杜汶澤－冇知己 只信田蕊妮

蘋果動新聞：
hk.dv.nextmedia.com/actionnews/entertainment/20130809/18370200/20020831
假多過真的娛圈，肥佬黎似乎真的很感興趣，他問阿澤在圈中可有知心友，阿澤難得誠懇說：「有嘅，我老婆。老婆以外嗰啲，係普通朋友。去到最後，你淨係信你老婆好嘞。」豈非當身邊的彭浩翔透明？肥佬黎繼續進襲說：「仲有，譬如你習慣有個面具，你走入戲，你有冇辦法除面具落嚟，會唔會戴番個面具做戲呢？你戲就唔感人，冇嗰種真實感。」這時候阿澤開始反擊：「你平時戴得多面具，不妨喺演戲嗰時真誠啲，佢至少為你帶嚟利益。我哋出嚟社會做事做人，冇可能100%係真，因為你唔只要保障你自己，仲有家人。但世界咁艱難，你演戲都唔做番自己，咁樣好戇Ｘ！我成日同人講，如果有啲人好傷心、喊，我同佢哋講，如果你𠵱家喊係好戇居，因為你拍戲喊係會搵到錢。」不過肥佬黎認為當今世上，可以做到真假都係真，或者真假都係假的演員，就只有神級的周潤發。