Рет қаралды 84,827
د پخواني سېنېټر عثمان کاکړ زوی وايي، پلار یې په کور کې لوېدلی نه دی بلکې د ده په وینا، په پلان وژل شوی دی. نوموړي دا دعوه د جون پر ۲۱مه په کراچۍ کې پر داسې مهال له مشال راډیو سره په مرکه کې کړې چې په جناح روغتون کې د عثمان کاکړ تر مړینې وروسته د هغه د طبي معاینې رپورټ لا نه دی خپور شوی. د نوموړي کورنۍ او پښتونخوا ملي عوامي ګوند تر اوسه د هغه د ژوبلېدو او مړینې په اړه په تاڼه کې رپورټ نه دی دایر کړی. عثمان کاکړ د جون پر ۱۷مه په خپل کور کې بې هوښه موندل شوی وو چې ډاکترانو یې په کوټه کې د سر جراحي وکړه او بیا د نورې درملنې لپاره کراچۍ ته انتقال شو. له خوشال کاکړ سره بشپړه ویډیويي مرکه وګورئ.