دەی سەرێ دە یانە باوانیت کەسم

Рет қаралды 200

Күн бұрын

ئەی شەکەرلەب، سەروەری دنیا و دین
ئەی جە مانگێ مانگ‌تەر و شیرین‌تەرین
ئەی کە ڕۆشن‌تەر جە شۆڵەی ڕۆجیار
یانە تاریک‌تەر جە دڵ بزیەو دیار
تۆ جە یۆسف پەڕ مەکوو یۆسف‌تەری
دڵبەرم یەکجار بە خروار دڵبەری
خۆ ئەگەر یۆسف زەریفیش دەس بڕۆ
تۆ جەماڵت سەد هەزاران دڵ دڕۆ
ئای وەڵاتم چننە بێ‌تۆیی کەرۆ
هەرسوو دووریت سیروانی مه‌ی بەرۆ
دەی سەرێ دە یانە باوانیت کەسم
ڕۆح و گیان و دڵ بە قوربانیت کەسم
خۆ جە حەنناو تۆنە کەس یانەش نیا
پەی دیاریت گیانەکەم گیانما زیا
بارە تەشریف تۆ کە ساحیب یانەنی
تۆ چنوور و چیمەن و ڕازیانەنی
دەی سەرێ دە ئی وەڵاتی با بە چەم
بەیمێ پێشوازی قدوومیت ئەی سەنەم
ئی وەڵاتە بێ تۆ کریان چن کوتێ
بۆوە ماڕە ئی تلسمی و ئی بتێ
گیانەکەم بێ تۆن وڵاتم کاولا
بارە تەشریف با ئەبووجەهلێ بلا
خۆ ئەچێگە وشکەساڵاری کەسم
خۆ شەکەر بێ تۆ چە تاڵاری کەسم
گیانەکەم سەر دە وەشیما بارەوە
بۆ شیفایێ وەو لەشیما بارەوە
ئەی چنوورو بەرزەڵنگ و ئا کەشا
ئا وەنەوشەو پاڵوو ئاوێ چن وەشا
ئەی هەراڵەبرەیم و بۆژانە و ڕیان
سوورهەراڵە و نەرگس و هەم ڕۆح و گیان
پێشکەشوو تۆ سەروەر و سەردارەکەم
ڕۆشنایی دیدٚەکەیم سالارەکەم
ئەی بە ساقەت ئاڵۆز و پیر و جوان
ئەی جە وەسفت دەی ئێتر کۆتان زوان
تا هەسارە و ڕۆجیار و ئاسمان
تا مەنا حەر وەسفوو تۆ حەر باسمان
هونیار: سەیید جەلال ئەکبەری (ئاڵۆز)
بنویسمێ بە زوانی هەورامی، بوانمێوە بە زوانی هەورامی کە ئاڵاو قەڵەمی نەبڕیەینە باڵاو هیچ مێللەتێویەرە...
چەنیمابیدی
‪@azhintv‬