا ممكن تتواصل معاهم تليفونياً و تحاول إضافة بريدك الالكترونى من خلالهم.

[@محمودالحلو-س8ن]

انا اشتركت من البنك

[@ekramfarouk5504]

هل لو عامله شهادات وعايزة اعدل في شروط الاستحقاق أنها لا تجدد اعملها ازاي

[@F-Club-Media]

الطريقة فى الفيديو ده 👇👇من أول الدقيقة ٤:٠٤ بس لازم من صفحة الأهلى نت. مش متاحة من الأبلكيشن kzbin.info/www/bejne/eKvMdodqmdmWfs0

[@khaledgabry7017]

لو عندي شهادات في البنك ... لكن عاوز اشتري شهادة 15% ...هل اودع الفلوس في البنك قبل عمل الشهادة عن طريق اهلي نت

[@F-Club-Media]

لو حسابك مفهوش المبلغ اللى هتعمل بيه الشهادة، يبقى تعمل إيداع فى الحساب قبل شراء الشهادة. و تقدر تعمل إيداع مباشرة من داخل البنك، أو من خلال ماكينة إيداع بنك أهلى باستخدام الكارت الخاص بالحساب

[@bmwbmw988]

لو سمحت عندي شهادة لاتينية مدتها خلصت ازاي احولها ايداع في ماكنة من اهلي نت

[@F-Club-Media]

هل تقصد إضافتها إلى الحساب بعد ما خلصت؟ تقدر تعملها استرداد من الأهلى نت زى الفيديو ده kzbin.info/www/bejne/eKvMdodqmdmWfs0 بس السؤال هل تم تجديد الشهادة تلقائى ولا لأ؟ لأن لو متجددتش هيتم إضافتها للحساب اتوماتيك. و لو اتجددت تقدر تستردها كاملة لو لسه منزلش عليها عائد بعد التجديد. انما لو نزل عائد هتيخصم منها تقريباَ نص العائد اللى نزل.

[@MohamedHamdy-pg2xd]

لو سمحت اقدر اوصل للينك الابلكيشن من على play store ازاي ، فيه برنامج كده بنزلو بس حاسس انة فقير اوي مش قيمة البنك الأهلي يعني ، فا مش عارف لو تقدر تحطلي اللينك ياريت ؟ وشكراً

[@F-Club-Media]

ده لينك التطبيق على (Google Play): play.google.com/store/apps/details?id=com.ofss.fcdb.mobile.android.phone.kernel.launcher.qa&hl=en

[@user-cc4qe8hv9s]

السلام عليكم عندى حساب بنكى بالدولار وعايز اشترى الشهاده بالجنيه هل ينفع ؟؟؟ وهل لو عملت حساب فرعى بالجنيه ينفع اشترى منه ؟؟؟

[@F-Club-Media]

المفروض انه ينفع عادى، بس انت فى جميع الأحوال محتاج تفتح حساب بالمصرى علشان يتم إضافة عائد الشهادة عليه. و طبعاً لو فتحت حساب بالمصرى تقدر تشترى منه.

[@monasobhe232]

ممكن استعلم عن طريقه كتابه المبلغ لاني كل اما اكتبه مش بيقبل الرقم 50,000.00 كده صح

[@F-Club-Media]

حضرتك اكتبيه زى ما هو بدون أى علامات فواصل أو كسور. يعنى الرقم اللى حضرتك قلتى عليه بيتكتب كده 50000

[@magedelsabea5509]

سلام عليكم لو سمحت هل يمكن شراء شهاده ١٥ في المايه لو عندي شهاده حاليه بس الحساب المفتوح مش جاري ولا سيفنج هوه اسمه حساب استثمار .

[@F-Club-Media]

طبعاً تقدر تشترى شهادة تانية حتى لو عندك شهادة حالية. بالنسبة للحساب، لو ظاهر قدامك فى قائمة حساب الإصدار يبقى تقدر تشترى من خلاله

[@magedelsabea5509]

@@F-Club-Media شكرا جدا لحضرتك اصل حاولت اتصل بخدمه العملاء بقالي تلت ايام وفي الاخر رد عليا قالي الحساب اللي انت فاتحه مع الشهاده الحاليه حساب استثمار وعشان تشتري شهاده ال ١٥ لازم تفتح حساب توفير او جاري وبعدين قفل الخط فمش عارف

[@F-Club-Media]

فى جميع الأحوال حضرتك مش خسران حاجة، جرب و لو نفع خير، لو منفعش و حبيت تعمل حساب جارى أو توفير ممكن بردو تعمله من خلال الخدمة. لو انت على صفحة الأهلى نت الرئيسية بعد تسجيل الدخول، هتلاقى لينك اسمه "فتح حساب فرعى جديد" فى القائمة الموجودة على اليمين. بس خلى بال حضرتك إنه مش متاح من خلال التطبيق

[@magedelsabea5509]

@@F-Club-Media متشكر جدا وجزاك الله خير

[@سامحالجمل-ل4ف]

انا حسابى استعلام فقط وعاوز افعل اصدار شهادات علماً أني خارج مصر

[@F-Club-Media]

حضرتك ممكن تتواصل مع خدمة العملاء على الرقم 0020225941200 أو من خلال الخط الساخن لطلب تعديل نوع حساب الأهلى نت إلى معاملات مالية بين حسابات العميل. و ممكن تطلب كمان إصدار الشهادة من خلالهم.

[@abd9660]

هو ممكن اشتري بكل الفلوس اللي ف الحساب ؟

[@F-Club-Media]

ايوه عادى ممكن. بس خلى بالك إنه تم إيقاف إصدار الشهادة الجديدة ذو عائد ال ١٥٪؜ . جميع الفوائد حالياً اتغيرت و نزلت.

[@eslamel_dfrawy881]

لوسمحت في حاله تعديل الشهاده من تجديد اتوماتيك الي لا تجديد هل في رسوم لذلك وكام

[@F-Club-Media]

لا توجد رسوم على تعديل تفاصيل الاستحقاق من "تجديد أصل المبلغ و دفع الفائدة" إلى "لا تجدد". علماً بأن هذا الاجراء غير متاح حالياً من خلال التطبيق و متاح فقط من خلال صفحة الأهلى نت الرئيسية على المتصفحات العادية. و لمعلومات عن طريقة تعديل تفاصيل الاستحقاق من خلال خدمة الأهلى نت يمكنك متابعة الفيديو على الرابط التالى من د. (4:05) و حتى اخر الفيديو: kzbin.info/www/bejne/eKvMdodqmdmWfs0

[@eslamel_dfrawy881]

F Club Media فعلا من خلال الصفحه فقط بس اهم حاجه مفيش رسوم

[@eslamel_dfrawy881]

وعلي العموم انا بشكر حضرتك جدا

[@F-Club-Media]

أيوه بدون رسوم متقلقش. تحت أمر حضرتك فى أى وقت

[@eslamel_dfrawy881]

F Club Media لو سمحت سؤال لو انا عندي شهاده وهتجدد وسعر الفائده اتغير هل لم يتم التجديد هيتم احتساب الفائده علي التغير الجديد ام علي سعر الفائده الاساس للشهاده

[@marinaayoub7976]

طيب انا عايزة اعرف يعني ايه تعليمات الاستحقاق تحدد او لا تجدد يعني ايه؟؟

[@F-Club-Media]

- تجدد: سيقوم بتجديد الشهادة الحالية بنفس المبلغ و نفس المده. - لا تجدد: سيقوم برد قيمة الشهادة الحالية الى حسابك مباشرة فى نهاية المدة (يوم الاستحقاق) - المده طبعاً على حسب شهادة حضرتك.

[@marinaayoub7976]

قيمة الشهاده مع الفائدة ولا قيمة الشهاده فقط؟؟

[@F-Club-Media]

فى جميع الحالات سيتم إضافة اخر عائد للشهادة الحالية إلى الحساب سواء كانت تعليمات الاستحقاق تجدد أو لا تجدد.

[@marinaayoub7976]

طيب لو سمحت معلش انا كل مابعملها يقولي تم رفض المعاملة وبكلمهم مش بيردو والخط الساخن علي طول يعذر الاتصال، ليه بيقولي تم رفض المعاملة؟؟؟

[@F-Club-Media]

ياريت حضرتك بعد الدخول على حسابك من خلال التطبيق تدخلى على الروابط التالية بالترتيب: القائمة/ خدمات العملاء/ أنشطة المعاملة/ إصدار شهادات و ودائع (المكتوب أمامها تم الرفض)/ ثم اضغطى على أى شهادة تم رفضها (سيكون أمامك مجموعة من الشهادات المرفوضة على حسب عدد مرات محاولاتك)/ انزلى لاخر الصفحة و هتلاقى امام كلمة "ملاحظة" سبب رفض الشهادة. اكتبيلنا هنا سبب الرفض أو ممكن حضرتك تاخديها سكرين شوت و تبعتيها على لينك القناة على الفيسبوك: facebook.com/fclub.medi.9

[@ayaarafa370]

ليه بعد ما عملت الشهاده خلاص جيت اتأكدت ف الشهادات اللي عندي واعملها عرض مالقيتهاش !!!

[@F-Club-Media]

عذراً للتأخير فى الرد، هل فى نهاية إجراءات إصدار الشهادة ظهرلك "تم قبول المعاملة" ولا " تم رفض المعاملة"؟ فى جميع الحالات ممكن تتأكدى عن طريق الدخول على الروابط التالية القائمة/ خدمات العملاء/ أنشطة المعاملة / إصدار الشهادات-الودائع هتلاقى الشهادات اللى تم قبولها و الشهادات اللى تم رفضها. من ناحية تانية لو تم قبول الشهادة هتلاقى انه تم خصم قيمة الشهادة من رصيدك و تقدرى تتأكدى من خلال رابط نشاط الحساب داخل الحسابات الجارية و حسابات التوفير

[@maihamdy8866]

ازاي اقدر اغير الميل اللي اشتركت بيه ع الابليكيشن؟

[@F-Club-Media]

تغيير الميل مش بيتم من الأبليكيشن. بس تقدرى تغيريه من صفحة البنك الرسمية و هسيبلك لينك طلب تغير الميل فى نهاية التعليق. و تقدرى تتابعى خطوات تغيير الميل فى الفيديو ده kzbin.info/www/bejne/paeciGOXbqinq7s من الدقيقة 2:44 و حتى الدقيقة 5:56 (مع اختلاف غرض الفيديو) بس هى نفس الخطوات اللى هتعمليها بالظبط. و تقدرى تقدمى على طلب تغيير الميل من الرابط ده: www.nbe.com.eg/NBE/E/#/AR/ProductDetails?inParams=%7B%22CategoryID%22%3A%22selfservices%22%2C%22ProductID%22%3A%22%D8%AE%D8%AF%D9%85%D8%A9%20%D8%AA%D8%AD%D8%AF%D9%8A%D8%AB%20%D8%A7%D9%84%D8%A8%D8%B1%D9%8A%D8%AF%20%D8%A7%D9%84%D8%A7%D9%84%D9%83%D8%AA%D8%B1%D9%88%D9%86%D9%8A_16665%22%7D

[@maryhanna5237]

لو سمحت انا بحاول اصدر شهادة من خلال الموبايل بيقولي حساب المحول منه خطأ اعمل ايه؟

[@F-Club-Media]

أعتقد ممكن يكون الحساب مش متفعل أو غير نشط. يفضل تتواصلى مع خدمة العملاء لمعرفة السبب و حل المشكله

[@nonamohamed8106]

حضرتك عملت كل الخطوات وقالي العمليه مرفوضه معرفش ايه السبب

[@F-Club-Media]

تقدرى تدخلى على الروابط التالية بالترتيب: القائمة > خدمات العملاء > أنشطة المعاملة > إصدار شهادات و ودائع (المكتوب أمامها تم الرفض) > و بعدين اضغطى على الشهادة اللى تم رفضها > انزلى لاخر الصفحة و هتلاقى امام كلمة "ملاحظة" سبب رفض العملية.

[@marwaabdou1]

ده بالنسبة الشهاده طيب الوداع

[@F-Club-Media]

هتلاقى الودائع بردو فى قائمة اختيار المنتج

[@redaibrahim2261]

كيف اجدد الشهاده بدون ما اروح البنك

[@F-Club-Media]

شوف الفيديو ده من اول الدقيقة 4:04 و خلى بالك ان الطريقة دى مش متاحة من خلال التطبيق. لازم من على صفحة الأهلى نت kzbin.info/www/bejne/eKvMdodqmdmWfs0

[@maryhanna5237]

?????????

[@ahmadsayed5610]

لو سمحت شهاده امان مش موجوده فى القائمة

[@F-Club-Media]

مع الاسف فيه بعض الشهادات غير متاحة للشراء من خلال خدمة الأهلى نت كشهادات استثمار الجمموعة ج و شهادات أمان

[@emanabdulrahman5929]

ليه مش بيظهر عندي الشهاده البلاتينيه ذات العايد الشهر بالفايده١٥%

[@F-Club-Media]

مع الأسف تم إيقاف إصدار الشهادة ذو عائد ال ١٥٪‏. فمعدتش هتظهر معاكى فى قائمة اختيار المنتج.

[@jhv59]

لو سمحت ازاي اجيب التطبيق دا بالعربي كده زاي بتعت حضرتك

[@F-Club-Media]

ستجد طريقة تغيير لغة التطبيق فى الفيديو على الرابط التالى ابتداءً من الثانية 58: kzbin.info/www/bejne/g522f2OmbpZpaMU

[@jhv59]

@@F-Club-Media شكرا حضرتك

[@F-Club-Media]

العفو..تحت امر حضرتك

[@hatemtaha1050]

هو لسه عارض ١٥٪؜ لسه شغال

[@F-Club-Media]

لحد الوقت لسه متاحه

[@romaroma548]

انا عاوز اشتري شهاده ومعي الاهلي نت ومش عارف يشتري ما فيش رقم تليفون انا خارج مصر

[@F-Club-Media]

يمكن التواصل مع خدمة العملاء من خارج مصر على رقم 0020219623

[@romaroma548]

@@F-Club-Media انا حاولت اتصل على حضرتك في كل الاوقات جرز و محدش بيرد جربت الساعه سته الصبح جربت ثاني الظهر جربت بالليل بعد الساعه 12 بالليل جربت خمسه الفجر مفيش حضرتك بيرد مش عارف اعمل ايه بصراحه شكرا

[@F-Club-Media]

ده بيحصل كتير للاسف نتيجة الضغط فى المكالمات مع الاخذ فى الاعتبار ساعات العمل نظراً للظروف الراهنة. عموما حضرتك ممكن تجرب تتواصل معاهم على الرقم ده [phone]

[@romaroma548]

@@F-Club-Media شكرا جزيلا يا فندم

[@عبداللهفراج-ظ2ه]

الخط الساخن شغال علطول

[@hanybasuony6101]

مش عارف ادخل الكود

[@F-Club-Media]

تأكد من كتابة الكود بالانجليزى مش بالعربى. و متسبش اى فواصل أو مسافات.