Рет қаралды 5,292
დაპირისპირება ადიგენის რაიონში: ბოლო მონაცემებით, სოფელ მოხეში 14 ადამიანია დაკავებული. უთანხმოების მიზეზი სოფლის ცენტრში მდებარე შენობაა, რომლის გადაცემას მულისმები მუსლიმთა სამმართველოსთვის ითხოვენ.
ადგილზე სიტუაცია მას შემდეგ დაიძაბა, რაც მითითებულ შენობასთან დღეს დილით სარესტავრაციო სამუშაოები დაიწყო. მშენებლების შეჩერება მუსლიმებმა რამდენჯერმე სცადეს, რაც მალე სამართალდამცავებთან დაპირისპირებაში გადაიზარდა.
ადგილობრივ მუსლიმთა მონაყოლის მიხედვით, სადავო შენობაში წლების წინ მეჩეთი ფუნქციონირებდა, თუმცა, საბჭოთა პერიოდში ადგილზე კულტურული ცენტრი განთავსდა. როგორც ახალ აბრაზეა მითითებული, ამჯერად გამგეობა შენობაში ბიბლიოთეკის მოწყობას აპირებს. სწორედ ეს გეგმა იწვევს მუსლიმი მრევლის უკმაყოფილებას.
შენობაზე საკუთრების უფლების მოპოვების მიზნით სამცხე-ჯავახეთის მუფთი უკვე თბილისშია და პრემიერთან შეხვედრას ითხოვს.