Рет қаралды 6,841
رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
احذري النرجسي بعد الطلاق البائن "الطلقة الثالثة"
فعلا زهقت جدا من الكلام عن النرجسي وكل ما اقرر اغير محتوى القناة واتكلم عن الاسرة السوية والأشخاص الاسوياء وكفاية نرجسية الاقي حاجة جديدة بيعملها النرجسي ولازم احذركم منها والاقيني في الاخر برضه بتكلم عن النرجسية والنرجسيين
الكلام النهاردة مهم جدا جدا ولازم الكل يسمعه ويفهمه لانه كلام فعلا فعلا خطير
اللي بيحصل بعد الطلقة التالتة من النرجسي ، على حسب الحالات عندي اربع أنواع اواربع حاجات بتحصل
١- بعض النرجسيين بيكونوا منكرين تماما ان الطليقة أصبحت محرمة عليه خلاص مفيش إمكانية انه يردها ولا يتجوزها تاني ، ومع ذلك بيحاول بكل الطرق انه يرجعها وبيقول لها ان الطلقة الأخيرة دي مكانتش مقصودة او كان عصبي واي كلام وهي أصلا بتكون الطلقة رقم عشرين مثلا والباقيين كلهم قال انه كان متعصب ، المهم ان هو بعد الطلقة التالتة مش بيستسلم وبيفضل وراها ويجيب هدايا ويعمل لافبمبينج ويوريها الحب اللي عمرها ماشافته لا منه ولا من أهلها وهو عارف كويس اوي احتياجاتها العاطفية فيفضل وراها لحد مايهد كل اسوار الحماية اللي كانت عاملاها حوالين نفسها وتبدأ تنهار مقاومتها وبصفته أبو الأولاد فهو بيدخل ويخرج على كيفه وللأسف الشديد بعض الحالات بتقع في الحرام وبعضهم بيعيش في الحرام أصلا وبتستسلم للاربعين طلقة اللي هو بيدعي انها بعصبية ، المهم ان المفروض انتي تفهمي ان بعد الطلقة التالتة هو اصبح اجنبي عنك ماينفعش تختلي بيه ولا ينفع ييجي يقعد مع أولاده في بيتك ولا يتغدى معانا اصله مسكين ماعندوش حد يأكله ولا أي كلام من دة لا يرضي ربنا ولا يرضي حد ولا تقاليدنا ولا عاداتنا ولا اخلاقياتنا مفروض تسمح لنا بكدة ، بعد الطلقة التالتة ملوش يدخل بيتك ولا يكلمك فون ولا يقول لك كلمة حلوة و انتي بس اللي بتوقفيه عند حدودك اللي مفروض انك بنيتيها وعند حدود ربنا المفروضة عليكي وعليه
٢- النوع التاني من النرجسيين بيعمل ايه ؟ بيفضل يتعامل معاكي بنفس الاهانات والتقليل والانتقاد والتوجيهات وكأنه لسة جوزك ويبقى انتي ماخلصتيش من النرجسي ولا من اذاه انتي عفيتيه من كل مسئولياته تجاهك وتجاه البيت والأولاد واتنازلتي عن حقك فيه كزوج ومدياه كل الحقوق في السيطرة وإساءة الادب والاهانة والتحقير يعني انتي كسبتي الأذى وخسرتي أي ميزة منه ولو كانت فقط فقط انه يعفك بس دة لو كان أصلا كان بيعفك ،المهم ان الوضع دة انتي اللي بتسمحي بيه ، انتي هنا اللي ماسكة مفتاح سجن النرجسي وقافلة على نفسك جواه وانتي اللي مش عايزة تفتحي الباب وتخرجي ، اوعي تفكري ان هو اللي ياعيني حابسك وبيتعدى عليكي وانتي دلوقتي ضحية لاااا انتي النهاردة الجلاد انتي اللي بتؤذي نفسك بكامل ارادتك انتي عارفة ان هو مايقدرش يعمل فيكي كدة غير لو انتي سمحتي له . انتي مش زوجته ولا هو له أي سلطة عليكي اطلاقا ، اذا احنا بنقول للي علىى ذمته ان ربنا حيحاسبك على نفسك اذا مافوقتيش ورفعتي الأذى عن نفسك وعن اولادك وهو جوزك وله سلطة عليكي فما بالك بقى لو ملوش عندك أي حق دة شخص اجنبي عنك لو شتمك تبلغي عنه وتحبسيه بمنتهى البساطة يبقى انتي ليه تقبلي منه أي اهانات ، ليه ماتعمليش بلوك وتخلصي منه لازم تستعيني بمتخصص يكون فاهم كويس في العلاقات النرجسية وفي علاج الصدمات عشان تخرجي من حالة الشعور العميق بالذنب والميل الشديد لعقاب النفس عشان تقدري تتخلصي من كل العلاقات المسيئة في حياتك
٣- طيب النوع التالت بقى ودة اخطرهم واسوأهم دة بقي النرجسي الخبيث الانتقامي ،بيعمل فيكي ايه بقى دة بتكون حياتك معاه جواز سنة وطلاق ثلاث سنين او سنتين وفي خلال السنتين دول بتكوني فوقتي وبدأتي تقفي على رجلك واشتغلتي واستقريتي وجالك عريس فيعمل ايه يرجع لك بلافبمبينج مهول يذهلك فترجعي فعيشي أيام امر من اللي قبلها سنة سنة ونص وتتطلقي التانية فترجعي تحاولي تعيشي وتتشبثي بالحياة بعد الصدمة المرعبة وتقاومي وتحاربي لحد ماتقفي تاني على رجلك وتنجحي وتستقري وبعد سنتين تلاتة تفكري تاني في الجواز تلاقيه رجع لك تاني وتتكرر المأساة وبعد الطلقة التالتة بقى خلاص مفروض انتهت العلاقة وخلصنا واتوثق الطلاق وانتهينا تماما تلاقيه طلع لك تاني ويلف حواليكي بالسنين عشان يبطل الطلقة التالتة ويعك عك في الورق عشان يرجعك ولما تستسلمي وتقرري ترجعي وسواء اقنعك ان الرجوع حلال او انتي عايزة تقتنعي المهم لما تحرقي كل مراكبك وترجعي له طبعا غصب عن اهلك لانهم عارفين ان الرجوع غلط وبتخسري اصحابك وشغلك وكل الدنيا عشان ترجعي ما هو انتي مدمنة للأسف ،المهم انه في اللحظة دي بيهرب ومش بيرجعك بس بيكون اتأكد انك مستحيل حتنفعي لحد غيره تاني خلاص مش حتفكري في الجواز تاني ولا حتقدري أصلا لانك وحدك وخسرك كل حاجة وهو كدة ارتاح واتطمن ويروح بقى يتجوز للمرة الرابعة مثلا ماهو كل ماكان بيطلق كان بيتجوز واحدة ويطلقها ويرجع لك وهكذا ، النوع دة الزوجة بتخرج من تحت ايده منتهية تماما
٤- رابع نوع بقى ودة مش هو اللي بيكون فاعل في العلاقة مع طليقته هو بيكون بيحاول يكون فاعل وبيتهيأ له انه فاعل لكن واقع الحال ان طليقته بتكون هي الفاعل وهو المفعول به ، يعني ايه الكلام دة ؟ يعني هو نرجسي زيه زي أي نرجسي وبيحاول ياخد حاجة مش بتاعته زي أي نرجسي وبيحاول يتعدى حدودك وحدود ربنا لكن الطليقة هنا بتكون غير بتكون خلصت من الإدمان وتعافت تماما من صدمات النرج ...... الباقي في اول تعليق
0:00-0:48 المقدمة
0:48-1:40 اربع حجات ممكن تحصل على حسب نوع النرجسى
1:40-6:28 النوع الأول
6:28-8:57 النوع الثانى
8:57-12:27 النوع الثالث
12:27-15:59 النوع الرابع
15:59-16:40 الخاتمة
#صحةـنفسية #القوة #الاكتئاب #النرجسي #النرجسية