Рет қаралды 12,410
Даку... Даку Асадулаев! Гьеб цIар лъица бугониги абулеб рагIани яги ракIалде щвани, чIахIияб гIелалда, хасго магIарулазда цебе тIамула хIалихьалъи мукъсанаб, гIаданлъи бечедаб, яхI-намус щулияб, халкъалъул тIалабги гIадамасул къиматги бугеб кIудияб Советияб улкаги ва гьеб заманалда загьирлъарав, жакъагицин жиндир даражаялде лъилниги гьунар бахинчIев, магIарулазул бергьарав кочIохъан, мунагьал чураяв Даку Асадулаевги.
РоцIараб, щибаб рагIи бичIчIизабун, гъваридаб магIнаялда риун ракIазулъе тIолел гьесул кучIдуз Дагъистанго хIайран гьабун букIанин абуни, мекъи ккеларо. Цоги, нилъер миллатаз гуребги, хIатта гIурусазцин абулаан доб заманалда гьев лъидаго хисизе кIоларев, хвел гьечIолъиялде цIар ине бугев кочIохъан вугилан.
ХIакъикъаталдаги Дакуда кутакалда бичIчIулаан Аллагьас жиндие кьураб махщалил къиматги халкъалда цебе бугеб кIудияб жавабчилъиги. Дагьаб цебе «Х!акъикъат» газеталда Даку Асадалаев гьавуралдаса 85 сон т1убайги к1одо гьабун гьев рак1алде щвезавун кьуна ункъо гьумер. Гьеб проект г1умруялде бахъинабизе редакциялъул х1алт1ухъабазе кумек гьабуна Дакул ц1аралда бугеб фондалъул нухмалъулев Асх1абали Х1асановас. Гьесулгун буго нилъер жакъасеб гара-ч1вариги.