Далантай, Эрдэнэцэцэг Цагаан дуганы гэгээ киноны дуу (1997)

soundcloud.com...
УГЗ хөгжмийн зохиолч Ц.Жамьян:
news.zindaa.mn...
Хамгийн анх кинонд Далантай, Эрдэнэцэцэг хоёр дуулсан юм. Батсайханы зохиолоор найруулагч Содномын найруулсан бүрэн хэмжээний уран сайханы кино. Батсүх, Оюунцэцэг хоёр, Далантай, Эрдэнэцэцэг хоёр, Сандагжав, Оюунцэцэг хоёр гээд уран бүтээлчид дуулдаг байсан юм. Батсайхан нэг шүлэг бичиж, кинондоо дуулуулсан байдаг юм. Бавуудорж мөн шүлэг бичсэн. Аль алиныхаар нь дуулагдаад л явж байна.
Цэлгэр нутгийн минь буйлс цэцэглээд
Ханхар уулс суудал засав аа
Амраг сэтгэлийн аясыг яалтай
Аниргүй шанзандаа шившлээ дээ хө... гэж Бавуудорж болохоор шоронгоос дуулж байгаа маягаар бичсэн дуу байгаа юм.
Дуучин Далантай, Эрдэнэцэцэг
Үг П.Батсайхан ая Ц.Жамьян
Цагаан дуганы гэгээ киноны дуу [ERCHIS]
Цаг цагийн урсгалд нь хө
Цэцэн таныгаа мөрөөдөнө дөө
Цагаан дарь эх болчихоод хө
Цаглашгүй хамтдаа жаргахсан даа
Цэгнэн цэгнэн дэнсэлдэг нь хө
Цэцэн мэргэдийн ухаан аа хө
Цэрвэн цэрвэн учирдаг нь хө
Чинхүү хайрын сэтгэл ээ хө
Нартай сартай орчлонд нь хө
Номын гэгээнийг санана даа би
Ногоон дарь эх болчихоод хө
Насан туршдаа амьдрах сан даа
Бодон бодон айлддаг нь хө
Буурал өвгөдийн сургааль аа хө
Болзон болзон ханьсдаг нь хө
Буурцган зүрхний заяа даа хө
Төөрөг тавилан хоёрынхоо
Төрхийг би яаж мэдэх вэ дээ
Буцах ирэхийн аясыг хө
Бурхан та минь бодоорой доо
Цэцэг цэцэгсийг дамждаг нь хө
Эрвээхэй хатны ёс оо хө
Цэвэрхэн чамайгаа хайрлах нь хө
Энэ л насны минь жаргал даа хө
Бодол бодлын эгээрлээр
Борхон зүрх минь хайлан урслаа
Бурхны хувилгаан таныгаа
Буцаад ирэхийг тань хүлээнэ дээ
Зовлон жаргалыг цалгиулдаг
Замбуулин хорвоог ч яалтай даа
Зүүдний дарь эх таныгаа
Зүрхнийхээ тольтондоо жаргаая даа
Зүүдний дарь эх таныгаа
Зүрхнийхээ тольтондоо жаргаая даа
Буцаад ирэхийг тань хүлээнэ дээ

[@NaraaNaraa-lc2hb]

❤❤❤❤Тасархай дууллаа.

[@shatarthe7481]

Сайхан киноны сайхан дууг сайхан дуучид дуулжээ.