دايم نحط اللوم على الآخرين - سعد علوش

حمل القصيدة MP3 في الرابط التالي: adf.ly/qt7It
فلسفة افلاطون الشعر ...مبدع كالعادة...
دايم نحط اللوم على الآخرين
وننسى اننا لـ الآخرين الآخرين !
الانسان دايم يرمي أخطائه الغير
والغير يرمي الغير الين الين الين
البـاحثين عن الحقيقة يلتقون
فيهم وهم عن الحقيقة باحثين
الدائرة من أنشط أنظمة الحياة
وً [ الحين ] مدري ليه يطلع بعد حين !
عندي يقين ان كل فعل وله رديف
حتى بديت أشك ان عندي يقين !
لا شفت لي بسمة أقول فـ خاطري
هذي قبل أنين / أو بعد أنين
ما فيه شيء إلا بـ شيء يقابله
ولو كان مابه غيب ، مابه مؤمنين !
أحيان أحس انه محد يشبه أحد
وأحيان أحس ان لنا مكررين
حنا الغريبين فـ دواخلنا وأنا
مستغرب ان حنا محن مستغربين !
ما نلتقي فينا سوا في ضعفنا
لحظة مرض / أو خوف / أو لوعة ظنين
نستحقر اللحظات وحنا نعيشها
أحياء لو نفهم شعور الميتين
اليوم دايم ننتظر بكره عليه
واليوم كان لـ بكره المملي حنين
مجهول بكرة أجمل من المعرفة
السحر دايم من ورى متى وً وين ؟
وكل شيء فيه بكرة يجوز أصدقه
في يوم من الأيـام كنت أنا جنيــن
وً الـ كنت رابط قبلها مع بعدها
الـ كنت أحيانا تسوي شيء زين
أنا القديم / وً أنا الجديد فـ معركة
وأنا اللي من بين الثنين الله يعين
تعبت حيل أشوف نفسي من خلال
نفسي ، ونفسي مالها في نفسي عين !
المؤمن مرآية أخيه وناصحه
وأنا ما بين العالم المتأرجحين
اليآ فرحوا خذوا الحياة بـ طولهـا
وإن مرضوا صاروا تقاة وديـنين
الفاشلين الليا تحدوا بينهم
أولهم أول بس بين الفـاشـلين !
تطفوا على سطح الحياة عقولهم
العمق فارغ .. من عقول الفارغين
يا رب أنا متعب ومتعبني أنا
يارب ليتك خالقٍ مني اثنين
واحد يجـازي السيئين بـ سوئهم
والثاني يعفو عن مسـاوء السيئين
لله حكمة ، والردى يوم انخلق
يمكن عشـان نعرف قدر الطيبين !
مظاهر الأشياء مثل بطونها
يا كم صرخة في شفاه الساكتين
عين الطموح تشوف فـ العثرة فرص !
وعين اليؤوس تشوف في الفرصة كمين
أحلم ، وأعزي نفسي اليا ذكرت
ان أكثر اللي فـ السجون الحـالمين
وأنا مع اللي يختزلني ذكرهـا
أفرد يديني بـس مآ عندي يدين
لها بـ صدري من مقام ومن مقال
مايدمع المحجر وما يندي الجبين
أحبها ، ينقذني الله منّهـا
أخاف أموت وعادلي حق مدين
مدري الاهل مدري الزعل مدري الظروف
مدري، ولكن أدري ان وضعي مشـين
لاني بـ تاركها ، ولا واصل لهـا
وأنا اللي متبهذل مابين الحالتين
من كثر ماهي ذروة الموت الأخير
أنا معي كل شيء بي متنافسين
أحلامي خلتني وغدت تحلم بهـا
شف حتى أحلامي معاها خاينين
الياسمين الياسمين الياسمين
الياسمين الياسمين الياسمين
ترديد اسم الورد حوّلكم إلى
مستنشقين وأنتوا أصلا سامعين
وشلون أنا اللي كل يوم أردده
أنا أعيش فـ حقل من نور وً حنين
وكأن تساميها على باقي البنات
تسامي المبدع على المستشعرين
يا كيف يسلى من وجه حبيبته
كانه صباح العيد عند المسلمين
من ينحرم منّه حرم عيديته
ومن شافه من العايدين / الفايزيين
مافيه شمس إلا ويسألهـآ الفجر
أنا اليوم أشرق ، أو أنتي تشرقين
أحبها وحبي من النوع القديم
اللي يبين ، ونصف عمره مـا يبين
ياكم وياكم من شفوف ومن حقوق
عاشت / وماتت في صدور المستحين
ويا كم ويا كم من كروب ومن دروب
تذوب لـ أقدام الرجال الشاسعين
اعلم اللي يحسب انهـا بـ العمر
ما كبرت بعض الرياجيل السنين
::
[]d] su] ug,a 2013 hghovdk

[@mhmmhm5141]

شاعر متميز كلمات،معاني طريقة إلقاء متميزة

[@karboneshsilva5903]

من أفضل القصائد اللي بشكل مستمر أستمع لها 👍👏🏼

[@mmm6138]

نفسك

[@عتزلمايؤذيكتنعمبراحهبال]

الله عاش الذوق سعد علوش شاعر كبير مثقف خليتوني أدم على الشعر الخليجي وفن الخليجي عبادي الجوهر خالد عبد الرحمن عبد الكريم رباب والله يستر من الجاي 🌹❤️🇮🇶

[@nasierhbbab8722]

والله العظيم إني دايما يارجل اكتب ردود وامسح ، لسبب احس إن رد مايعبر عن ما في نفسي لجمال شعرك. استمر والله شعرك يعبرني

[@naifalalkmy7265]

انا شاعر لكن والله اني اسمع سعد يقول شعر وانسا شعري والشعراء ويبقا سعد علوش هو الشعر اللي بعده اكتفي بنص له ياخذني الى اخر حدود عقلي وقلبي وروحي وعالمي وخيالي انت افضل شاعر وبعدك محمد اخوك لو ينشر كل قصايده

[@KILLERksa100]

اخخخُ يابوُ عاـووشُ انششهدُ اننهــآآآ عً الجررحُ < ماهيُ غريبةةُ علليكُ يابو علووشُ طول ععمركُ مبدعُ

[@عآشقةالخيول-ه4ذ]

فخااااامة الله على إحساسك مبدع بكل معنى الكلمة 👍👏👏👏

[@عآشقةالخيول-ه4ذ]

إبدااااااااعك وإحساااااس كلماااااتك شيء ولا أروع 👍

[@nasierhbbab8722]

جعل تبطي سنينك يابن علوش

[@ro17ohh]

الحزن أنسسآانية في عَصر الجمود ! لذآ أنا سعيد لـ أنـي حزيــن "!!

[@العابثالاخيرالعابثالاخير-ث6ي]

صح السانه اقسسسسمت قصيده شي جميل وفخم...

[@msalali100]

فعلا انت شي اخر يابو جابر متألق كالعاده

[@thanialkathami3884]

يخرب بيت احساسك

[@أبوكشخه-ج4ز]

القصيده لها ابعاد انسانيه

[@سلطانالزهراني-ذ5ج]

ابيات في غاية الجمال

[@hadi66677]

كبير يابو علوش انت مبدع

[@MrReeeem92]

أبداع ....أبداع

[@MrAnJiLr]

لله درك **

[@faisalalotibi341]

ما كبرت بعض الرياجيل .. السنين ،،، الله يستر عليك يَ بن علـووش

[@ssaaal2447]

ابيض وجه يا شعر

[@tahanialharbi9800]

شعر جميل

[@mas1076]

صح لسسانك

[@سعدالعتيبي-ق1ش]

صح لسانه

[@سسلماآنبنعبدالله]

والله ياهو حششيش فآاخر

[@صالحالقحطاني-ض6ز]

سسلماآن بن عبدالله الرجل مثقف ويقراء بشكل مكثف

[@FM-sp9ld]

صح عليك

[@احمدالحدي-خ5ن]

كبييير

[@ماجدالماجد-ش8ظ]

دايم نحط اللوم على الاخرين...وننسي اننا عايش وسط ناس متاخرين ..قال تعالى (كنتم خير امة تامرون بالمعروف )..مصيبت الجاهلين مايعرفوا المعروف .... علشان كذا ماعندهم خوف ...الحمدلله العلم نورررر الجاهل مايقدر يشوف ..ينظر وشوف الحسائر والخوف ..قدام قدام نشوف نور الملائكة ولة نوم عباد الافلام ....

[@مافياالحزن]

دايم نحط اللوم على الآخرين - صّــــــحّ لـســـاّنــكك ./. لاّ يــــــــــــــك ّ انا الجديد وانا القديم في معركه وانا اللي من بين الاثنين الله يعين .،, عين الطموح تشوف في الاثره فرص ، وعين البؤس تشوف في الفرصه كمين ..,،

[@ahmadawadallah9738]

الصوت (الصدى) الي مع الشعر من اي مقطع ؟

[@meryambouziane6138]

Allah y djazik choukran dear said you are very Wonder full Man fi amani allah please in sha allah i would like to listens you poésie myriam al yasmine El musc yamani allah say for you prince said allah y artik khir With majd in sha allah you are my lithgt positive oxygène fi iman allah allah give for you happy in you heart nour min nour nour fi heart allah give Light positives for you prince said

[@njnjnj7593]

الياسمين ....ترديد اسم الورد حولكم الى مستنشقين وانتم اصلا سامعين لا يكتب هذا الامن يملك رؤية فلسفية تخطى بها الخوف من المفرده ....ليس من باب التطبيل هذا شعر النخبه واعني بالنخبة القراء للشعر قديمه وحديثه

[@ثامرالشمرري]

قصيده جميله بس الاهات مالها داعي

[@shss-rj8md]

❤❤❤❤❤❤🎉❤😊

[@z3lzal]

تطبيل ، و الاغلب مو فاهم وش يقول هو بالضبط .

[@MsNoone911]

فلسفة مبدعة ,, مآكذب من سمآه أفلاطون

[@بلياَك-ف6ك]

.؟ للحين موجوده او متي ؟